قارقىنى قارىمدى سىناق
سارسەنبى, 7 قاراشا 2012 7:31
قازىرگى ۋاقىتتا ەلىمىزدە قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋ قارقىندى جۇرگىزىلۋدە. حالىق ونىڭ قورىتىندىسى بويىنشا مەيلىنشە كاسىبي, ساۋاتتى جانە مورالدىق جاعىنان تۇراقتى قىزمەتكەرلەر قىزمەت ىستەيتىن بولادى دەپ كۇتۋدە. بۇل ءۇشىن جوعارى اتتەستاتتاۋ كوميسسياسى قۇرىلدى. العاشقى كەزەڭدە بارلىق قۇقىق قورعاۋ ورگاندارىنىڭ جوعارى لاۋازىمدى تۇلعالارى اتتەستاتتاۋدان ءوتتى, ودان كەيىنگى كەزەڭ ورتالىق دەڭگەيدى, ال ءۇشىنشى كەزەڭدە ايماقتىق ورگاندار قىزمەتكەرلەرى اتتەستاتتاۋدان وتۋدە. بۇل جۇمىس جىل سوڭىنا دەيىن اياقتالۋعا ءتيىس. قازىرگى كەزەڭنىڭ وزىندە قۇقىق قورعاۋ ورگاندارىنىڭ جۇمىسى جاقسارا باستاعانى بايقالادى.
سارسەنبى, 7 قاراشا 2012 7:31
قازىرگى ۋاقىتتا ەلىمىزدە قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋ قارقىندى جۇرگىزىلۋدە. حالىق ونىڭ قورىتىندىسى بويىنشا مەيلىنشە كاسىبي, ساۋاتتى جانە مورالدىق جاعىنان تۇراقتى قىزمەتكەرلەر قىزمەت ىستەيتىن بولادى دەپ كۇتۋدە. بۇل ءۇشىن جوعارى اتتەستاتتاۋ كوميسسياسى قۇرىلدى. العاشقى كەزەڭدە بارلىق قۇقىق قورعاۋ ورگاندارىنىڭ جوعارى لاۋازىمدى تۇلعالارى اتتەستاتتاۋدان ءوتتى, ودان كەيىنگى كەزەڭ ورتالىق دەڭگەيدى, ال ءۇشىنشى كەزەڭدە ايماقتىق ورگاندار قىزمەتكەرلەرى اتتەستاتتاۋدان وتۋدە. بۇل جۇمىس جىل سوڭىنا دەيىن اياقتالۋعا ءتيىس. قازىرگى كەزەڭنىڭ وزىندە قۇقىق قورعاۋ ورگاندارىنىڭ جۇمىسى جاقسارا باستاعانى بايقالادى.
بۇل ورايدا مەملەكەت باسشىسى ەلىمىزدىڭ قۇقىق قورعاۋ جۇيەسى قىزمەتىنىڭ تيىمدىلىگىن ارتتىرۋعا باعىتتالعان قىزمەتكەرلەردى كەزەكتەن تىس اتتەستاتتاۋدىڭ ماڭىزدىلىعىن اتاپ ءوتتى. اتتەستاتتاۋ قورىتىندىسى بويىنشا, قۇقىق قورعاۋ ورگاندارى قىزمەتكەرلەرىن الەۋمەتتىك قامسىزداندىرۋدى ەداۋىر جاقسارتۋ جانە ەڭبەكاقىلارىن ايتارلىقتاي ارتتىرۋ ماسەلەسى قاراستىرىلاتىن بولادى. حالىقارالىق تاجىريبەنى تالداۋدى ەسكەرە وتىرىپ, اتتەستاتتاۋدىڭ ءۇش دەڭگەيلى ساتىسى انىقتالدى.
كەزەكتەن تىس اتتەستاتتاۋدىڭ نەگىزگى ماقساتى – قۇقىق قورعاۋ ورگاندارى قىزمەتكەرلەرىنىڭ كاسىبي, اسكەري جانە دەنە شىنىقتىرۋ دايىندىعىنىڭ دەڭگەيىن تەكسەرۋ, ءوز قاتارىن قۇزىرەتتى ەمەس قىزمەتكەرلەردەن جانە مورالدىق-ادامگەرشىلىك سيپاتى تومەن, سىبايلاس جەمقورلىق كورىنىستەرىنە جانە وزگە دە تەرىس قىلىقتارعا بەيىم ادامداردان تازارتۋ. ءاربىر اتتەستاتتالاتىن ادام بويىنشا كادرلىق شەشىم اڭگىمەلەسۋ ءناتيجەلەرى بويىنشا دەربەس قابىلدانادى, ونىڭ بارىسىندا قىزمەت وتكەرۋ, تەستىلەۋدەن ءوتۋ, كاسىبي جارامدىلىققا ارنالعان نورماتيۆتەردى تاپسىرۋ ناتيجەلەرى جانە ارنايى تەكسەرۋ ماتەريالدارى تالدانادى. وسىعان وراي اتتەستاتتاۋدىڭ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دايىندىق دەڭگەيىن جانە ولاردىڭ قازىرگى زامانعى تالاپتارعا ءسايكەستىگىن انىقتاۋ, ورگانداردى مورالدىق-ادامگەرشىلىك قاسيەتتەرى تومەن جانە جەمقورلىق ارەكەتى ارقىلى جالپى مەملەكەتتىڭ بەدەلىن تۇسىرەتىن بىلىكسىز قىزمەتكەرلەردەن تازارتۋ بولىپ تابىلادى.
اتتەستاتتاۋدى وتكىزۋ ەرەجەسىنە سايكەس, ەلىمىزدە قۇرامىندا 500-دەن استام ادام بولاتىن 9 ورتالىق جانە 104 ايماقتىق اتتەستاتتاۋ كوميسسيالارى قۇرىلدى. بارلىق كوميسسيا قۇرامىنا جۇرتشىلىقتىڭ, پارتيالاردىڭ, ارداگەرلەر ۇيىمدارى مەن باق وكىلدەرى كىردى. اتتەستاتتاۋدان وتكەن تۇلعالار تۋرالى جۇرتشىلىق ءپىكىرىن ەسكەرۋ ءۇشىن پرەزيدەنتتىڭ رەسمي سايتىندا ارنايى ايدار اشىلدى.
جوعارىدا ايتقانىمىزداي, كەزەكتەن تىس اتتەستاتتاۋ جونىندەگى بارلىق جۇمىستار ءۇش كەزەڭ بويىنشا جۇرگىزىلىپ, اعىمداعى جىلدىڭ سوڭىندا اياقتالۋعا ءتيىس. ءبىرىنشى كەزەڭدە جوعارى اتتەستاتتاۋ كوميسسياسىندا اتتەستاتتاۋدان وتۋگە جاتاتىن قىزمەتكەرلەر سىنالدى. بۇلار قۇقىق قورعاۋ ورگاندارى باسشىلارىنىڭ ورىنباسارلارى, ۆەدومستۆولار مەن اۋماقتىق بولىمشەلەر باسشىلارى, سونىمەن قاتار, ولاردىڭ ورىنباسارلارى, جوعارى وقۋ ورىندارى باسشىلارى مەن ورتالىق اتتەستاتتاۋ كوميسسيالارىنا كانديداتتار. ەكىنشى كەزەڭدە ورتالىق اتتەستاتتاۋ كوميسسيالارىندا اتالعان سىناقتان ءوتۋگە جاتاتىن قىزمەتكەرلەردى اتتەستاتتاۋ وتكىزىلدى. بۇل ادامداردىڭ ءتىزىمىن ءتيىستى قۇقىق قورعاۋ ورگانىنىڭ باسشىسى انىقتادى. ولاردىڭ قاتارىندا – وڭىرلىك اتتەستاتتاۋ كوميسسياسىنا كانديداتتار بار. ءۇشىنشى كەزەڭدە وڭىرلىك اتتەستاتتاۋ كوميسسيالارى اۋماقتىق ورگانداردىڭ جەكە قۇرامىن اتتەستاتتاۋدان وتكىزۋدە. ءسويتىپ, جەلتوقسان ايىندا مەملەكەت باسشىسىنا ءوتكىزىلگەن اتتەستاتتاۋ قورىتىندىسى تۋرالى بايانداما ازىرلەنبەك.
كەزەكتەن تىس اتتەستاتتاۋلاردى ۇيىمداستىرۋ جانە وتكىزۋ بارىسىندا فورمالدىلىققا, بىرجاقتىلىققا, تامىر-تانىستىققا جول بەرمەۋ اسا ماڭىزدى. ءار قىزمەتكەردىڭ قۇقىقتارى ساقتالۋىنا كەپىلدىك بەرىپ جانە ارقايسىسىنا دەربەس تۇرعىدان كەلۋدى قاراستىرىپ, بارلىق ۇدەرىستەردىڭ اشىقتىعى مەن شىنايىلىعىن قامتاماسىز ەتۋ قاجەت. بارىنەن بۇرىن كەزەكتەن تىس اتتەستاتتاۋدان قازاقستان ازاماتتارى نە كۇتەتىنىنە نازار اۋدارعان ءجون. ەڭ الدىمەن, بۇل قۇقىق قورعاۋ ورگاندارىنىڭ جەكە قۇرامىن بىلىكتى, ادال, ءوز ماماندىعىن ارداقتايتىن قىزمەتكەرلەرمەن, ادامنىڭ قۇقىعى مەن زاڭدى مۇددەلەرىن جوعارى دەڭگەيدە قورعاۋعا قابىلەتتى ءوز ەلىنىڭ پاتريوتتارىمەن ساپالىق تۇرعىدا جاڭارتۋ.
ءسويتىپ, اتتەستاتتاۋدىڭ ماڭىزدى ماقساتىنىڭ ءبىرى – قۇقىق قورعاۋ ورگاندارى قىزمەتكەرلەرىنىڭ جاڭا بۋىنىن دايارلاۋعا تىڭ سەرپىن بەرۋ ەكەندىگىن ەستەن شىعارماعان ابزال. ويتكەنى, بۇل ءمىندەتتى ورىنداۋ مورال نورمالارىنا, ادامگەرشىلىككە جانە ترانسپارەنتتىلىككە نەگىزدەلگەن جۇمىس قاعيداتتارىن كەڭىنەن تاراتۋعا سەپتىگىن تيگىزەتىن بولادى.
الەكساندر تاسبولاتوۆ,
«ەگەمەن قازاقستان.
