بۇزاقىلاردى بۇعاۋلاعان باقىتالى
جۇما, 9 قاراشا 2012 7:13
تەمىردەي تارتىپكە مويىنسۇنىپ, ءوزىن دە, وزگەلەردى دە زاڭعا عانا باعىندىرىپ قىزمەت ىستەۋ – ەكىنىڭ ءبىرىنىڭ قولىنان كەلە بەرمەس مەرەيلى مىندەت. ويتكەنى, ءومىردىڭ قاي سالاسىنداعى ادام – كاسىپكەر مە, مۇعالىم بە, شەنەۋنىك پە, ونەر ادامى ما, مەيلى, كىم بولسىن, ولاردىڭ ءوز تىرشىلىگىن تۇراقتى قامتاماسىز ەتۋلەرى ءۇشىن, ەڭ اۋەلى, تەمىردەي ءتارتىپ قاجەت. اسىرەسە, وسى ادامداردىڭ قاي-قايسىسى دا كولىكسىز قوزعالمايتىنىن ەسكەرسەك, جولداعى اياق اتتام كەلەڭسىزدىكتەرگە كەزىكپەي امان ءجۇرۋ اركىمنىڭ-اق ارمانى. ال كوشەدەگى, جولداعى ارتى اپات تۋدىرىپ, وپىق جەگىزەر كەز كەلگەن كەلەڭسىزدىكتەردەن ساقتاندىرۋدى, قاۋىپتىڭ الدىن الۋدى تەك جول پوليتسياسى قىزمەتكەرلەرى عانا جۇزەگە اسىرا الادى. سوندىقتان دا جول ساقشىلارىنىڭ اتقاراتىن قىزمەتىن مۇنىڭ جاۋاپكەرشىلىگى مەن قيىندىعىنا قانىق ادامدار جاقسى تۇسىنەدى.
جۇما, 9 قاراشا 2012 7:13
تەمىردەي تارتىپكە مويىنسۇنىپ, ءوزىن دە, وزگەلەردى دە زاڭعا عانا باعىندىرىپ قىزمەت ىستەۋ – ەكىنىڭ ءبىرىنىڭ قولىنان كەلە بەرمەس مەرەيلى مىندەت. ويتكەنى, ءومىردىڭ قاي سالاسىنداعى ادام – كاسىپكەر مە, مۇعالىم بە, شەنەۋنىك پە, ونەر ادامى ما, مەيلى, كىم بولسىن, ولاردىڭ ءوز تىرشىلىگىن تۇراقتى قامتاماسىز ەتۋلەرى ءۇشىن, ەڭ اۋەلى, تەمىردەي ءتارتىپ قاجەت. اسىرەسە, وسى ادامداردىڭ قاي-قايسىسى دا كولىكسىز قوزعالمايتىنىن ەسكەرسەك, جولداعى اياق اتتام كەلەڭسىزدىكتەرگە كەزىكپەي امان ءجۇرۋ اركىمنىڭ-اق ارمانى. ال كوشەدەگى, جولداعى ارتى اپات تۋدىرىپ, وپىق جەگىزەر كەز كەلگەن كەلەڭسىزدىكتەردەن ساقتاندىرۋدى, قاۋىپتىڭ الدىن الۋدى تەك جول پوليتسياسى قىزمەتكەرلەرى عانا جۇزەگە اسىرا الادى. سوندىقتان دا جول ساقشىلارىنىڭ اتقاراتىن قىزمەتىن مۇنىڭ جاۋاپكەرشىلىگى مەن قيىندىعىنا قانىق ادامدار جاقسى تۇسىنەدى.
وسىنداي اسا جاۋاپتىلىعى مەن قاتار قيىندىعىن قوسا قينالماي ارقالاپ ادال الىپ جۇرەتىن جاندار, جوعارىدا ايتقانىمىزداي از دەسەك, سولاردىڭ ءبىرى استانا قالالىق ءىىد جپب جەكە مامانداندىرىلعان باتالونىنىڭ اعا ينسپەكتورى كاپيتان باقىتالى تولەگەنوۆ بولىپ شىقتى. ارينە, قازىرگىدەي ارامدار مەن سۇمىرايلار قاپتاعان شەنەۋنىكتەر اراسىنان, شىنى كەرەك, مىندەتىن زاڭ تالابىنا عانا سۇيەنىپ, شىنايى اتقاراتىن اتقامىنەرلەرىن تابۋ قيىنعا اينالعان كەزدە, جاس تا بولسا قاتارلاستارىنان وزا شاۋىپ اتتەستاتتاۋدان انىق الدىرماي وتكەن اعا ينسپەكتوردىڭ بولاشاعىنا زور سەنىم ارتىلادى. ويتكەنى, وسىنداي ادامگەرشىلىگىنە ءالى قىلاۋ تۇسپەگەن ازاماتتار ەرتەڭگى كۇنى بيلىك ءتىزگىنىن ۇستاۋعا يە بولسا عانا حالىقتىڭ حاقى زاڭ ۇستەمدىگىن ورناتۋعا باسىمدىق الادى.
ال ولاي بولماعان جاعدايدا بيىك مىنبەردەن وقالى كيىمدىلەرگە جالىندى ءسوز ارنايتىن, بىراق وزدەرى جەمقورلىقپەن ساپ تۇزەپ اينالىساتىن, ءسويتىپ زاڭعا دا, ادەپكە دە, تارتىپكە دە مۇلدە قايشى تەرىس ارەكەتىمەن باسشىسىنان باستاپ سوتتالاتىن تالاي وقالى شەندىلەردىڭ بۇعىپ قالعان ءىزباسارلارى حالىققا قيىن بولعان ەكەن-اۋ دەپ وپ-وڭاي تامىرىن قيدىرا قويۋلارى ەكىتالاي. سوندىقتان وسىنداي توڭمويىن, بەزبۇيرەك, قىزمەتىن تەك پارا ارقىلى اقشا تابۋ ورنى دەپ ەسەپتەيتىن ەكىجۇزدى وڭدىلەردەن ارىلۋ ماقساتىندا سىناق ءوتتى. وندا پرەزيدەنت جارلىعىنا سايكەس اتتەستاتتاۋ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دايارلىق دەڭگەيىن جانە ولاردىڭ قازىرگى زامانعى تالاپتارعا سايكەستىگىن انىقتاپ, ورگانداردى بۇتىندەي العاندا مەملەكەتتىڭ بەدەلىنە نۇقسان كەلتىرەتىن مورالدىق-ونەگەلىلىك ساپالارى تومەن جانە جەمقورلىق پيعىلداعى بىلىكسىز قىزمەتكەرلەردەن تازارتۋ بولعانى انىق. مىنە, وسى ورايدا بۇل تالاپتاردىڭ بارلىعىنان پوليتسيا كاپيتانى ب.ءتولەگەنوۆ مۇدىرمەي ءوتىپ جانە سىناقتاردىڭ ءبارىن تەك وتە جاقسىعا عانا تاپسىرعان.
ءيا, اعا ينسپەكتوردىڭ اسا قيىن اسۋدان ات شالدىرماي اسا الۋىنا سەنىم بار. وڭتۇستىك قازاقستان وبلىسىنىڭ تولەبي اۋدانىنىڭ «قازاقستان» اتتى ەلدى مەكەنىندە تۋىپ-ءوسكەن ول شىمكەنت قالاسىنداعى م.اۋەزوۆ اتىنداعى ۋنيۆەرسيتەتتى ءبىتىرىپ, استاناعا كەلىپ جپب-عا قىزمەتكە ورنالاسادى. سودان بەرى تابانى كۇرەكتەي جەتى جىل اراعا ءتۇسىپ, جەتى مەجەدەن وتكەن. وتباسىن قۇردى, قىزمەتىن جاقسى اتقارعانى ءۇشىن جەڭىلدىكپەن ەكى بولمەلى پاتەر الدى. قازىرگى كۇنى ءتورت بالاسى بار كوپ بالالى وتاعاسى. جاستايىنان وسى ماماندىقتى قالاعاندىقتان وعان دايىندىقتى ەرتە باستاعان ول سپورتتىڭ بوكس, ايكيدو دەگەن تۇرلەرىمەن ءالى كۇنگە قول ۇزبەي اينالىسادى. وسى كۇشتىلىك پەن قۋاتتىلىقتىڭ, اسقان ەپتىلىكتىڭ ارقاسىندا تۇزەۋ مەكەمەسىنەن قاشقان ەكى سوتتالعاندى جانار ماي قۇيۋ بەكەتىندە كەزدەيسوق كەزدەستىرىپ, سۋرەتىمەن سالىستىرىپ تانىپ, ىزىنە ءتۇسىپ قۋىپ, قوينىندا وقاتارى, قولىندا جالاڭداعان پىشاعى بار قاۋىپتى قىلمىسكەرلەرمەن جان الىسىپ, جان بەرىسىپ ايقاسادى. ايتەۋىر اقىرىندا ايكيدو شىعىس جەكپە-جەگىنىڭ ادىستەرىمەن ولاردى ەكى بۇكتەپ, كىسەندەپ الماتى ءىىب-گە جەتكىزىپ, تاپسىرادى. ايتا بەرسە, شىعىس جەكپە-جەگىنەن قارا بەلبەۋ دارەجەسى بار جول پوليتسياسى اعا ينسپەكتورىنىڭ مۇنداي بەيبىت كۇندەگى باتىلدىعى, سونىڭ ىشىندە كولىك ۇرلاعان قاراقشىلاردى قالاي ۇستاعانى تۋرالى ەرلىكتەرى ەرەكشە-اق. ول كەزدەسكەن قىلمىسكەردى جالعىزبىن-اۋ نەمەسە قۇرىقتاۋشى توپ كەرەك دەپ ۋاقىت وزدىرىپ كىدىرىپ جاتپايدى, سول سىن ساتتە ساقشىعا ءتان سىندارلى ارەكەت جاساپ, ءساتتى قيمىلداپ ۇلگەرەدى. سونداي زاڭعا ساي ءماندى دە ورىندى ىسىمەن ۇنەمى الدان كورىنەدى.
ءسويتىپ ول اتتەستاتتاۋ سىنىنان دا سىناپتاي سىرعىپ ءوتىپ, قاتارلاستارىنان وزا شاۋىپ, ەڭ ۇزدىك بولىپ تانىلدى. ارينە, ول سىناقتان كىمدەردىڭ قالاي قالقىپ ءوتىپ, ال قانداي قىزمەتكەرلەردىڭ نە ءۇشىن جازىقتى بولىپ ءسۇرىنگەنى تۋرالى ءالى ناقتى ايتىلا جاتار. دەگەنمەن, ءبىزدىڭ بۇگىنگى كەيىپكەرىمىزدىڭ ءىسى مەن ءسوزى, جان دۇنيەسىنىڭ تازالىعى, ادامگەرشىلىگى مەن ادىلدىك ءۇشىن اتقارعان ەرلىك ىستەرى اتتەستاتتاۋ كوميسسياسىنىڭ شەشىمىن ناقتىلاي ءتۇستى. ەندى وسىلايشا شىنايى ۇزدىكتەر انىقتالار بولسا, جوعارىدا ايتقانىمىزداي, تەمىردەي تارتىپكە مويىنسىنىپ, ءوزىن دە, وزگەلەردى دە زاڭعا عانا باعىندىرىپ قىزمەت ەتەتىن, ءسويتىپ ادال دا ءادىل ادامداردىڭ عانا ارمانىن جۇزەگە اسىرا الاتىن كاپيتان ب.تولەگەنوۆ سەكىلدى كوشباستاۋشىلار قاتارى دا ارتا بەرەرىنە بەك سەنەمىز. ال مۇنداي ازاماتتاردى قاتارىنا تارتىپ, زاڭ تالابىنا ساي تاربيەلەنۋىنە جول اشقان, ارينە, ءىىد جپب باسشىلىعى ەكەندىگى انىقتالعاندا «ءبارى وسىلارداي بولسا يگى» دەگەن ىزگى ءۇمىت كوڭىل تەربەيدى.
الەكساندر تاسبولاتوۆ,
«ەگەمەن قازاقستان».
