ءمانى زور شارا
سەيسەنبى, 4 قىركۇيەك 2012 7:36
قارجى پوليتسياسى بۇل سىبايلاس جەمقورلىققا جانە ەكونوميكالىق قىلمىستارعا قارسى تۇرۋ بويىنشا ەلدىڭ نەگىزگى قۇقىق قورعاۋ ورگانى بولىپ تابىلادى. قازىرگى زامان تالابىنا ساي قارجى پوليتسياسى باستى نازارىن سىبايلاس جەمقورلىق, بيۋدجەت قاراجاتتارىن جىمقىرۋمەن كۇرەس جانە كولەڭكەلى ەكونوميكاعا قارسى تۇرۋعا اۋدارىپ وتىر. ولارمەن كۇرەس جوعارى دەڭگەيدەگى مامانداردىڭ جۇمىسىن قاجەت ەتەدى. سوندىقتان قازىرگى ۋاقىتتا اتالعان قىلمىستارمەن كۇرەسۋ ءۇشىن جاڭا فورماتسياداعى كادرلاردى دايىنداۋ وزەكتى بولىپ تابىلادى. تەك جان-جاقتى جەتىلگەن مامان عانا ءومىر العا قويعان كاسىبي مىندەتتەردى ناقتى بىلىممەن شەشە الادى.
سەيسەنبى, 4 قىركۇيەك 2012 7:36
قارجى پوليتسياسى بۇل سىبايلاس جەمقورلىققا جانە ەكونوميكالىق قىلمىستارعا قارسى تۇرۋ بويىنشا ەلدىڭ نەگىزگى قۇقىق قورعاۋ ورگانى بولىپ تابىلادى. قازىرگى زامان تالابىنا ساي قارجى پوليتسياسى باستى نازارىن سىبايلاس جەمقورلىق, بيۋدجەت قاراجاتتارىن جىمقىرۋمەن كۇرەس جانە كولەڭكەلى ەكونوميكاعا قارسى تۇرۋعا اۋدارىپ وتىر. ولارمەن كۇرەس جوعارى دەڭگەيدەگى مامانداردىڭ جۇمىسىن قاجەت ەتەدى. سوندىقتان قازىرگى ۋاقىتتا اتالعان قىلمىستارمەن كۇرەسۋ ءۇشىن جاڭا فورماتسياداعى كادرلاردى دايىنداۋ وزەكتى بولىپ تابىلادى. تەك جان-جاقتى جەتىلگەن مامان عانا ءومىر العا قويعان كاسىبي مىندەتتەردى ناقتى بىلىممەن شەشە الادى.
اعىمداعى جىلى پرەزيدەنت جارلىعىنا سايكەس ەلىمىزدىڭ تاريحىندا العاش رەت كوپ دەڭگەيلى باقىلاۋ جۇيەسىن قاراستىراتىن, قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋ ءىس-شاراسى ءجۇرگىزىلىپ جاتىر.
كەزەكتەن تىس اتتەستاتتاۋ – قۇقىق قورعاۋ ورگاندارىنىڭ كادرلىق قۇرامىن ساپالى جاڭارتۋدىڭ ناقتى مۇمكىندىگى. قوعام مەملەكەتتىك قىزمەتشى, اسىرەسە, قۇقىق قورعاۋ جۇيەسىنىڭ قىزمەتكەرى مىندەتىن ادال اتقارۋعا بار ءبىلىمى مەن كۇش-ءجىگەرىن جۇمسايتىندىعىنا, ەلىنە ادال ءارى ءادىل قىزمەت ەتەتىندىگىنە سەنەدى.
جۇرگىزىلىپ جاتقان ءىس-شارالاردىڭ ءمانى – قۇقىق قورعاۋ ورگاندارى قىزمەتىنىڭ ناتيجەلىلىگىن جوعارىلاتۋ, سونىمەن قاتار بىلىكسىز مامانداردان ارىلۋ, كاسىبي كادرلىق قۇرامدى قالىپتاستىرۋ, حالىق تاراپىنان سەنىمدى نىعايتۋ.
ال اتتەستاتتاۋدىڭ ماقساتى – قۇقىق قورعاۋ جۇيەسى قىزمەتكەرلەرىنىڭ كاسىبي دەڭگەيى مەن ولاردىڭ زامان تالاپتارىنا سايكەستىگىن انىقتاۋ. بۇل باعىتتا ادامگەرشىلىك قادىر-قاسيەتى تومەن جانە جالپى مەملەكەت بەدەلىنە كىر كەلتىرەتىن جەمقورلىق قىلىقتارى بار بىلىكسىز قىزمەتكەرلەردەن ورگانداردى تازارتۋدىڭ دا ماڭىزى زور.
قۇقىق قورعاۋ ورگاندارى ەلىمىزدىڭ قۇقىق ءتارتىبىن جانە ازاماتتارىمىزدىڭ قاۋىپسىزدىگىن قامتاماسىز ەتە وتىرىپ, ەل ومىرىندە اسا ماڭىزدى ورىنعا يە بولۋدا. مەملەكەت باسشىسىنىڭ تاپسىرماسىمەن قۇقىق قورعاۋ قىزمەتكەرلەرىنىڭ جۇمىس كورسەتكىشىن, تيىمدىلىگىن ارتتىرۋ ءۇشىن قىرۋار ءىس اتقارىلدى. قۇقىقتىق بازا جاڭارتىلدى, قۇرىلىم وڭتايلاندىرىلدى, تەرگەۋ رەتى ايقىندالىپ, مىندەتتەر انىقتالىپ, سارالاندى, ءسويتىپ ءىس جۇزىندە قۇقىقتىق ساياسات ىزگىلەندىرىلدى. ماتەريالدىق-تەحنيكالىق بازانى نىعايتۋ ءۇشىن قوماقتى قاراجات ءبولىندى. مۇنىڭ ءبارى قوعامنىڭ تالابىنا سايكەس كەلەتىن قۇقىق قورعاۋ جۇيەسىنىڭ جاڭا كەيپىن قالىپتاستىرۋعا نەگىز قۇرۋعا مۇمكىندىك بەردى. دەگەنمەن دە بۇگىنگى تاڭدا قۇقىق قورعاۋ ورگاندارىنىڭ قىزمەتى ءالى دە ساپالى جاڭعىرتۋدى تالاپ ەتەدى.
ەلباسىنىڭ ۇسىنىسىمەن باستالعان كەڭ كولەمدى ءىس-شارانىڭ وزىندىك ەرەكشەلىكتەرى بار. پرەزيدەنت جانىنان جوعارى اتتەستاتتاۋ كوميسسياسى, ورتالىق جانە اۋماقتىق اتتەستاتتاۋ كوميسسيالارى قۇرىلدى. ولاردىڭ قۇرامىنا تەك قۇقىق قورعاۋ ورگاندارىنىڭ باسشىلارى عانا ەمەس, سونىمەن قاتار بۇقارالىق اقپارات قۇرالدارى جانە ۇكىمەتتىك ەمەس ۇيىمداردىڭ وكىلدەرى دە ەندى.
مىسالعا, شىنايىلىق پەن اشىقتىقتى قامتاماسىز ەتۋ ءۇشىن استانا قالاسى اۋماقتىق اتتەستاتتاۋ كوميسسياسىنىڭ جۇمىسىنا ازاماتتىق قوعامنىڭ وكىلدەرى, جۋرناليستەر, قارجى پوليتسياسىنىڭ ارداگەرلەرى قاتىستى.
ازاماتتىق قوعام وكىلدەرىنىڭ قاتىسۋى مەن اتتەستاتتاۋ بارىسىنىڭ تۇراقتى اقپاراتتىق سۇيەمەلدەنۋى اشىقتىق, ايقىندىق, شىنايىلىق پەن ادىلدىك قاعيدالارىن ساقتاۋعا مۇمكىندىك بەردى. مۇنداي ءتاسىل «سەنگەنمەن تەكسەر» قاعيداسىن ۇستاناتىن دامىعان ەلدەردە جاقسى ناتيجەلەرگە جەتكىزگەن. بۇل ەلدەردە تاۋەلسىز ينستيتۋتتار, سونىڭ ىشىندە پارلامەنتتىك كوميتەتتەر, بۇقارالىق اقپارات قۇرالدارى تاراپىنان باقىلاۋ جۇزەگە اسىرىلادى.
نەگىزگى باعالاۋ كريتەريى – قىزمەتكەرلەردىڭ وزىنە جۇكتەلگەن مىندەتتەردى جۇزەگە اسىرۋى. جۇمىستارىنىڭ ناتيجەلەرى, تەوريالىق بىلىمدەرى مەن ءتاجىريبەلىك داعدىلارىنىڭ دەڭگەيلەرى باعالانادى. سونىمەن قاتار, قارجى پوليتسياسى قىزمەتكەرلەرى لوگيكالىق ويلاۋ مەن پسيحولوگيالىق تۇراقتىلىق تەستىلەرىن تاپسىردى.
كەزەكتەن تىس اتتەستاتتاۋ – جوعارى دەڭگەيدەگى ماماندارمەن تولىعىپ, كادرلىق قۇرامدى جاڭارتۋعا مۇمكىندىك بەرەتىن جالپى قوعامدىق ءمانى بار ءىس-شارا. جانە مەملەكەت باسشىسى العا قويعان «كولەڭكەلى» ەكونوميكانى جويىپ, سىبايلاس جەمقورلىققا قارسى تۇرىپ, ەلدىڭ ەكونوميكالىق قاۋىپسىزدىگىن قامتاماسىز ەتۋ مىندەتى تەك قارجى پوليتسياسى قىزمەتكەرلەرىنىڭ قولىنان عانا كەلەدى.
ەربولات بالعاباەۆ,
استانا قالاسى بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتىنىڭ باستىعى.
