بەينەماتەريالدارمەن تانىستى

جۇما, 23 قاراشا 2012 7:09

تالدىقورعان قالالىق سوتىندا اسكەري قىز­مەت­­شى ۆ.چەلاحتىڭ ءىسى بويىنشا پروتسەسس جال­عاسۋ­دا. 22 قارا­شادا سوتتالۋشىنىڭ ادۆوكاتى س.ءسار­سەنوۆ سوت­قا ونىڭ قورعاۋىنداعى ادامنىڭ بۇ­رىنعىسىنشا سوت زالىنا شى­عىپ, پروتسەسكە قا­تى­سۋدان باس تارتىپ وتىرعانىن حابارلادى. وسى­لايشا ءىستى قاراۋ سوتتالۋشى چەلاحسىز وتۋدە.
ىسكە توراعالىق ەتۋشى ە.احمەتجانوۆ قورعاۋ­شى جاققا قۇپيا قۇجاتتاردى قاراۋعا قۇقىلى ادۆوكات ەستياروۆتىڭ سوتتالۋشىمەن بىرگە قۇپيا بەلگىسى بار ءىس ماتەريالدارىمەن تانىسا الاتىنىن حابارلادى. وسىلايشا, سوت سوتتالۋ­شىنىڭ ءوزىنىڭ جانە قورعاۋشى­سىنىڭ قۇپيا ماتەريالدارمەن تانىسۋى ءۇشىن ۋاقىت بەرۋ تۋرالى وسىعان دەيىنگى ءوتىنىشىن قاناعاتتاندىردى.
سوت پروتسەسى ارنايى ءىس-شارالار بەينەجازبالارىن كورۋمەن جالعاستى. 22 قاراشادا قاتىسۋ­شى­لارعا چەلاحتىڭ ءوز كامەرالاستارىنا قىزمەت­تەس­تە­رى مەن اڭشىنى قالاي ولتىرگەنىن, شەكارا بەكەتىن ورتەپ, تاۋدا, ودان كەيىن قىستاقتا قالاي جاسىرىن­عانىن ەگجەي-تەگجەيلى بايانداعانى, تۋىستارىمەن جانە ادۆوكاتىمەن سويلەسكەنى تۋرالى بەينەتۇ­سى­رىلىم كورسەتىلدى.
وسىدان كەيىن سوت وپەراتيۆتى-تەرگەۋ ءىس-شارا­لا­رى كە­زىن­دە تۇسىرىلگەن بەينەماتەريالداردى قاراۋعا كوشتى.