الدىن الۋ امالى ارتتى
سەنبى, 11 تامىز 2012 7:35
جەگى قۇرتتاي جەر بەتىن جالماعان سىبايلاس جەمقورلىق الەمنىڭ وسى قالاي دەگەن ەلدەرىنىڭ ەڭسەسىن تۇسىرۋدە. مۇنداي كەسەلدىڭ كەساپاتىنان, امال نە, ءبىزدىڭ ەل دە ساقتانىپ قالا المادى. ەتەكتەن جابىسقان جەگى قۇرت توسكە ورلەپ بارادى. سوندىقتان, قازىرگى كۇنى سىبايلاسقان جەمقورلىققا قارسى كۇرەس قاتاڭ جۇرگىزىلۋدە. ماسەلەن, ۇستىمىزدەگى جىلدىڭ 1-توقسانىندا عانا قارجى پوليتسياسى ورگاندارى 5 125 قىلمىستى تىركەدى, ونىڭ ىشىندە 1 107-ءسى سىبايلاس جەمقورلىق, 3572-ءسى ەكونوميكالىق قىلمىستار بولىپ وتىر. ال وسى قىلمىستار بويىنشا كەلتىرىلگەن زالال مولشەرى 70 ملرد. تەڭگەنى قۇراعان, قازىرگى تاڭدا ونىڭ تەك 29 ملرد. تەڭگەسى عانا تەرگەۋ بارىسىندا قايتارىلدى.
سەنبى, 11 تامىز 2012 7:35
جەگى قۇرتتاي جەر بەتىن جالماعان سىبايلاس جەمقورلىق الەمنىڭ وسى قالاي دەگەن ەلدەرىنىڭ ەڭسەسىن تۇسىرۋدە. مۇنداي كەسەلدىڭ كەساپاتىنان, امال نە, ءبىزدىڭ ەل دە ساقتانىپ قالا المادى. ەتەكتەن جابىسقان جەگى قۇرت توسكە ورلەپ بارادى. سوندىقتان, قازىرگى كۇنى سىبايلاسقان جەمقورلىققا قارسى كۇرەس قاتاڭ جۇرگىزىلۋدە. ماسەلەن, ۇستىمىزدەگى جىلدىڭ 1-توقسانىندا عانا قارجى پوليتسياسى ورگاندارى 5 125 قىلمىستى تىركەدى, ونىڭ ىشىندە 1 107-ءسى سىبايلاس جەمقورلىق, 3572-ءسى ەكونوميكالىق قىلمىستار بولىپ وتىر. ال وسى قىلمىستار بويىنشا كەلتىرىلگەن زالال مولشەرى 70 ملرد. تەڭگەنى قۇراعان, قازىرگى تاڭدا ونىڭ تەك 29 ملرد. تەڭگەسى عانا تەرگەۋ بارىسىندا قايتارىلدى.
مىنە, وسى جانە باسقا دا وزەكتى ماسەلەلەر كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ توراعاسى ر.تۇسىپبەكوۆتىڭ توراعالىعىمەن وتكەن ۆەدومستۆونىڭ القا وتىرىسىندا ايتىلدى جانە وندا الداعى كەزەڭگە جاڭا مىندەتتەر بەلگىلەندى. ۆەدومستۆو باسشىسى شاعىن جانە ورتا بيزنەس قىزمەتىن تەكسەرۋلەردىڭ سانىن جانە قىزمەتكەرلەردىڭ كاسىپكەرلىك سۋبەكتىلەرىمەن قاتىناستارىنىڭ نەگىزدەرىن ازايتۋ بويىنشا قابىلدانعان ۇيىمداستىرۋشىلىق شارالاردىڭ ءناتيجەسىندە بيزنەسكە جاسالاتىن قىسىم دەڭگەيى ايتارلىقتاي تومەندەگەنىن جەتكىزدى.
ر.تۇسىپبەكوۆ سىبايلاس جەمقورلىققا قارسى تۇرۋ جونىندەگى سالاارالىق باعدارلاماعا ەنگىزىلگەن وزگەرتۋلەرگە سايكەس «قارجى پوليتسياسى ورگاندارى تۋرالى», «اكىمشىلىك پروتسەدۋرالارى تۋرالى» زاڭداردىڭ جاڭا رەداكتسياداعى جوبالارى دايىندالاتىندىعىن جانە «سىبايلاس جەمقورلىققا قارسى كۇرەس تۋرالى» زاڭىنا وزگەرىستەر مەن تولىقتىرۋلاردىڭ ەنگىزىلەتىندىگىن اتاپ ءوتتى.
قۇقىق شىعارماشىلىق قىزمەت شەڭبەرىندە مەملەكەتتىك ورگانداردى مەملەكەتتىك ساتىپ الۋلاردىڭ جەڭىمپازى تۋرالى ماعلۇماتتى ساتىپ الۋ جۇرگىزىلگەن سومانى كورسەتە وتىرىپ, سايتتاردا ورنالاستىرۋعا ءمىندەتتەيتىن وزگەرتۋلەردى ەنگىزۋ ۇسىنىلدى. بۇل جۇرتشىلىققا ساتىپ الىنعان تاۋارلار مەن قىزمەتتەردى ولاردىڭ نارىقتىق باعالارىمەن سالىستىرۋعا مۇمكىندىك بەرەدى.
وعان قوسا, مەملەكەتتىك ساتىپ الۋلار سالاسىندا اشىقتىقتى قامتاماسىز ەتۋ ءۇشىن تەندەرلەردىڭ جەڭىمپازدارىمەن الىنعان مەملەكەت قاراجاتىنىڭ قوزعالىسى تۋرالى اقپاراتتى جالپىعا قولجەتىمدى ەتۋ ۇسىنىلدى. ر.تۇسىپبەكوۆ: «كوممەرتسيالىق ۇيىمدار, ەگەر ولار بيۋدجەت قاراجاتىنا جۇمىس ىستەگىلەرى كەلسە, وزدەرىنىڭ قارجىلىق-شارۋاشىلىق قىزمەتىن تولىعىمەن اشۋى قاجەتتىگىن ءتۇسىنۋ كەرەك», – دەپ اتاپ ءوتتى. سونىمەن قاتار, ول ازاماتتىق قوعامنىڭ سۋبەكتىلەرىن كەڭىنەن قاتىستىرا وتىرىپ, سىبايلاس جەمقورلىق جانە ەكونوميكالىق قىلمىستاردىڭ الدىن الۋعا باعىتتالعان پروفيلاكتيكالىق جۇمىستى شيراتۋدى تالاپ ەتتى.
القالى جيىندا اۋماقتىق اتتەستاتتاۋ كوميسسيالارىنىڭ وتىرىستارىن وتكىزۋ مەن دايىنداۋ ءتارتىبى دە تالقىلاندى.
الەكساندر تاسبولاتوۆ,
«ەگەمەن قازاقستان».
