قازاقستاننىڭ ەڭبەك ەرى, مەملەكەتتىك سىيلىقتىڭ لاۋرەاتى, تىگىنشى ليديا كوچەتوۆا دەموكراتيالىق قوعامدا رەتىمەن, تارتىبىمەن بولاتىن بۇل سايلاۋ قازاقستان ءۇشىن سىندارلى جاڭا كەزەڭنىڭ باستاۋى ەكەنىن ايتتى. ونىڭ ايتۋىنشا, قاسىم-جومارت توقاەۆ تۇڭعىش پرەزيدەنتىمىز – ەلباسىنىڭ قاسىندا بولعان سەنىمدى سەرىگى, ءارى ءىزباسار كومەكشىسى.
«تاۋەلسىزدىگىمىزدىڭ نىعايۋى, ونىڭ باياندى بولۋى ءۇشىن ەلىمىزدەگى ساياسي تۇراقتىلىق پەن ەكونوميكامىزدىڭ ۇزدىكسىز دامۋى اۋاداي قاجەت. ەل بىرلىگى مەن بەيبىتشىلىگى – باستى قۇندىلىعىمىز. بۇل سايلاۋ – ەلدەگى بەيبىتشىلىك پەن كەلىسىمدى ساقتاي وتىرىپ, الەۋمەتتىك-ساياسي جاڭعىرۋعا, الەمنىڭ ۇزدىك ەلدەرى قاتارىنا قوسىلۋ جولىندا جاڭا دەموكراتيالىق ەركىن بولاشاقتى قۇرۋعا مۇمكىندىك بەرەدى. ەل تاڭداعان مەملەكەت باسشىسى حالىقتىڭ سەنىمدى مانداتىنا اينالادى», دەپ اتاپ ءوتتى ليديا كوچەتوۆا.
