فورۋمنىڭ كۇن ءتəرتىبى الەمدىك ەكونوميكانىڭ, ونەركاسىپتىڭ جانە تەحنولوگيالاردىڭ جاڭا سالالارىن دامىتۋ, سونداي-اق قازاقستاننىڭ جانە الەمنىڭ باسقا ەلدەرىنىڭ الدىندا تۇرعان جاھاندىق سىن-قاتەرلەرى سىندى ماڭىزدى ماسەلەلەردى تالقىلاۋدى قامتيدى.
XII استانا ەكونوميكالىق فورۋمىنىڭ باستى تاقىرىبى – شابىتتاندىرۋشى ءوسىم: ادامدار, قالالار, ەكونوميكالار. ءىس-شاراعا قاتىسۋشىلار تۇراقتى ءوسۋدىڭ جاڭا جولدارىن, ادام كاپيتالىنىڭ دامۋى مەن ءبىلىم جانە يننوۆاتسيا حالىقارالىق ورتالىقتارى ەسەبىندە قالالار الەۋەتىن كۇشەيتۋدى تالقىلايدى.
اەف ءىس-شارالارى ءداستۇرلى تۇردە پانەلدى سەسسيا, دوڭگەلەك ۇستەل, كونفەرەنتسيا جانە بيزنەس-ديالوگ فورماتىندا وتەدى. فورۋمدا بارلىعى 50 يۆەنت جوسپارلانعان. XII استانا ەكونوميكالىق فورۋمى الاڭىنداعى ەڭ ماڭىزدى ءىس-شارالار: ەل باسشىلىعىنىڭ قاتىسۋىمەن وتەتىن سەسسيالار, جاھاندىق كوميسسيانىڭ ەڭبەك بولاشاعى جونىندەگى بايانداماسىن زەرتتەۋ جانە تالقىلاۋ ءۇشىن حالىقارالىق ەڭبەك ۇيىمىنىڭ (حەۇ) 100 جىلدىعىنا وراي حالىقارالىق كونفەرەنتسياسى, 2020 جىلى دۇنيەجۇزىلىك ساۋدا ۇيىمىنىڭ (دسۇ جوعارعى ورگانى) 12-ءشى مينيسترلىك كونفەرەنتسياسىن دايارلاۋ جونىندەگى ارالىق وتىرىسى, بۇۇ اياسىندا تۇراقتى دامۋ ماقساتتارى بويىنشا ءبىرىنشى قازاقستاندىق فورۋمى, G-Global حالىقارالىق حاتشىلىعىنىڭ قولداۋىمەن الەمدىك زياتكەرلىك ەليتا جانە قر ۇكىمەتىنىڭ قاتىسۋىمەن ستراتەگيالىق سەسسياسى, كاۆكاز جانە ورتالىق ازيا ەلدەرىنىڭ, ەۋرازيالىق ەكونوميكالىق وداعىنا مۇشە مەملەكەتتەردىڭ جانە موڭعوليا قارجى مينيسترلەرى مەن ورتالىق بانكتەر باسشىلارىنىڭ دوڭگەلەك ۇستەلى.
بيىلعى جىلى EXPO كونگرەسس-ورتالىعىندا جانە Hilton Astana-دا وتەتىن اەف-2019 5 مىڭعا جۋىق ادام قاتىسادى. سولاردىڭ جارتىسى – الەمنىڭ 100-دەن استام ەلىنەن كەلگەن شەتەلدىك دەلەگاتتار. بۇگىنگى تاڭدا وزدەرىنىڭ قاتىساتىندىقتارىن راستاعان حالىقارالىق قوناقتار: پول رومەر, ەكونوميكا بويىنشا 2018 جىلعى نوبەل سىيلىعىنىڭ لاۋرەاتى, دۇنيەجۇزىلىك بانكتىڭ باس ەكونوميسى (2016-2018); كريستين لاگارد, حالىقارالىق ۆاليۋتا قورىنىڭ باسقارۋشى-ديرەكتورى; ستەنلي فيشەر, اقش فەدەرالدىق رەزەرۆى توراعاسىنىڭ ورىنباسارى (2014-2017); راە كۆون چۋنگ, 2007 جىلعى الەمدىك نوبەل سىيلىعىنىڭ لاۋرەاتى, ينچحون مەملەكەتتىك ۋنيۆەرسيتەتىنىڭ (كورەيا رەسپۋبليكاسى) قۇرمەتتى پروفەسسورى; ريستو سيلاسماا, Nokia كومپانياسىنىڭ ديرەكتورلار كەڭەسىنىڭ توراعاسى, F-Secure Corporation نەگىزىن قالاۋشى; گەرمان گرەف, رەسەي سبەربانكىنىڭ پرەزيدەنتى جانە باسقارما توراعاسى; ارميدا اليسدجابانا, بۇۇ باس حاتشىسىنىڭ ورىنباسارى, ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (اتمەاك) اتقارۋشى حاتشىسى.
اەف-2019 وسىنداي بەلگىلى ساياساتشىلار مەن ساراپشىلاردىڭ قاتىسۋى ء–ىس-شارانىڭ وزىنە قىزىعۋشىلىقتىڭ ارتا تۇسكەندىگىنىڭ كورسەتكىشى عانا ەمەس, سونىمەن قاتار, اشىق ديالوگ پەن ءوزارا ىنتىماقتاستىققا دايارلىقتىڭ بەلگىسى. فورۋمدا ەكى كۇننىڭ ىشىندە 100-گە جۋىق سپيكەر ءسوز سويلەيدى.
