تاراپتار پارلامەنتارالىق بايلانىستاردى نىعايتۋعا باعىتتالعان قازاقستاندىق جانە بريتاندىق ىنتىماقتاستىقتىڭ وزەكتى ماسەلەلەرىن تالقىلادى.
نۇرلان نىعماتۋلين ۇلىبريتانيا – ەلىمىزدىڭ ەۋروپاداعى ستراتەگيالىق ارىپتەسى ەكەنىن جانە قازاقستاننىڭ تۇڭعىش پرەزيدەنتى, ەلباسى نۇرسۇلتان نازارباەۆ پەن ۇلىبريتانيا باسشىلىعى اراسىنداعى ءتيىمدى بايلانىستار ەكىجاقتى ىنتىماقتاستىقتى دامىتۋعا سەرپىن بەرگەنىن اتاپ ءوتتى. سونداي-اق, ءماجىلىس توراعاسى قازاقستاننىڭ سىرتقى ساياساتىندا وزگەرىس بولمايتىنىن جانە ەلباسى باستاماشى بولعان بارلىق مەملەكەتتىك باعدارلامالار ودان ءارى ىسكە اسىرىلا بەرەتىنىنە نازار اۋداردى.
ءوز كەزەگىندە, الان دانكان قازاقستاندى ورتالىق ازيا ايماعى ءۇشىن ماڭىزدى ەل دەپ, ۇلىبريتانيا ءبىزدىڭ ەلىمىزدە بولىپ جاتقان ساياسي ۇردىستەردىڭ بىرقالىپتى بولۋىن قولدايتىنىن اتاپ ءوتتى.
بريتاندىق ساياساتكەردىڭ ايتۋىنشا, تۇراقتىلىق پەن ساباقتاستىق حالىقارالىق ارەنادا قازاقستان بەدەلىنىڭ ماڭىزدى قۇرامداس بولىگى بولىپ تابىلادى.
قازاقستاندىق جانە ۇلىبريتانيالىق پارلامەنتارالىق ىنتىماقتاستىق تۋرالى اڭگىمە بارىسىندا تاراپتار ونى جۇيەلى نەگىزدە نىعايتۋعا قىزىعۋشىلىق ءبىلدىردى.
ءماجىلىس توراعاسىنىڭ پىكىرىنشە, پارلامەنارالىق بايلانىستى نىعايتۋعا بريتاندىق پارلامەنت وكىلدەرىنىڭ اعىمداعى جىلعى 23-24 قىركۇيەكتە ەلوردامىز نۇر-سۇلتان قالاسىندا «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا وتەتىن ەۋرازيا ەلدەرى پارلامەنتتەرى توراعالارىنىڭ ءتورتىنشى كەڭەسىنە قاتىسۋى مۇمكىندىك بەرەتىن بولادى.
فورۋمعا شاقىرۋ ءۇشىن العىس بىلدىرگەن الان دانكان كونفەرەنتسيا تاقىرىبى قازاقستان مەن ۇلىبريتانيانىڭ بۇگىنگى قارىم-قاتىناستارىنىڭ سيپاتىن بەينەلەيتىنىن اتاپ ءوتتى.
