سىرتقى ىستەر ءمينيسترى بەيبىت اتامقۇلوۆ ساۋد ارابياسىنىڭ قازاقستانداعى ەلشىسى داحير مۋتيش ءال-ەنازيدى, ونىڭ ەلىمىزدە ديپلوماتيالىق ميسسياسىنىڭ اياقتالۋىنا وراي قابىلدادى.
كەزدەسۋ بارىسىندا تاراپتار ساياسي, ساۋدا-ەكونوميكالىق, مادەني-گۋمانيتارلىق سالالارداعى قازاقستان-ساۋد ىنتىماقتاستىعىنىڭ قازىرگى جاعدايى مەن پەرسپەكتيۆالارىن تالقىلادى.
نۇر-سۇلتان مەن ەر-رياد اراسىنداعى قارىم-قاتىناستار تۋرالى ايتۋ بارىسىندا سۇحباتتاسۋشىلار بۇگىن ەكى مەملەكەت باسشىلارىنىڭ ءوزارا تۇسىنىستىك پەن دوستىققا نەگىزدەلگەن ءتيىمدى جۇمىسىنىڭ ارقاسىندا ءتۇرلى سالالارداعى ىنتىماقتاستىقتىڭ جوعارى ناتيجەلەرىنە قول جەتكىزگەنىن اتاپ ءوتتى.
سىرتقى ساياسي ۆەدومستۆوسىنىڭ باسشىسى ساۋد ديپلوماتى قازاقستاندا قىزمەت ەتكەن جىلداردا ەكىجاقتى بايلانىستاردى نىعايتۋ بويىنشا جەمىستى جۇمىس جۇرگىزگەنىن اتاپ ءوتتى.
مينيستر ساۋد ارابياسىنا قازاقستاندىق باستامالاردى قولداعانى ءۇشىن ريزاشىلىعىن ءبىلدىرىپ, ەكىجاقتى نەگىزدە جانە حالىقارالىق دەڭگەيدە تۇراقتى كەزدەسۋلەر مەن كونسۋلتاتسيالار ارقىلى ىنتىماقتاستىقتى ودان ءارى نىعايتۋعا نيەتىن ءبىلدىردى.
د.م. ءال-ەنازي قازاقستاندا جۇمىس ىستەۋى وعان قۇرمەت بولعانىن ءبىلدىرىپ, قر تۇڭعىش پرەزيدەنتى – ەلباسى نۇرسۇلتان نازارباەۆتىڭ تاۋەلسىز قازاقستاننىڭ قالىپتاسۋىنا, ەلدىڭ حالىقارالىق ارەنادا بەدەلىن نىعايتۋىنا جانە قازاقستەن مەن ساۋد ارابياسى اراسىندا تىعىز جانە سەنىمدى قارىم-قاتىناستاردىڭ ورناتۋىنا زور ۇلەسىن اتاپ ءوتتى.
