تىيىم سالۋ تۋرالى ايتىلدى
بەيسەنبى, 22 قاراشا 2012 7:22
كەشە باس پروكۋراتۋرانىڭ رەسمي وكىلى نۇرداۋلەت سۇيىندىكوۆ اقتاۋداعى سوت ىسىنە بايلانىستى حابار بەردى. ول 19 قاراشادا ماڭعىستاۋ وبلىسىنىڭ سوتىندا الەۋمەتتىك ارازدىقتى قوزدىرۋ, بيلىكتى كۇشتەپ قۇلاتۋعا شاقىرۋ, ۇيىمداسقان توپ قۇرۋ جانە ونى باسقارۋ دەرەكتەرى بويىنشا اقتاۋ قالالىق سوتىنىڭ 2012 جىلعى 8 قازانداعى ۇكىمىنە ۆلاديمير كوزلوۆ پەن ونىڭ قورعاۋشىلارىنىڭ اپەللياتسيالىق شاعىمدارى قارالعاندىعىن ايتتى.
بەيسەنبى, 22 قاراشا 2012 7:22
كەشە باس پروكۋراتۋرانىڭ رەسمي وكىلى نۇرداۋلەت سۇيىندىكوۆ اقتاۋداعى سوت ىسىنە بايلانىستى حابار بەردى. ول 19 قاراشادا ماڭعىستاۋ وبلىسىنىڭ سوتىندا الەۋمەتتىك ارازدىقتى قوزدىرۋ, بيلىكتى كۇشتەپ قۇلاتۋعا شاقىرۋ, ۇيىمداسقان توپ قۇرۋ جانە ونى باسقارۋ دەرەكتەرى بويىنشا اقتاۋ قالالىق سوتىنىڭ 2012 جىلعى 8 قازانداعى ۇكىمىنە ۆلاديمير كوزلوۆ پەن ونىڭ قورعاۋشىلارىنىڭ اپەللياتسيالىق شاعىمدارى قارالعاندىعىن ايتتى.
قىلمىستىق ءىس ماتەريالدارىن جانە ايىپتالۋشى مەن ونىڭ قورعاۋشىلارىنىڭ كەلتىرگەن بارلىق ۋاجدەرىن زەردەلەۋ ناتيجەسى بويىنشا ءبىرىنشى ساتىداعى سوت ۇكىمى وزگەرىسسىز, ال اپەللياتسيالىق شاعىمدار قاناعاتتاندىرۋسىز قالدىرىلعان. وسىلايشا, ۆلاديمير كوزلوۆقا, سەرىك ساپارعاليعا جانە اقجانات امينوۆكە قاتىستى ۇكىم زاڭدى كۇشىنە ەنگەن.
دەگەنمەن, سوتتالعاندار سوت ۇكىمىنە كاسساتسيالىق جانە قاداعالاۋ تارتىبىندە شاعىمدانۋعا قۇقىلى.
ءوز كەزەگىندە اتالعان تۇلعالارعا قاتىستى سوت ءىستى قاراۋدىڭ جان-جاقتىلىق, تاراپتاردىڭ ءباسەكەلەستىك جانە تەڭ قۇقىقتىلىق قاعايداتتارى ساقتالا وتىرىپ, اشىق رەجىمدە وتكەندىگىن اتاپ ءوتۋ قاجەت, دەيدى رەسمي وكىل. ءبىرىنشى جانە اپەللياتسيالىق ساتىداعى سوتتارمەن ايىپتاۋ جانە قورعاۋشى تاراپتارمەن ۇسىنىلعان دالەلدەمەلەردىڭ بارلىعى زەردەلەنگەن. ساپارعالي مەن امينوۆ كىنالارىن مويىنداپ جانە ۇكىمگە اپەللياتسيالىق ءتارتىپتە شاعىم كەلتىرمەگەن كورىنەدى.
دەي تۇرعانمەن, كوزلوۆ پەن باسقالارعا قاتىستى زاڭدى كۇشىنە ەنگەن سوت ۇكىمىمەن تىركەلمەگەن «العا» جانە «حالىق مايدانى» قوعامدىق بىرلەستىكتەرىنىڭ, سونداي-اق بىرقاتار بۇقارالىق اقپارات قۇرالدارىنىڭ قىزمەتى ەكسترەميستىك سيپاتتا بولعاندىعى انىقتالدى, – دەدى بۇدان ءارى ن.سۇيىندىكوۆ. اتاپ ايتقاندا, سوتپەن «العا» جانە «حالىق مايدانى» مۇشەلەرىمەن جاڭاوزەن قالاسىندا ەرەۋىلگە شىققان مۇنايشىلار اراسىندا تاراتىلعان ءۇندەۋلەر مەن باسقا دا باسپا ءونىمدەرى, سونداي-اق ولاردىڭ الدىندا سويلەگەن ءسوزدەرى الەۋمەتتىك ارازدىقتى قوزدىرۋعا باعىتتالعاندىعى جانە ولاردا بيلىكتى كۇشتەپ قۇلاتۋعا ۇندەۋلەر بار ەكەندىگى انىقتالىپتى.
سونىمەن بىرگە, سوتتىڭ ۇكىمىندە «ك+» تەلەارناسى, «ستان-تۆ», «رەسپۋبليكا» ينتەرنەت-پورتالدارى ماتەريالدارىنىڭ, «رەسپۋبليكا», «گولوس رەسپۋبليكي», «ۆزگلياد» گازەرتتەرىنىڭ تۇجىرىمدامالىق ءماتىنى الەۋمەتتىك ارازدىق قوزدىرۋعا باعىتتالسا, «ك+» تەلەارناسىنىڭ, «ۆزگلياد», «گولوس رەسپۋبليكي» گازەتتەرىنىڭ, «رەسپۋبليكا», «ستان-تۆ» ينتەرنەت-پورتالدارىنىڭ جاريالىمدارىنىڭ تالداۋىندا بيلىكتى كۇشتەپ باسىپ الۋدى جانە مەملەكەتتىڭ قاۋىپسىزدىگىنە نۇقسان كەلتىرۋدى ناسيحاتتاۋلار بار ەكەندىگى كورسەتىلگەن, دەپ اتاپ ءوتتى رەسمي وكىل.
سوتتىڭ بۇل تۇجىرىمدارى بىرقاتار سوت ساراپتامالارىنىڭ قورىتىندىلارىمەن قۋاتتالعان. ويتكەنى, قازاقستان رەسپۋبليكاسىنىڭ «ەكسترەميزمگە قارسى ءىس-قيمىل تۋرالى» زاڭىنا سايكەس جەكە تۇلعالار بىرلەستىگى ەكسترەميزمدi جۇزەگە اسىرعان جاعدايدا سوت تارتىبىمەن ولاردىڭ قىزمەتىنە تىيىم سالىنۋى ءتيىس.
ەكسترەميزمدى ناسيحاتتاۋ بۇقارالىق اقپارات قۇرالىنىڭ شىعارىلۋىن نە بۇقارالىق اقپارات قۇرالى ءونىمىنىڭ تاراتىلۋىن توقتاتۋعا نەگىز بولىپ تابىلادى (قازاقستان رەسپۋبليكاسىنىڭ «بۇقارالىق اقپارات قۇرالدارى تۋرالى» زاڭىنىڭ 13-بابى). وسى ورايدا قىلمىستىق ءىس ءجۇرگىزۋ كودەكسىنە سايكەس (131-باپ) سوتتىڭ زاڭدى كۇشiنە ەنگەن ۇكىمى انىقتالعان ءمان-جايلارعا دا, ولاردىڭ قۇقىقتىق باعالانۋىنا دا قاتىستى بارلىق مەملەكەتتىك ورگاندار ءۇشiن مiندەتتi بولىپ تابىلادى.
ال وسى ايتىلعانداردى ەسكەرە وتىرىپ, 2012 جىلدىڭ 20 قاراشاسىندا الماتى قالاسىنىڭ پروكۋراتۋراسى كەلەسى تالاپتارمەن جانە ارىزدارمەن سوتقا جۇگىنگەن. وندا: تىركەلمەگەن «العا» جانە «حالىق مايدانى» قوعامدىق بىرلەستىكتەرىن ەكسترەميستىك دەپ تانۋ جانە ولاردىڭ قىزمەتىنە قازاقستان رەسپۋبليكاسى اۋماعىندا تىيىم سالۋ; 8 گازەت پەن 23 ينتەرنەت-رەسۋرسىن ءبىرىڭعاي «رەسپۋبليكا» بۇقارالىق اقپارات قۇرالى دەپ تانۋ جانە ونىڭ شىعارىلۋىنا جانە قازاقستان رەسپۋبليكاسى اۋماعىندا تاراتىلۋىنا تىيىم سالۋ; «ۆزگلياد» گازەتىنىڭ جانە ونى قايتالايتىن ينتەرنەت-رەسۋرستاردىڭ شىعارىلۋىنا جانە قازاقستان رەسپۋبليكاسى اۋماعىندا تاراتىلۋىنا تىيىم سالۋ; شەتەلدىك بۇقارالىق اقپارات قۇرالى – «ك+» تەلەارناسىنىڭ جانە ونى قايتالايتىن ينتەرنەت-رەسۋرستاردىڭ ءونىمدەرىنىڭ قازاقستان رەسپۋبليكاسى اۋماعىندا تاراتىلۋىنا تىيىم سالۋ; شەتەلدىك بۇقارالىق اقپارات قۇرالى – «stan.tv» ينتەرنەت بەينەپورتالى ونىمدەرىنىڭ قازاقستان رەسپۋبليكاسى اۋماعىندا تاراتىلۋىنا تىيىم سالۋ تۋرالى ايتىلدى, دەدى ن.سۇيىندىكوۆ.
الەكساندر تاسبولاتوۆ,
«ەگەمەن قازاقستان».
