جاسىل ورماننىڭ جاس جاناشىرلارى
سارسەنبى, 1 تامىز 2012 7:24
مەكتەپ وقۋشىلارىن مەملەكەتتىڭ ۇلتتىق پاركتەرىن, تابيعي قورىقتارىن, تابيعي رەزەرۆاتتارىن قولداۋعا قاتىستىرۋدى كوزدەيتىن «ساياباقتار شەرۋى» اتتى تابيعاتتى قورعاۋ شاراسىنا شالداي ورتا مەكتەبىنىڭ ۇجىمى بەلسەنە قاتىسۋدا. مەكتەپ ديرەكتورى ءۇمىت قايداعۇلوۆانىڭ ايتۋىنشا «ەرتىس ورمانى» مەملەكەتتىك ورمان رەزەرۆاتىمەن جاسالعان كەلىسىمگە سايكەس جازعى ۋاقىتتا شالداي, سەيتەن, باۋىرتال, گالكين, سادىقاششى ورمان شارۋاشىلىعى اۋماعىندا مەكتەپ وقۋشىلارى ءۇشىن 202 جاڭا جۇمىس ورىنى ۇيىمداستىرىلدى. شالداي مەكتەبىندە مەكتەپىشىلىك ورمان شارۋاشىلىعى قۇرىلدى.
سارسەنبى, 1 تامىز 2012 7:24
مەكتەپ وقۋشىلارىن مەملەكەتتىڭ ۇلتتىق پاركتەرىن, تابيعي قورىقتارىن, تابيعي رەزەرۆاتتارىن قولداۋعا قاتىستىرۋدى كوزدەيتىن «ساياباقتار شەرۋى» اتتى تابيعاتتى قورعاۋ شاراسىنا شالداي ورتا مەكتەبىنىڭ ۇجىمى بەلسەنە قاتىسۋدا. مەكتەپ ديرەكتورى ءۇمىت قايداعۇلوۆانىڭ ايتۋىنشا «ەرتىس ورمانى» مەملەكەتتىك ورمان رەزەرۆاتىمەن جاسالعان كەلىسىمگە سايكەس جازعى ۋاقىتتا شالداي, سەيتەن, باۋىرتال, گالكين, سادىقاششى ورمان شارۋاشىلىعى اۋماعىندا مەكتەپ وقۋشىلارى ءۇشىن 202 جاڭا جۇمىس ورىنى ۇيىمداستىرىلدى. شالداي مەكتەبىندە مەكتەپىشىلىك ورمان شارۋاشىلىعى قۇرىلدى. جاس ورمانشىلارعا ارنايى كيىم ساتىپ الىندى. مەكتەپىشىلىك ورمان شارۋاشىلىعىنا ارنايى بولمە ءبولىنىپ, وعان جوندەۋ جۇمىستارى جۇرگىزىلۋدە. الدىمەن, مەكتەپ وقۋشىلارى «قاناتتى دوستار» اتتى باعدارلاما اياسىندا ورمانداعى قۇستارعا استاۋشالار جاسادى. ولارعا جەم سالىپ, اعاش پەن بۇتاقتارعا ورنالاستىردى. سونداي-اق ورمان ءىشى قوقىستان تازارتىلىپ, كوپتەگەن اعاش كوشەتتەرى وتىرعىزىلدى.
وسىنداي شارالاردىڭ بارىسىندا «سەمەي ورمانى» رەزەرۆاتىنىڭ ورمانشىلارى بالالاردى جابىق تامىر جۇيەسىمەن ەكپە كوشەتتەردى ءوسىرۋ ادىسىمەن تانىستىردى. ءبىزدىڭ ەلىمىزدىڭ قاراعايلى ورماندارى تۋرالى ءار ءتۇرلى فيلمدەر كورسەتتى. ورمان زيانكەستەرى جايىندا ءسوز قوزعاپ, ورماندى مەكەندەيتىن جانۋارلار تۋرالى قىزىقتى اڭگىمەلەر شەرتتى. ال وقۋشىلار بولسا, «ورمان – ءبىزدىڭ ورتاق ءۇيىمىز» تاقىرىبىنا شىعارمالار جازىپ, تابيعاتقا دەگەن كوزقاراستارىن ءبىلدىردى.
فاريدا بىقاي,
«ەگەمەن قازاقستان».
پاۆلودار وبلىسى.
