قازىر ايماقتىڭ ءار اۋدانىندا جەكە كاسىپكەرلەر سىيلاعان ۇيدە قونىس تويىن تويلاعان وتباسىلار كوپ. ەندى سولاردىڭ قاتارىنا تەكەلى قالاسىنىڭ تۇرعىنى نازگۇل كۇجەكەەۆا قوسىلدى. نازگۇل - «كۇمىس القالى» جاس انا. بۇعان دەيىن قالانىڭ شەتكى اۋدانىنان ءبىر ەسكى ءۇيدى جالعا الىپ تۇرىپ كەلگەن ەكەن. جاقىندا كوپبالالى وتباسىنىڭ جاعدايىمەن تانىسقان تەكەلى قالاسىنىڭ اكىمى باحتيار ونەرباەۆ باسپانا ماسەلەسىن شەشۋگە قول ۇشىن بەرەتىنىن ايتقان. قالا باسشىسى ءوز كەزەگىندە ىسكەر ازاماتتارعا قۇلاققاعىس جاساپتى. العاشقى بولىپ تەكەلىدەگى «اسپمك-519» سەرىكتەستىگىنىڭ ديرەكتورى ۆيكتور سىچەۆ كومەك بەردى. كاسىپكەر كۇجەكەەۆتەر وتباسىنا قالانىڭ ىشىنەن 4 بولمەلى ءۇي سىيلادى.
- تەكەلى قالاسىندا 415 كوپبالى وتباسى تۇرادى. ولاردىڭ ىشىندە 170 ادام باسپاناعا ءزارۋ. ءبىز الەۋمەتتىك جاعىنان از قامتىلعان وتباسىلار مەن كوپبالالى انالاردىڭ ماسەلەسىن شەشۋگە ۇنەمى قولداۋ جاساپ كەلەمىز. بۇگىن «كۇمىس القالى» انا نازگۇل كۇجەەكەۆانىڭ باسپانالى بولۋ قۋانىش بولىستىك. ىسكەر ازاماتتارعا راحمەت. قيىندىق تۋعاندا قالتالى ازاماتتار قامقور بولۋعا ءازىر. بۇل - ادامدىق بورىشىمىز, - دەيدى تەكەلى قالاسىنىڭ اكىمى باحتيار ونەرباەۆ.
