بۇگىن پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى.
دەپۋتاتتار قاراۋىنا «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ۇسىنىلدى.
بۇل زاڭ جوباسى اكىمدىك-دەليكتىك زاڭناماسىن ودان ءارى جەتىلدىرۋگە, سونداي-اق اكىمشىلىك قۇقىق بۇزۋشىلىقتار تۋرالى كودەكستى ىزگىلەندىرۋگە جانە رەپرەسسيۆتىلىگىن تومەندەتۋگە باعىتتالعان. سونداي-اق, اكىمشىلىك قۇقىق بۇزۋشىلىقتار تۋرالى ىستەر بويىنشا ءوندىرىستى ەلەكتروندىق فورماتقا كەزەڭ-كەزەڭمەن اۋدارۋ كوزدەلگەن.
سونىمەن قاتار, پالاتانىڭ الداعى جالپى وتىرىسىنىڭ كۇن تارتىبىنە «1992 جىلعى 15 مامىرداعى ۇجىمدىق قاۋىپسىزدىك تۋرالى شارتقا قاتىسۋشى مەملەكەتتەر اراسىنداعى اسكەري-تەحنيكالىق ىنتىماقتاستىقتىڭ نەگىزگى پرينتسيپتەرى تۋرالى كەلىسىمگە وزگەرىستەر ەنگىزۋ تۋرالى ءتورتىنشى حاتتامانى راتيفيكاتسيالاۋ تۋرالى» زاڭ جوباسى ەنگىزىلەدى.
