قورىتىندى قۋانتادى
سەيسەنبى, 6 قاراشا 2012 7:13
ەلباسىنىڭ 2012 جىلدىڭ 8 ءساۋىرىندەگى «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋ» تۋرالى №260 جارلىعىنا سايكەس باتىس قازاقستان وبلىستىق ىشكى ىستەر ورگانىندا ءۇش كەزەڭنەن تۇراتىن اتتەستاتتاۋ وتكىزىلدى.
سەيسەنبى, 6 قاراشا 2012 7:13
ەلباسىنىڭ 2012 جىلدىڭ 8 ءساۋىرىندەگى «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋ» تۋرالى №260 جارلىعىنا سايكەس باتىس قازاقستان وبلىستىق ىشكى ىستەر ورگانىندا ءۇش كەزەڭنەن تۇراتىن اتتەستاتتاۋ وتكىزىلدى.
كەزەكتەن تىس اتتەستاتتاۋدىڭ ءبىرىنشى كەزەڭىندە بقو ءىىد باسشىلىق قۇرامى (ياعني, دەپارتامەنت باستىعى جانە ونىڭ ءتورت ورىنباسارى) قازاقستان پرەزيدەنتى جانىنداعى جوعارى اتتەستاتتاۋ كوميسسياسىندا وتكىزىلگەن سىناقتان سۇرىنبەي ءوتتى. ودان كەيىن وبلىستىق ىشكى ىستەر دەپارتامەنتىندە اتتەستاتتاۋدىڭ ەكىنشى كەزەڭى اياقتالدى. بۇل سىناققا ءىىد قىزمەتتەرىنىڭ باستىقتارى, قىلمىستىق اتقارۋ مەكەمەلەرىنىڭ باستىقتارى, كۇزەت قىزمەتىنىڭ, وزىندىك قاۋىپسىزدىك جانە ەسىرتكى بيزنەسىنە قارسى كۇرەس باسقارماسى, اسكەري ىزدەستىرۋ ءبولىمى جانە ىشكى ىستەر دەپارتامەنتىنىڭ جەدەل قىزمەت وكىلدەرى, سول سياقتى اۋداندىق ىشكى ىستەر بولىمدەرىنىڭ جەدەل قىزمەتكەرلەرى قاتىستى. نەگىزىنەن وعان باسقارما, ءبولىم جانە بولىمشەلەردىڭ 85 قىزمەتكەرى قاتىسىپ, وزدەرىنىڭ ءبىلىم مەن بىلىكتىلىكتەرىن سىن تەزىنە سالدى. ورتالىق اتتەستاتتاۋ كوميسسياسى وتكىزگەن سىناققا ىشكى ىستەر ءمينيسترى پوليتسيا گەنەرال-لەيتەنانتى قالمۇحانبەت قاسىموۆ توراعالىق ەتتى.
اتتەستاتتاۋدىڭ ەكىنشى كەزەڭىنىڭ قورىتىندىسى بويىنشا ءۇش پوليتسيا قىزمەتكەرىن جوعارى لاۋازىمعا ۇسىنۋ كوزدەلسە, 74-ءى ءوز لاۋازىمدارىنا لايىقتى دەپ تانىلدى. ال ەكى قىزمەتكەردىڭ ءوز قىزمەتىنە لايىقتى ەمەس ەكەندىگى دالەلدەنىپ, بەسەۋى باسقا قىزمەتكە اۋىستىرىلاتىن بولدى. ءبىر قىزمەتكەر جۇمىستان شىعارىلدى.
تامىزدىڭ 9-ىنان باستاپ ايماقتىق اتتەستاتتاۋ, ءوتۋ كەزەڭى باستالدى. كوميسسياعا دەپارتامەنت باستىعىنىڭ ورىنباسارى, پوليتسيا پولكوۆنيگى ب.ايمۋرزين توراعالىق ەتتى. سىناققا ءىىد جانە ورال قالالىق ىشكى ىستەر باسقارماسىنىڭ 2210 قىزمەتكەرى قاتىستىرىلدى.
ونىڭ قورىتىندىسىمەن: رەزەرۆكە قويۋعا ۇسىنۋعا – 53; ءوز قىزمەتىنە لايىقتى – 1821; ءوز قىزمەتىنە لايىقتى ەمەس, سوندىقتان لاۋازىمىنان تومەندەتىلۋىنە – 72; ءوز قىزمەتىنە لايىقتى ەمەس, باسقا قىزمەتكە اۋىسۋىنا – 99; ءىىو شىعارىلۋعا جاتاتىن 96 قىزمەتكەر انىقتالدى.
اتتەستاتتاۋ باستالعانعا دەيىن 69 پوليتسيا قىزمەتكەرى ءوز ەركىمەن ىشكى ىستەر ورگاندارىنان بوساتىلۋى جونىندە بايانات جازدى. جالپى, اتتەستاتتاۋ تومەندەگىدەي سىناقتار بويىنشا وتكىزىلدى: قازاقستان رەسپۋبليكاسى زاڭدارىن قانشالىقتى بىلەتىندىكتەرىن كومپيۋتەر بويىنشا انىقتاۋ; دەنە شىنىقتىرۋ نورماتيۆتەرى بويىنشا بايقاۋدان ءوتۋ, اسكەري جانە قىزمەتتىك دايىندىقتارىن كورسەتۋ, پسيحولوگپەن اڭگىمەلەسۋ; ورتالىق اتتەستاتتاۋ كوميسسياسىمەن اڭگىمەلەسۋ جانە ول كوميسسياسىنىڭ شەشىمى بولدى, دەپ حابارلادى بقو ءىىد ءباسپاسوز قىزمەتى.
