« ۇلى دالا ءان مەن جىرى, اقىندىقتىڭ جەتى قىرى» اتتى رەسپۋبليكالىق تۋر 25-ءساۋىر تالدىقورعان قالاسىندا باستالىپ, كەشتەر لەگى سەمەي, پاۆلودار, اقتاۋ, قاراعاندى, جاڭاوزەن, پەتروپاۆل, ورال, تاراز - باس-اياعى 22 قالادا جالعاسىن تابادى دەپ جوسپارلانۋدا. بۇل جونىندە بۇگىن, ورتالىق كوممۋنيكاتسيالار قىزمەتىندە قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلى, ەلىمىزدىڭ بەلگىلى ايتىسكەر اقىندارى بالعىنبەك يماش, اينۇر تۇرسىنباەۆا, سارا توقتامىسوۆا, جانداربەك بۇلعاقوۆ باياندادى.
«رەسپۋبليكالىق تۋر بۇل اۋقىمدى جوبانىڭ ەڭ باستى ماقساتى - قازاق حالقىنىڭ اراسىندا, قازاق جەرىنىڭ تۇكپىر-تۇكپىرىندە ايتىستى كەڭىنەن باعىشتاۋ. « ۇلى دالانىڭ جەتى قىرى» ماقالاسىندا كورسەتىلگەن باسىمدىقتار قازاق حالقىنىڭ ءتول ونەرىنە, فولكلورىنا قاتىستى. ال سونىڭ ىشىندە ايتىس ونەرى ەرەكشە ورىن الادى. « ۇلى دالا ءان مەن جىرى, اقىندىقتىڭ جەتى قىرى» جوباسىنىڭ اياسىندا ايتىس ونەرىنىڭ وتكەنىنە تاعزىم بەرىلىپ قانا قويماي, قوعامدىق سانانى مودەرنيزاتسيالاۋ بارىسىندا ايتىستى بۇگىنگى زاماننىڭ كەلبەتىنە قالاي يكەمدەلەتىنى, جاڭعىرۋىنا قانداي ۇلەس قوساتىنى اشىلادى», - دەدى قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلى.
« ۇلى دالا ءان مەن جىرى, اقىندىقتىڭ جەتى قىرى» جوباسىنىڭ اياسىندا ايتىس ونەرىنىڭ وتكەنىنە تاعزىم بەرىلىپ قانا قويماي, قوعامدىق سانانى مودەرنيزاتسيالاۋ بارىسىندا ايتىستى بۇگىنگى زاماننىڭ كەلبەتىنە قالاي يكەمدەلەتىنى, جاڭعىرۋىنا قانداي ۇلەس قوساتىنى اشىلادى. جيىرما ەكى قالادا ورىن الاتىن عالامات ءان مەن جىردىڭ شەرۋى شوۋ ەلەمەنتتەرىن قامتيدى. دەمەك, جيىننىڭ, توي-تومالاقتىڭ دەڭگەيىنەن ايتىس اۋقىمدى اۋديتوريانىڭ قابىلداۋىنا لايىق تولىققاندى مادەني شارا رەتىندە كوتەرىلەدى.
سونىمەن قاتار, رەسپۋبليكالىق تۋردىڭ اياسىندا 1-مامىر كۇنى الماتى قالاسىندا, AlmatyArena مۇز ايدىنىندا ايتىسكەر اقىن بالعىنبەك يماش ونەر جولىنىڭ جيىرما بەس جىلدىعىنا ارنالعان مەرەكەلىك كونتسەرتىن وتكىزەدى.
