«الەمدىك كىتاپ نارىعىنىڭ 20 شاقتى ەلىندەگى وكىلىن قازاقستان استاناسى نۇر-سۇلتان قالاسىندا جيناۋ يدەياسى بەكەردەن پايدا بولعان جوق. ويتكەنى نۇر-سۇلتان قالاسى - ەۋرازيا قۇرلىعىندا يننوۆاتسيالىق ءارى زياتكەرلىك تابىستار مەن ۇزدىك تەحنولوگيالاردىڭ ەنۋى ارقىلى جىلدام ءوسىپ, عالامات دامىپ كەلە جاتقان مەگاپوليستەردىڭ ءبىرى», - دەدى قر ۇلتتىق مەملەكەتتىك كىتاپ پالاتاسىنىڭ ديرەكتورى اسقاروۆ الىبەك ورتالىق كوممۋنيكاتسيالار قىزمەتىندە.
كورمە اياسىندا كەشەندى مادەني-ىسكەرلىك باعدارلامالار جۇزەگە اسادى. اتاپ ايتساق, ءتۇرلى تانىستىرىلىمدار, دوڭگەلەك ۇستەلدەر, فورۋمدار, ءتۇرلى بايقاۋلار, سونداي-اق, تانىمال مادەنيەت قايراتكەرلەرىمەن, اقىن-جازۋشىلارمەن كەزدەسۋلەر ۇيىمداستىرىلماق.
«بۇل كورمە -جارمەڭكەنىڭ باستى ماقساتى - قاتىسۋشى ەلدەردىڭ ادەبي مۇراسىن, رۋحاني قازىناسىن, كىتاپتار مەن ونى وقۋ مادەنيەتىن ناسيحاتتاۋ, قاتىسۋشى ەلدەردىڭ ۇلتتىق ادەبيەتىمەن تانىسۋ, مادەني بايلانىستاردى دامىتۋ, كىتاپ نارىعى وكىلدەرىمەن تىكەلەي تىلدەسۋ ارقىلى قاتىسۋشى ەلدەرمەن دوستىق پەن ىقپالداستىقتى نىعايتۋ», - دەدى الىبەك اسىلباي ۇلى.
سونداي-اق, كىتاپ كورمەسىنە قازاقستاننىڭ «الماتىكىتاپ», «اتامۇرا», «مەكتەپ», «قازاق ەنتسيكلوپەدياسى», رەسەيدىڭ «بەلىي گورود», «روزوۆىي جيراف» , «ۋنيۆەرساليست» , «مانن, يۆانوۆ ي فەربەر», «ساموكات» ,«كوجانايا موزايكا» جانە وزگە دە مەملەكەتتەردىڭ جەتەكشى باسپالارى قاتىسادى.
«فوليانت» باسپاسىنىڭ ۇيىمداستىرۋىمەن وتكىزىلگەلى وتىرعان شاراعا قازاقستان رەسپۋبليكاسى مادەنيەت جانە سپورت مينيسترلىگى, نۇر-سۇلتان قالاسىنىڭ اكىمدىگى, «نۇر وتان» ساياسي مەنەدجمەنت اكادەمياسى قولداۋ كورسەتەدى.
كورمەنىڭ اشىلۋ سالتاناتى 24-ءساۋىر ساعات 11.00-دە «كورمە» ورتالىعىندا وتەدى. سونداي-اق, اتالمىش كورمە 24-27 ءساۋىر ارالىعىندا كۇن سايىن ساعات 10.00-19.00 وتەدى.
