بەلاسقان
سەنبى, 22 جەلتوقسان 2012 7:19
«جەر جارالىپ, سۋ اققالى بەرى دۇنيەنىڭ تالاي تىلسىمىنا قانىققىڭىز كەلسە, وڭتۇستىككە كەلىڭىز. ول – اشۋلى جاتقان سالقار كىتاپ. نە جوقتىڭ ءبارىن تاباسىز». بۇل – ءابىش كەكىلباەۆتىڭ ءسوزى. تاريحقا جۇگىنسەك, ءاربىر قازاقتىڭ ون ەكىنشى, يا ون ءۇشىنشى اتاسى وسى وڭتۇستىكتىڭ توپىراعىنان جارالعان, تابانى ءتيىپ, سۋىن ءىشىپ, اۋاسىن جۇتقان. تاعدىر تەزىمەن ءبىرى باتىسقا, ەندى ءبىرى سولتۇستىك پەن وڭتۇستىككە ۇدەرە كوشكەن بۇكىل قازاقتىڭ قاراشاڭىراعى وتانى – وڭتۇستىك. وسىنداي قاسيەتتى دە باي مەكەندى باسقارعان ازاماتتاردىڭ دا وسال بولۋى مۇمكىن ەمەس.
سەنبى, 22 جەلتوقسان 2012 7:19
«جەر جارالىپ, سۋ اققالى بەرى دۇنيەنىڭ تالاي تىلسىمىنا قانىققىڭىز كەلسە, وڭتۇستىككە كەلىڭىز. ول – اشۋلى جاتقان سالقار كىتاپ. نە جوقتىڭ ءبارىن تاباسىز». بۇل – ءابىش كەكىلباەۆتىڭ ءسوزى. تاريحقا جۇگىنسەك, ءاربىر قازاقتىڭ ون ەكىنشى, يا ون ءۇشىنشى اتاسى وسى وڭتۇستىكتىڭ توپىراعىنان جارالعان, تابانى ءتيىپ, سۋىن ءىشىپ, اۋاسىن جۇتقان. تاعدىر تەزىمەن ءبىرى باتىسقا, ەندى ءبىرى سولتۇستىك پەن وڭتۇستىككە ۇدەرە كوشكەن بۇكىل قازاقتىڭ قاراشاڭىراعى وتانى – وڭتۇستىك. وسىنداي قاسيەتتى دە باي مەكەندى باسقارعان ازاماتتاردىڭ دا وسال بولۋى مۇمكىن ەمەس. ۇلكەن وبلىستىڭ ىستىق-سۋىعىنا توڭىپ, حالىقتىڭ الەۋمەتتىك جاعدايىن كوتەرۋدى باستى نازاردا ۇستاپ كەلە جاتقان تالانتتى باسشى اسقار مىرزاحمەتوۆ تۋرالى از ايتۋعا دا, كوپ ايتۋعا دا بولادى.
اكەسى يسابەك مىرزاحمەتوۆ وڭتۇستىككە بەلگىلى ازامات ەدى. مەن يسەكەڭدى ەرتەدەن بىلەتىنمىن. ول كەزدە پەداگوگيكالىق ينستيتۋتتا كافەدرا مەڭگەرۋشىسى قىزمەتىندە ەدىم. ءبىزدى «قىزىلساي» كوكونىس بازاسىنىڭ ديرەكتورى ءابدىماجيت بيتاباروۆ تانىستىرعان. سول ۋاقىتتاعى وبكومنىڭ ءبىرىنشى حاتشىسى اسانباي اسقاروۆ بولاتىن. يسەكەڭمەن ارالاساتىن, ءۇشتىكتىڭ ءبىرى يكرام ادىربەكوۆ (قازىر قر پارلامەنتى سەناتىنىڭ كوميتەت توراعاسى) ول كەزدە «ءبورجار» سوۆحوزىنىڭ پارتورگى ەدى.
ءابدىماجيت, يكرام جانە مەن يسەكەڭنىڭ اتشابارىنداي قاسىنان قالمايتىنبىز. ول ۇزىن بويلى, مىعىم دەنەلى, ۇنەمى ك ۇلىمدەپ ءجۇرەتىن كىسى ەدى. دومبىرادا ويناپ, ءان ايتاتىن. ونەردى قاتتى قادىرلەيتىن. وقىعان, توقىعانى مول, ءبىلىمدار كىسى بولاتىن. ازىلقوي, جۇرەگى مەيىرىمدى, جومارت جان ەدى. ول كەزدە سيرەك كەزدەسەتىن №11-11 قارا «ۆولگاسى» بولاتىن. ءوزى ءجۇرگىزەتىن. كوبىنە ءتورت ورىندىق ماشيناعا 6-7 ادام مىنەتىنبىز. تويدان قايتقاندا مىندەتتى تۇردە جولدا توقتاپ, كاپوتتىڭ ۇستىنە داستارقان جاياتىن. الىمىزگە قاراماي ءبىز ول كەزدە شىمكەنت وبلىستىق پارتيا كوميتەتىنىڭ ءبولىم مەڭگەرۋشىلەرى دوسىباي شەرىمقۇلوۆ, نۋريددين بالقياەۆ جانە ابىلاي تاستانبەكوۆپەن ارالاساتىنبىز. وسى كىسىلەرمەن تاعدىرلاس بولۋ ءوز الدىنا ءبىر ساباق. بىراق, يسەكەڭمەن ارالاسۋىمىزدىڭ ءجونى بولەك ەدى. ول بىزگە ۇلكەن مەكتەپ بولدى. كوپ نارسەنى ءۇيرەندىك. ارينە, ۇلاعاتتى قاسيەت, مەيىرىمدى, كەشىرىمشىل, ۇقىپتى بولۋعا, ۇلكەنگە ىزەت, كۇندەلىكتى ومىردە تاعدىرلاسقا تىلەكتەس بولۋ سول كىسىنىڭ قالدىرعان مۇراسى دەپ بىلەمىن. وكىنىشتىسى, ومىردەن ەرتە كەتكەن ەكەن عوي… ونى ەندى ءتۇسىنىپ ءجۇرمىز. ال ءسابيلا اپاي – اۋزىن اشسا جۇرەگى كورىنەتىن, ۇنەمى ك ۇلىپ جۇرەتىن, اقسارى كەلگەن ايەل بالاسىنىڭ سۇلۋى. قاراپايىمدىلىعىن ايتساڭىزشى! كارديولوگ. نازىك تە, الىپ ورگاننىڭ مامانى وسىنداي بولسا كەرەك. «الىپ انادان تۋادى» دەگەن راس, ءسابيلا اپاي دۇنيەگە ناعىز الىپتاردى الىپ كەلگەن ەكەن, وعان ءبىز ءبارىمىز كۋامىز.
بۇل ءوڭىر تاۋەلسىزدىككە ۇلتتىق قادىر-قاسيەت پەن سالت-سانانى, بىرلىك پەن بەرەكەنى, ىنساپ پەن ىمىراشىلدىقتى ءتۇيىپ, قاتتاپ جەتكىزە بىلۋىمەن ەرەكشەلەنەدى. تۋعان ءتىلىمىزدىڭ تازالىعى مەن قۇنارلىلىعىن, مايەگى مەن ءمان-ماعىناسىن بابالار اماناتتاعان كۇيىندە ەگەمەندى ەلىمىزدىڭ ۇرپاعىنا تابىستاي العاندىقتان دا, ەلباسى نۇرسۇلتان ءابىش ۇلى: «وڭتۇستىكتە باق-بەرەكە, ىنتىماق بولسا, مەملەكەتىمىزدە دە باق بەرەكە, ىنتىماق بولادى» دەگەن ەدى.
بۇگىنگى وبلىس باسشىسى تاعايىندالعان ءۇش جارىم جىلدان بەرى ۇلكەن جاۋاپكەرشىلىك پەن تەرەڭ بىلىمپازدىقتى تالاپ ەتەتىن بۇل ءۋازيپالى لاۋازىمدى ابىرويمەن اتقارۋدا. بۇلاي دەپ سەنىممەن ايتۋىمىز بەكەر ەمەس. سوزىمىزگە اكىمنىڭ جىل سايىنعى ەسەبى مەن وبلىستىڭ ەكونوميكالىق-الەۋمەتتىك كورسەتكىشىنىڭ ۇدەمەلى ءوسۋى دالەل بولا الادى.
«ادام ماقساتىنا ءوزىن-ءوزى جەتىلدىرۋ ارقىلى جەتەدى» دەگەن ءال-فارابي ءسوزىن بويتۇمار ەتكەن اسقار يسابەك ۇلى باسشىلىق ەتكەن ءۇش جىلدا جالپى وڭىرلىك ءونىم ەكى ەسەگە ۇلعايىپ, بيىلعى جىلدىڭ قورىتىندىسى بويىنشا 1,27 تريلليون تەڭگەدەن اسىپ وتىر. مەملەكەت باسشىسىنىڭ باستاماسىمەن قۇرىلعان «ۇدەمەلى يندۋستريالىق دامۋ باعدارلاماسى», «بيزنەستىڭ جول كارتاسى – 2020», «جۇمىسپەن قامتۋ – 2020» سياقتى ماڭىزدى مەملەكەتتىك باعدارلامالار اياسىندا اتقارىلىپ جاتقان ىستەر ءوڭىردىڭ ەكونوميكاسىن جىل وتكەن سايىن وركەندەتۋدە. «ۇدەمەلى يندۋستريالدى دامۋ باعدارلاماسى» باستالعان جىلدارى وبلىستا 7, وتكەن جىلى 24, بيىلعى جىلى 29 جوبانى ىسكە قوسۋ, ال جالپى يندۋستريالاندىرۋ كارتاسى بويىنشا 114 جوبا كارتاعا ەنگىزىلىپ, 15 مىڭنان استام جاڭا جۇمىس ورىندارىنىڭ اشىلۋى جوسپارلانىپ وتىر. شاعىن كاسىپكەرلىك «بيزنەستىڭ جول كارتاسى–2020» باعدارلاماسى بويىنشا تۇراقتى تۇردە جۇمىس جۇرگىزۋدە. جىل باسىنان بەرى شاعىن جانە ورتا كاسىپكەرلىك سۋبەكتىلەرى 198,2 ملرد. تەڭگەنىڭ ءونىمىن شىعاردى.
كوكونىس پەن باقشا ونىمدەرىنەن كەڭەس داۋىرىندەگى ەڭ جوعارى كورسەتكىشتەن ءتورت ەسە ارتىق كولەمدە – 2 ميلليون 300 مىڭ توننا ءونىم جينالعان.
ستاتيستيكالىق مالىمەتتەر بىلاي دەيدى: ۇستىمىزدەگى جىلدىڭ سەگىز ايىنىڭ قورىتىندىسى بويىنشا وبلىستاعى ونەركاسىپ ورىندارىندا 279 ملرد. تەڭگەنىڭ ءونىمى شىعارىلعان. كەن ءوندىرۋ ونەركاسىبىندە 64,2 ملرد. تەڭگەنىڭ, وندەۋ ونەركاسىبىندە 187,2 ملرد. تەڭگەنىڭ ءونىمى وندىرىلگەن. وبلىس الەۋمەتتىك-ەكونوميكالىق دامۋ سەرپىنى جاعىنان ەل بويىنشا الدىڭعى قاتاردا كەلەدى.
رەسپۋبليكا پرەمەر-ءمينيسترى سەرىك احمەتوۆ وڭتۇستىك قازاقستان وبلىسىنىڭ 80 جىلدىق سالتاناتى اياسىندا كاسىپكەرلەرگە قىزمەت كورسەتۋ ورتالىعىندا وبلىس كاسىپكەرلەرىمەن كەزدەسكەن بولاتىن. كاسىپكەرلەرگە قىزمەت كورسەتۋ ورتالىعى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2012 جىلعى 22 ماۋسىمدا كاسىپكەرلىكتى دامىتۋ ماسەلەسى بويىنشا وتكەن كەڭەس بارىسىنداعى تاپسىرماسى اياسىندا, سونداي-اق, وڭتۇستىك قازاقستان كاسىپكەرلەرى ءۇشىن بىرىڭعاي كەڭەس بەرۋشىلىك جانە وقىتۋشىلىقتى ۇيىمداستىرۋ ءۇشىن قۇرىلعان. جۇرتقا جۇمىس ىستەۋدى ۇيرەتۋدەن گورى, جۇمىس ىستەۋىنە بوگەت جاساماۋدى ۇيرەنۋ كەرەك دەپ بىلەتىن وبلىس اكىمىنىڭ باستاماسىمەن قۇرىلعان كاسىپكەرلەرگە قىزمەت كورسەتۋ ورتالىعىنداعى كەڭەسشىلەردىڭ كومەگىمەن بيزنەستىڭ ءمۇمكىندىكتەرىن ەسەپتەپ, ونى كەڭەيتۋدى شەشە بىلگەن وبلىستىڭ بۇل جۇمىس تاجىريبەسى ۇكىمەت باسشىسى مىندەتتى تۇردە ەسەپكە الىناتىنىن مالىمدەدى.
ءار كۇنi اشىلىپ جاتقان جاڭا ءوندiرiس ورىندارى, قولعا الىنعان اۋقىمى ۇلكەن جوبالار, باعىتى باسىم باعدارلامالار – مۇنىڭ بارلىعى وبلىس باسشىسىنىڭ ۇتىمدى ۇيىمداستىرۋشىلىعىمەن جاسالعان وڭتۇستىك حالقىنىڭ ءتاۋەلسىزدىك تويىنا ارناعان تارتۋى ءارi ەلباسىنىڭ تاپسىرماسىن ناقتى iس جۇزiنە اسىرۋ مiندەتi.
مەملەكەت باسشىسىنىڭ ەكونوميكالىق قۇرىلىمدى ءارتاراپتاندىرۋ ماقساتىندا ايقىندالعان يندۋستريالىق-يننوۆاتسيالىق جوباسى اياسىندا وبلىستا 8 ءىرى جوبا قولعا الىندى. اتالمىش باعىتقا 55 ميللياردتان استام ينۆەستيتسيا تارتۋ كوزدەلىپ وتىر. جوبا ساتىمەن جۇزەگە اسسا, وڭىردە ماقتانى تەرەڭ وڭدەۋ, ودان ماتا مەن ءجىپ ءيىرۋ ءوندىرىسى داميدى. الداعى 5 جىلدا ىسكە اساتىن وزگە دە جوبالار, اتاپ ايتقاندا, ىشكى نارىقتاعى سۇرانىستى قاناعاتتاندىرۋعا نەگىزدەلگەن اۋىلشارۋاشىلىق ءونىمدەرىن وڭدەۋ دە قاراستىرىلىپ وتىر. وبلىستىڭ 2014 جىلعا دەيىنگى دامۋ جوسپارىنا سايكەس, قايتا وڭدەۋ سالاسى بويىنشا – 14, ال كوكونىس ونىمدەرىن وڭدەيتىن 19 كاسىپورىن ىسكە قوسىلادى. ءناتيجەسىندە, ەت پەن ءسۇتتىڭ ۇلەس سالماعى – 40 پايىزعا, ال كوكونىس كولەمى 20 پايىزعا ارتپاق. اۋىل شارۋاشىلىعىن تولىق مەحانيزاتسيالاۋ الداعى ماقساتقا جەتۋدىڭ توتە جولى. ال, جەرگىلىكتى عىلىمي كادرلاردىڭ باسەكەگە قابىلەتتىلىگى ءوڭىر ءوندىرىسىنىڭ تۇراقتى دامۋىنا سەپ بولادى, دەيدى ماماندار.
قازاقستاندا بۇرىن-سوڭدى بولماعان, وندىرىلمەگەن ءوندىرىستىڭ ءبىرازى قازىرگى تاڭدا بىزدە جاسالىپ, ەلدە ءومىرى بولماعان ونىمدەر شىمكەنتتەن شىعىپ جاتىر. بۇرىن قازاقتىڭ ءتىسى باتا بەرمەيتىن قيىن تەحنولوگيانى, تەحنيكانى قازاق بالالارى مەڭگەرىپ, جۇمىستى ءبىر كىسىدەي ءۇيىرىپ ءجۇر. شىمكەنتتەن شىققان ءونىم وتاندىق تاۋاردىڭ كولەمىن كەڭەيتىپ, «قازاقستاندا جاسالعان» دەگەن تاۋارعا اينالارىنا سەنىمىمىز مول.
«ءنۇرسات» شاعىن اۋدانىنداعى وبلىستىق بالالار اۋرۋحاناسى – قازاقستانداعى ەڭ ۇلكەن بالالار اۋرۋحاناسى. 2011 جىلى 5 ناۋرىزدا ەلباسى ءوزى كەلگەندە وسى ەمحانانى اشىپ بەرگەن بولاتىن. اۋرۋحانا 10 گەكتار جەرگە ورنالاسقان. سوڭعى سەگىز ايدا بالالارعا 141 وپەراتسيا جاسالىپتى. تەك وڭتۇستىك قازاقستان وبلىسى عانا ەمەس, سونىمەن قاتار, قىزىلوردا مەن جامبىل وبلىستارىنا دا وڭىرلىك قىزمەت كورسەتەدى.
بۇگىندە تەك ەڭبەكپەن عانا جەمىس ونەتىنىن بىلەتىن ءاربىر شارۋا ادال ەڭبەكپەن كۇن كورۋدىڭ جولىنا كىرىسكەن. بۇگىنگى كۇنى ماقتاشىلاردىڭ قاجىرلى ەڭبەگىنىڭ ارقاسىندا 241,8 مىڭ توننا ماقتا شيكىزاتى تەرىلىپ, بيىلعى جىلى اۋدانعا بەرىلگەن 238,0 مىڭ توننا ماقتا شيكىزاتىن دايىنداۋ تاپسىرماسى ارتىعىمەن ورىندالدى. ونىڭ ىشىندە 38,6 مىڭ تونناسى كومبايندارمەن تەرىلىپ, جالپى, جينالعان ءونىمنىڭ 16,0 پايىزىن قۇراپ وتىر. ماقتاارال اۋدانى بويىنشا گەكتارىنا 28 تسەنتنەردەن ءونىم الىندى. وسىناۋ تولاعاي تابىس كۇز جانە قىس ايلارىنىڭ تابيعي قولايسىزدىعىنا قاراماستان, تىنباي ەڭبەك ەتكەن ديقانداردىڭ قاجىرلى ەڭبەگىنىڭ ارقاسى دەپ بىلگەن ابزال.
سوڭعى جىلدارى وڭتۇستىكتە جۇمىسسىزدىق ازايدى. «جۇمىسپەن قامتۋ-2020» باعدارلاماسىنىڭ ورىندالۋىنا سايكەس 90 مىڭنان استام جاڭا جۇمىس ورىندارى اشىلىپ, وبلىستىڭ 5358 تۇرعىنى تۇراقتى جۇمىس ورنىنا ورنالاستى.
كوكساراي سۋ رەتتەگىشى ءبۇكىل ەلىمىزدى كورشى مەملەكەتتەرگە تاۋەلدىلىكتەن, ال ءوڭتۇستىك قازاقستان, قىزىلوردا وبلىستارىنىڭ بىرقاتار اۋداندارىنىڭ تۇرعىندارىن كوكتەمدە سۋ باسۋ قاۋپىنەن قۇتقاردى.
بىرەۋ بىلەر, بىرەۋ بىلمەس. جىل سايىن «كوكتەم كەلدى» دەگەنشە, قىرعىزستان مەن كورشى وزبەكستانعا جالىناتىنبىز. مۇنى نەسىنە جاسىرامىز؟ ەل ەكونوميكاسى نىعايىپ, قابىرعامىز قاتايعان سوڭ كوكساراي سۋ رەتتەگىشىن سالۋ كەرەك بولدى. پىكىر ەكىگە جارىلىپ بارا جاتقان تۇستا ەلباسى «كوكساراي سالىنسىن!» دەپ كەسىمدى, شۇعىل شەشىم قابىلدادى. بۇل ينۆەستيتسيالىق جوبانىڭ دۇرىستىعىن ۋاقىت دالەلدەپ ۇلگەردى. سىرداريانىڭ توسىن مىنەزىنەن شوشىپ وياناتىن جۇزدەگەن مىڭ ادامنىڭ تۇنگى ۇيقىسى تىنىشتالدى. اۋىل حالقى مالىن داريا جاعاسىنداعى توعايعا ەمىن-ەركىن جايىپ جىبەرەتىن بولدى.
كوكساراي سالىنعان وڭتۇستىك قازاقستان وبلىسى, ارىس اۋدانىنىڭ اۋماعىندا سان مىڭداعان گەكتار جەر كوكمايساعا اينالدى. جيناپ الىنعان تەلەگەي تەڭىز ارتىق سۋ رەتتەگىشتەن قايتادان دارياعا جىبەرىلگەن سوڭ ارىستىقتار بالىققا قارق بولىپ قالدى. ادام دا, مال دا تويىنىپ جاتىر. مۇنى ايتاسىز, بۇرىن بۇل ايماققا كەلىپ كورمەگەن اڭ مەن قۇستار پايدا بولدى. قاز قاڭقىلداپ, شاعالا ۇشىپ ءجۇر. ەل كوكساراي ءۇشىن ەلباسىمىزعا شەكسىز العىستارىن ايتتى. وڭتۇستىك قازاقستان وبلىسىنىڭ ەكونوميكالىق دامۋ باعىتى جاڭا تۇرپاتقا يە بولدى.
اسقار مىرزاحمەتوۆ اكىمدىك قىزمەتكە كەلگەننەن بەرى بوي كوتەرگەن, قالامىزدىڭ اسەمدىگىن كوركەيتكەن عيماراتتار باسشىنىڭ ەستەتيكالىق تالعامىن تانىتىپ قانا قويماي, ەلگە, جەرگە دەگەن ماحابباتىن دا ايقىندايدى. قاجىمۇقان اتىنداعى ورتالىق ستاديون ماڭىنان بوي كوتەرگەن ورتالىق سۋ-سپورت كەشەنى, سپورتشىلار اللەياسى, «تاۋەلسىزدىك» ساياباعى, «مەملەكەتتىك رامىزدەر» الاڭى, ورداباسى الاڭىنداعى «وتان-انا» تاۋەلسىزدىك مونۋمەنتى, بايدىبەك بابا ەسكەرتكىشى, «وڭتۇستىك تسيرك», داڭق مەموريالى, اباي مۇراجايى, «ءشامشى الەمى» گۇلزارى سىندى شىمكەنتتىڭ شىرايلى ورىندارى وبلىسىمىزدىڭ اجارىن اشىپ, كورىكتەندىرە تۇسكەن.
ابىروي, ىنتىماق بىرلىكتىڭ بار جەرىندە عانا جۇرەتىنىن جاقسى بىلەتىن اسقار يسابەك ۇلى وبلىستا «ىرىس الدى – ىنتىماق» ۇيىمىن قۇردى. جىل سايىن ءداستۇرلى ءتۇردە ناۋرىز مەرەكەسى مەن اتا زاڭىمىزدىڭ كۇنىنە وراي وتكىزىلىپ تۇراتىن بۇل ءىس-شارا كوپۇلتتى وبلىس حالقىنىڭ مىزعىماس بىرلىگى مەن تاتۋلىعىنا ايتارلىقتاي قىزمەت ەتىپ كەلەدى. اتا-باباسىنىڭ اتىنا مەشىت پەن ەسكەرتكىش سالۋدىڭ دا ۇرپاق تاربيەسى ءۇشىن كەيدە كەرى اسەر ەتەتىنىن باسپاسوزدە تايسالماي ايتىپ, ونىڭ ورنىنا مەكتەپ پەن بالاباقشا, دارىگەرلىك ەمحانالار سالۋ قاجەتتىگىن كوتەرگەن دە بۇگىنگى وبلىس اكىمى مىرزاحمەتوۆ بولاتىن.
«تىرلىك باسقا بولسا دا – تىلەك ءبىر, بىلەك باسقا بولسا دا – جۇرەك ءبىر» دەگەن بايدىبەك بابا ءسوزىن جادىمىزدا ۇستاعانىمىز ابزال. بىرلىگى جاراسپاعان ەلدىڭ بەرەكەسى كەتەدى.
بۇگىندە بىرلىك پەن ىنتىماقتىڭ مەكەنىنە اينالعان وڭتۇستىك ءوڭىرى جىل وتكەن سايىن كوركەيىپ, كەمەلدەنۋدە. وبلىس ەكونوميكاسى ورگە باسىپ كەلەدى. بىرقاتار ماڭىزدى باعىتتار بويىنشا رەسپۋبليكادا جوعارعى كورسەتكىشتەرگە قول جەتكىزدى. حالىقتىڭ ءال-اۋقاتى جاقساردى. ولاي بولسا, بىزدەگى جاسامپاز جەتىستىكتەر ءاربىرىمىز ءۇشىن ەرەكشە قۋانىش. ءبىز باستى بايلىعىمىز – ازاماتتىق تاتۋلىق پەن ەتنوسارالىق بىرلىكتى ساقتاۋعا, دوستىق پەن كەلىسىم ءداستۇرلەرىن بولاشاق ۇرپاقتىڭ بويىنا دارىتۋعا ءتيىسپىز. «بۇلاقتى بولسا كول سەمىرەدى, ىنتىماقتى بولسا ەل سەمىرەدى». تاتۋ ەلگە تىنىشتىق پەن توقشىلىقتى ءناسىپ ەتۋدى باستى ماقسات تۇتاتىن وبلىس باسشىسىنىڭ ءاربىر باستاماسىنا قولداۋ, ءار ىسىنە دەمەۋ كورسەتۋ – وڭتۇستىكتىڭ بارلىق ازاماتىنا ورتاق پارىز. ەل باسقارىپ وتىرعان باسشىنىڭ باعدارشامى – ەلباسىنىڭ قويعان تالاپ-تىلەكتەرى, ال وسى ماقسات-مىندەتتەردى ورىنداۋ ەلدىگىمىز بەن بىرلىگىمىزدىڭ جەمىسى. وبلىسىمىزدىڭ وركەندەۋى – بارشامىزعا ورتاق ءىس.
وڭالباي اياشەۆ,
وڭتۇستىك قازاقستان مەملەكەتتىك
پەداگوگيكالىق ينستيتۋتىنىڭ رەكتورى,
پەداگوگيكا عىلىمدارىنىڭ دوكتورى.
