ءبىر جاڭبىردان قالا ما؟
سەيسەنبى, 9 قازان 2012 7:12
كۇيىنگەن سوڭ جازاسىڭ دا. كەنەسارى حاننىڭ قالىڭ قولىن باسقارىپ, تاۋەلسىزدىك ءۇشىن ارپالىسقان اعىباي باتىر مازارىنىڭ كەتكەن سيقى ءبىر تۇزەلمەي قويدى.
1984 جىلدىڭ قازان ايىنىڭ 27-ءى كۇنى اۋدان ورتالىعىنان ەكى ءجۇز ەلۋ شاقىرىم ءارى جولسىز قيانداعى اعىباي باتىر مازارىنا كوكتاس قويدىق. مازاردىڭ توبەسى ويىلىپ, كۇمبەزى جۇقارىپ قالعان ەكەن. جاڭبىر شايعان قابىرعالارى دا ءتىلىم-ءتىلىم. كەلەر جىلدىڭ جازىندا جوعارى جاقتاعىلارعا جيىرما مىڭ كىرپىش بولىنسە, مازاردىڭ سىرتىنان ورە قالاپ تاستاماق ويىمىز بارىن دا جەتكىزدىك. الايدا, ول كەزدە قولىندا بيلىگى بارلار مۇنداي ىسكە بارۋعا تاۋەكەل ەتە المادى.
سەيسەنبى, 9 قازان 2012 7:12
كۇيىنگەن سوڭ جازاسىڭ دا. كەنەسارى حاننىڭ قالىڭ قولىن باسقارىپ, تاۋەلسىزدىك ءۇشىن ارپالىسقان اعىباي باتىر مازارىنىڭ كەتكەن سيقى ءبىر تۇزەلمەي قويدى.
1984 جىلدىڭ قازان ايىنىڭ 27-ءى كۇنى اۋدان ورتالىعىنان ەكى ءجۇز ەلۋ شاقىرىم ءارى جولسىز قيانداعى اعىباي باتىر مازارىنا كوكتاس قويدىق. مازاردىڭ توبەسى ويىلىپ, كۇمبەزى جۇقارىپ قالعان ەكەن. جاڭبىر شايعان قابىرعالارى دا ءتىلىم-ءتىلىم. كەلەر جىلدىڭ جازىندا جوعارى جاقتاعىلارعا جيىرما مىڭ كىرپىش بولىنسە, مازاردىڭ سىرتىنان ورە قالاپ تاستاماق ويىمىز بارىن دا جەتكىزدىك. الايدا, ول كەزدە قولىندا بيلىگى بارلار مۇنداي ىسكە بارۋعا تاۋەكەل ەتە المادى.
تاۋەلسىزدىك قولعا تيگەن سوڭ اعىباي مازارىن جوندەۋ ءماسەلەسىن قايتا-قايتا كوتەرگەنبىز. اقىرى 2005 جىلى رەستاۆراتسيا جاسالاتىن بولدى. وكىنىشتىسى سول, وسى ماقساتقا بولىنگەن ءبالەنباي ميلليون قارجىنىڭ اياعى قۇردىمعا كەتتى. ءار جەرىن شۇقىپ سىلاعان بولىپ, مازاردىڭ جيەك-جيەگىنە قاڭىلتىر سۋ اعار قويعان. بىلاي قاراساڭ مازار قاڭىلتىردان اق قالپاق-شلياپا كيىپ تۇرعانداي. مازاردىڭ سىرتىنا توردان «كويلەك» كيگىزىپ, سىلاعان بولدى. ونىسى كەلەر جىلعا جەتپەي بوي-بويى شىعىپ, ءتۇسىپ قالدى.
مازاردىڭ سۇرقىنىڭ سونشاما قاشۋى جۇرت نازارىنان تىس قالمادى. مازاردى قالپىنا كەلتىرۋ جۇمىسى قايتا كوتەرىلىپ, تاعى جيىرما ميلليون تەڭگەگە جۋىق قارجى ءبولىندى. ءسويتىپ, «كۇمبەز» اتتى تاعى ءبىر مەكەمە ىسكە كىرىستى. كەلەر جىلى جۇمىسىن اياقتادى. وسىعان دا ءشۇكىرشىلىك ەتتىك. شۇكىرشىلىكتەن ارىعا تاعى بارا المادىق. جاقىنداي كەلە قاڭىلتىر قالپاقتان قۇتىلعان مازاردىڭ ج ۇلىم-ج ۇلىم سىرتقى سىيقىن كورىپ, كوڭىل قۇلازىدى. اعەكەڭ كۇمبەزىنىڭ ەتەگى اينالا بوي-بويىنا ىدىراپ, ءتۇسىپ قالعان.
عاسىرلار بويى جاڭبىر مەن جەلدىڭ وتىنە دە, تالاي-تالاي جاۋلىق, دۇشپاندىقتىڭ نيەتى مەن بۇلدىرگىش ىسىنە دە توتەپ بەرگەن اعىباي باتىردىڭ مازارىنىڭ كورىنىسى وسى. دۇلەي تابيعاتتىڭ الاپات جاڭبىرى قۇلاتىپ كەتپەسە يگى.
كامەل جۇنىستەگى,
جازۋشى, قر مادەنيەت قايراتكەرى.
قاراعاندى وبلىسى.
