قاجەتتى شارا قامتىلدى
سارسەنبى, 14 قاراشا 2012 7:48
قازاقستاندا قارجى پوليتسياسى ورگاندارىنىڭ قۇرىلۋى نارىقتىق قارىم-قاتىناستاردىڭ قالىپتاسا باستاۋىمەن جانە سوعان بايلانىستى ەتەك العان ەكونوميكالىق قىلمىسپەن كۇرەس قاجەتتىلىگىنە بايلانىستى بولدى. سوعان وراي ۆەدومستۆوعا ەلىمىزدىڭ ەكونوميكالىق قاۋىپسىزدىگىن قامتاماسىز ەتۋ مىندەتى جۇكتەلدى.
سارسەنبى, 14 قاراشا 2012 7:48
قازاقستاندا قارجى پوليتسياسى ورگاندارىنىڭ قۇرىلۋى نارىقتىق قارىم-قاتىناستاردىڭ قالىپتاسا باستاۋىمەن جانە سوعان بايلانىستى ەتەك العان ەكونوميكالىق قىلمىسپەن كۇرەس قاجەتتىلىگىنە بايلانىستى بولدى. سوعان وراي ۆەدومستۆوعا ەلىمىزدىڭ ەكونوميكالىق قاۋىپسىزدىگىن قامتاماسىز ەتۋ مىندەتى جۇكتەلدى.
وتكەن 17 جىلدىڭ ىشىندە ۆەدومستۆو قىزمەتىنىڭ تيىمدىلىگىن ارتتىرۋ ءۇشىن كوپ نارسە جاسالدى. كاسىبي كادرلىق قۇرام قۇرىلىپ, ورگاننىڭ مىندەتتەرى مەن تەرگەۋىنە جاتاتىن قىلمىستاردىڭ شەڭبەرى بەلگىلەندى. بۇگىندە قارجى پوليتسياسى سىبايلاس جەمقورلىق جانە كولەڭكەلى ەكونوميكامەن كۇرەس جۇرگىزۋگە قۇزىرەتتى قۇقىق قورعاۋ ورگانىنا اينالدى.
مەملەكەت قارجى پوليتسياسى جۇمىسىنىڭ تيىمدىلىگىن ارتتىرۋ ءۇشىن مۇمكىندىك جاساۋدى جالعاستىرۋدا. ماتەريالدىق جانە تەحنيكالىق قامتاماسىز ەتۋ جاقسارتىلىپ, قۇقىقتىق بازا جاڭارتىلعان, سونداي-اق, ەڭبەكاقى ارتىپ, قىزمەتكەرلەر باسپانامەن قامتاماسىز ەتىلۋدە.
ءبىز – ارداگەرلەر, قارجى پوليتسياسىنىڭ قۇرىلۋىنىڭ كۋاگەرلەرى بولىپ, ول ۇردىسكە ءوز ۇلەسىمىزدى قوستىق. قارجى پوليتسياسىنىڭ قازىرگى باسىم باعىتتارى جۇيەلى سىبايلاس جەمقورلىققا جانە كولەڭكەلى ەكونوميكاعا قارسى كۇرەس, وعان قوسا وتاندىق كاسىپكەرلىكتى قولداۋ, ورتا جانە شاعىن بيزنەستى زاڭسىز قولسۇعۋشىلىقتان قورعاۋ بولىپ تابىلادى. ال اتالعان مىندەتتەردى ءتيىمدى ورىنداۋ ماقساتىندا مەملەكەت پەن ازاماتتاردىڭ قۇقىقتارى جانە زاڭدى مۇددەلەرىن ادال جانە جوعارى كاسىبي دەڭگەيدە قورعاۋ ءۇشىن ءبىلىمى جانە قارىمى جەتەتىن قىزمەتكەرلەردىڭ بولۋى – باستى العىشارت. بۇل جاعدايدا تەك قىزمەتىنە ادال جانە كاسىپقوي قارجى پوليتسەيلەرى عانا ءوز جۇمىسىن ناتيجەلى اتقارا الادى.
وسى ورايدا ەلباسىنىڭ جارلىعىنا سايكەس قازاقستاندا تۇڭعىش رەت وتكىزىلىپ جاتقان قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدىڭ ماڭىزى ەرەكشە.
قارجى پوليتسياسى قىزمەتكەرلەرىن اتتەستاتتاۋدىڭ ماقساتى ولاردىڭ كاسىبي دەڭگەيى مەن قازىرگى تالاپتارعا سايكەستىگىن انىقتاۋ بولىپ تابىلادى. ءبىزدىڭ ورگاننىڭ بەدەلىن تۇسىرەتىن ادامگەرشىلىك قاسيەتتەرى تومەن جانە سىبايلاس جەمقورلىققا بەيىم, وعان قوسا قىزمەتىندە كورسەتكىشتەرى تومەن قىزمەتكەرلەردەن ارىلۋ اسا ماڭىزدى.
جالپى, اتتەستاتتاۋ راسىمىنە قارجى پوليتسياسى ورگاندارىنىڭ 3000-نان استام قىزمەتكەرى تارتىلدى, ولاردىڭ 68-ءى – جوعارعى اتتەستاتتاۋ كوميسسياسىندا, 508-ءى – ورتالىق اتتەستاتتاۋ كوميسسياسىندا, ال 2,5 مىڭ قىزمەتكەر – وڭىرلىك اتتەستاتتاۋ كوميسسيالارىنان ياعني, اگەنتتىك توراعاسىنىڭ ءبىرىنشى ورىنباسارىنان باستاپ قاتارداعى ينسپەكتورلارعا دەيىن اتتەستاتتاۋدان ءوتتى.
بۇل جۇمىستىڭ شىنايىلىعى, زاڭدىلىعى جانە اشىقتىعى اگەنتتىك توراعاسى ر.تۇسىپبەكوۆتىڭ جەكە باقىلاۋىندا تۇر. ءبىرجاقتىلىق, تامىر-تانىستىق جانە فورماليزمگە جول بەرمەۋگە باسا نازار ءبولىندى.
سونىمەن بىرگە, اتتەستاتتاۋ بارىسىندا زاڭسىزدىق پەن ادىلەتسىزدىككە جول بەرمەۋ ماقساتىندا اتتەستاتتاۋ كوميسسيالارىنىڭ جۇمىسىنا ازاماتتىق قوعام مەن بۇقارالىق اقپارات قۇرالدارىنىڭ وكىلدەرى تارتىلدى. ونىڭ ىشىندە «قارجى پوليتسياسى ورگاندارى ارداگەرلەرىنىڭ ۇيىمى» قوعامدىق بىرلەستىگى مەن ونىڭ ايماقتىق فيليالدارىنىڭ باسشىلارى بەلسەندى تۇردە قاتىستى. اتتەستاتتاۋدى وتكىزۋ بارىسىندا اتتەستاتتالۋشىنىڭ قىزمەتىنە جانە ونىڭ سىبايلاس جەمقورلىققا قارسى زاڭنامانى ءبىلىپ, دۇرىس ۇستانعاندىعىنا باعا بەرىلدى.
اعىمداعى جىلعى 21 مامىردان 19 ماۋسىمعا دەيىن قارجى پوليتسياسىنىڭ 68 قىزمەتكەرى, ولاردىڭ قاتارىندا اگەنتتىك توراعاسىنىڭ ورىنباسارلارى, اگەنتتىك اپپاراتىنىڭ باسشىسى, ورتالىق اپپارات دەپارتامەنتتەرىنىڭ باستىقتارى, وبلىستار, استانا جانە الماتى قالالارى بويىنشا قارجى پوليتسياسى دەپارتامەنتتەرىنىڭ باستىقتارى مەن ولاردىڭ ورىنباسارلارى, قارجى پوليتسياسى اكادەمياسىنىڭ باستىعى, قازاقستان رەسپۋبليكاسى پرەزيدەنتى جانىنداعى جوعارعى اتتەستاتتاۋ كوميسسياسىندا سىناقتان ءوتتى.
جوعارعى اتتەستاتتاۋ كوميسسياسىندا اتتەستاتتاۋدان وتكەن 68 قارجى پوليتسياسى قىزمەتكەرىنىڭ 20-سى سىناقتان وتە المادى, ولاردىڭ 11-ءى جۇمىستان بوساتىلدى, 8-ءى – لاۋازىمدارى تومەندەتىلدى جانە 1-ەۋى باسقا قىزمەتكە اۋىستىرىلدى.
سونىمەن بىرگە, اعىمداعى جىلدىڭ باسىنان كەزەكتەن تىس اتتەستاتتاۋ باستالماستان بۇرىن تاپسىرىلعان جۇمىستى ءتيىستى دەڭگەيدە ۇيىمداستىرماعاندارى ءۇشىن 37 باسشى, ولاردىڭ ىشىندە اگەنتتىك توراعاسىنىڭ 2 ورىنباسارى, ورتالىق اپپارات دەپارتامەنتتەرىنىڭ 6 باستىعى, اۋماقتىق دەپارتامەنتتەردىڭ 9 باستىعى, اۋماقتىق دەپارتامەنتتەر باستىقتارىنىڭ 20 ورىنباسارى لاۋازىمدارىنان بوساتىلعان.
بۇدان باسقا, جوعارعى اتتەستاتتاۋ كوميسسياسىنىڭ قاتاڭ تالاپتارىن تۇسىنە وتىرىپ, 9 قىزمەتكەر كەزەكتەن تىس اتتەستاتتاۋدان وتۋدەن باس تارتىپ, وزدەرىن لاۋازىمداردان بوساتۋعا جانە جۇمىستان شىعارۋعا باياناتپەن ءوتىنىش ءبىلدىردى.
ورتالىق اپپاراتتىڭ جانە تاعايىندالۋى اگەنتتىكتىڭ نومەنكلاتۋراسىنا كىرەتىن اۋماقتىق قارجى پوليتسياسى ورگاندارى مەن قارجى پوليتسياسى اكادەمياسىنىڭ قىزمەتكەرلەرى اتتەستاتتاۋدى اگەنتتىك جانىنداعى ورتالىق اتتەستاتتاۋ كوميسسياسىندا ءوتتى.
وسى كوميسسيادا اتتەستاتتاۋدان 533 قىزمەتكەر ءوتۋى ءتيىس بولاتىن, الايدا 19 قىزمەتكەر لاۋازىمدارىنان بوساتۋ تۋرالى بايانات جازىپ, اتتەستاتتاۋدان ءوتۋدەن باس تارتتى, 2-ءۋى ورتالىق اسكەري-مەديتسينالىق كوميسسياعا قارالۋعا جىبەرىلدى, 4 قىزمەتكەر ۋاقىتشا ەڭبەك قابىلەتسىزدىگىنە بايلانىستى اتتەستاتتاۋدان ءوتپەدى.
ورتالىق اتتەستاتتاۋ كوميسسياسىندا اتتەستاتتاۋدان وتكەن 508 قىزمەتكەردىڭ 63-ءى اتتەستاتتاۋدان وتە المادى.
اتتەستاتتاۋ ۇدەرىسىنىڭ سوڭعى ساتىسى – سۇحباتتاسۋدان 17 ايماقتىق كوميسسيالارىنان اۋماقتىق دەپارتامەنتتەر مەن قارجى پوليتسياسى اكادەمياسىنىڭ 2364 قاتارداعى قىزمەتكەرى ءوتتى. ودان, نەگىزىنەن 2437 قىزمەتكەر ءوتۋى ءتيىس بولاتىن, الايدا 16 قىزمەتكەر لاۋازىمدارىنان بوساتۋ تۋرالى بايانات جازىپ, باس تارتتى, 3-ءۋى – اسكەري-مەديتسينالىق كوميسسيالارعا قارالۋعا جىبەرىلدى, 26 قىزمەتكەر ۋاقىتشا ەڭبەك قابىلەتسىزدىگىنە, 20-سى – قىزمەتتىك ءىسساپاردا, 4-ءۋى – كەزەكتى ەڭبەك دەمالىسىندا بولۋىنا جانە 4-ءۋى – جۇكتىلىگىنە بايلانىستى اتتەستاتتاۋدان وتكەن جوق.
قارجى پوليتسياسى اكادەمياسى مەن اۋماقتىق دەپارتامەنتتەردىڭ باستىقتارىنىڭ توراعالىق ەتۋىمەن وڭىرلىك اتتەستاتتاۋ كوميسسيالارىمەن وتكىزىلگەن سۇحباتتاسۋ قورىتىندىسى بويىنشا 2364 قىزمەتكەردىڭ 439-ى ياعني ءاربىر بەسىنشىسى اتتەستاتتاۋدان وتە المادى. ءسويتىپ, 136 قاتارداعى قىزمەتكەر جۇمىستان بوساتىلدى.
اتتەستاتتاۋ بارىسىندا باقىلاۋشى رەتىندە قاتىسقان قارجى پوليتسياسى ارداگەرلەرى زاڭدىلىق, شىنايىلىق جانە ادىلدىك قاعيدالارى قاتاڭ تۇردە ساقتالعاندىعىن جانە كوميسسيالار شەشىم قابىلداۋ كەزىندە زاڭ تالاپتارىنا نەگىزدەلگەندىگىن اتاپ ءوتتى. وسىلايشا, قارجى پوليتسياسى ورگاندارىندا كەزەكتەن تىس اتتەستاتتاۋدى وتكىزگەن كەزدە باستى دەپ بەلگىلەنگەن زاڭدىلىق, اشىقتىق, شىنايىلىق, تامىر-تانىستىققا جانە بىرجاقتىلىققا جول بەرمەۋ قاعيدالارىن قامتاماسىز ەتۋ ءۇشىن اسا زور كۇش جۇمسالدى. ناتيجەسىندە, ۆەدومستۆونىڭ كادرلىق قۇرامى ايقىن جاڭارتىلدى جانە قازىر قاتاردا ەلىمىزدىڭ ەكونوميكالىق مۇددەلەرىن قورعاۋ بويىنشا وزدەرىنىڭ ءمىندەتتەرىن ادال اتقارۋعا دايىن قىزمەتكەرلەر قالدى دەپ ايتۋعا بولادى.
بالجان سەيىلوۆا,
«قارجى پوليتسياسى ورگاندارى
ارداگەرلەرىنىڭ ۇيىمى» قوعامدىق
بىرلەستىگىنىڭ ءتورايىمى.
