كيىكتەر نەگە قىرىلىپ جاتىر؟
بەيسەنبى, 24 مامىر 2012 7:41
تورعاي دالاسىنداعى اقبوكەندەر قىرىلىپ جاتىر. وبلىستاعى ورمان جانە اڭ شارۋاشىلىعى اۋماقتىق ينسپەكتسياسى ماماندارىنىڭ مالىمەتى بويىنشا, ولگەن كيىكتىڭ سانى اينالاسى ءۇش كۇننىڭ ىشىندە 543-كە جەتكەن. قازىر تورعايدا قۇرامىندا ينسپەكتسيا مەن جانگەلدين اۋداندىق اكىمدىگى قىزمەتكەرلەرى, مال ماماندارى بار 50 ادامنان تۇراتىن ارنايى كوميسسيا جۇمىس ىستەپ جاتىر. كيىكتىڭ ولەكسەلەرى تەكسەرىلۋ ءۇشىن لابوراتورياعا الدىرىلدى. ونىڭ قورىتىندىسى ەكى اپتاداي ۋاقىتتان كەيىن دايىن بولادى.
بەيسەنبى, 24 مامىر 2012 7:41
تورعاي دالاسىنداعى اقبوكەندەر قىرىلىپ جاتىر. وبلىستاعى ورمان جانە اڭ شارۋاشىلىعى اۋماقتىق ينسپەكتسياسى ماماندارىنىڭ مالىمەتى بويىنشا, ولگەن كيىكتىڭ سانى اينالاسى ءۇش كۇننىڭ ىشىندە 543-كە جەتكەن. قازىر تورعايدا قۇرامىندا ينسپەكتسيا مەن جانگەلدين اۋداندىق اكىمدىگى قىزمەتكەرلەرى, مال ماماندارى بار 50 ادامنان تۇراتىن ارنايى كوميسسيا جۇمىس ىستەپ جاتىر. كيىكتىڭ ولەكسەلەرى تەكسەرىلۋ ءۇشىن لابوراتورياعا الدىرىلدى. ونىڭ قورىتىندىسى ەكى اپتاداي ۋاقىتتان كەيىن دايىن بولادى.
– تەلەارنالار بەرگەن اقپاراتتاردا كيىكتىڭ جاپپاي قىرىلۋىنا ءتۇرلى سەبەپتەر ايتىلىپ جاتىر. ونىڭ بارلىعى دا ويدان شىعارىلعان بولجام. ارنايى لابوراتوريالىق قورىتىندى عانا كيىكتىڭ قىرىلۋ سەبەبىن انىقتاي الادى, – دەيدى وبلىستىق ورمان جانە اڭ شارۋاشىلىعى اۋماقتىق ينسپەكتسياسىنىڭ باستىعى مارات بەگىمبەتوۆ.
كيىك نەگىزىنەن ولار تولدەيتىن ايىرقۇم مەن اققۇمنىڭ اراسىنداعى ىقتاسىندا قىرىلعان. اقبوكەننىڭ 4 تەكەسى, بيىل تۋعان 31 لاعى جانە 508 ەشكىسىنىڭ ولەكسەسى تابىلدى. ولەكسەلەر شاشىراپ جاتىر, ارالارى 100-200 قادامداي بولادى. قىرىلعان كيىكتەردىڭ اۋزىنان كوبىك اققان, ءىشى وتكەن جانە كەۋىپ كەتكەن.
– نەگىزى بۇل پاستەرەللەزدىڭ بەلگىسىنە كەلەدى, بىراق ناعىز جۇقپالى اۋرۋ دەپ ايتۋعا ءالى ەرتە. كيىكتەردىڭ ەشكىلەرى كۇپتى بولعان نەمەسە گۇلدەگەن كەزدە ۋلى بولاتىن شىتىرا ءشوبىن كوپ جەپ قويعان دەگەن دە مامانداردىڭ الدىن الا بولجامى بار, – دەيدى مارات بەگىمبەتوۆ.
قازىر ايىرقۇمدا اقبوكەندەر تولدەپ بولىپ قالدى. لاعىن ورگىزەتىن قۇرالاي سالقىنى دا ءوتتى. وتكەن جىلعى ساناق بويىنشا قازاقستانداعى بەتپاقدالا ءبولىگىندە 78 مىڭ كيىك بولدى. بيىلعى ساناق تا جاقىندا جۇرگەن بولاتىن, بىراق ءالى قورىتىندىسى شىققان جوق.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى.
