بۇگىن يندۋستريا جانە ينفراقۇرىلىمدىق دامۋ ءمينيسترى رومان سكليار «قازاقستاندىق يندۋستريانى دامىتۋ ينستيتۋتى» اق ۇجىمىنا جاڭا باسقارما توراعاسى ابدىقادىروۆ الىشەر ەلىس ۇلىن تانىستىردى.
ۇسىنىم بارىسىندا مينيستر «قيدي» اق الدىنا «قاراپايىم زاتتاردىڭ ەكونوميكاسىن» دامىتۋعا جانە ەكسپورتقا باعدارلانعان يندۋستريالاندىرۋعا باعىتتالعان ءتيىمدى ونەركاسىپتىك ساياساتتى ىسكە اسىرۋ بويىنشا مىندەتتەر قويىلعانىن اتاپ ءوتتى. الىشەر ابدىقادىروۆ م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ تۇلەگى بولىپ تابىلاتىنىن اتاپ ءوتتى. ەڭبەك جولىن يندۋستريا جانە ينفراقۇرىلىمدىق دامۋ مينيسترلىگىندە باستاعان, ءار جىلدارى پاۆلودار وبلىسى, نۇر-سۇلتان قالاسىنىڭ يندۋستريالىق-يننوۆاتسيالىق دامۋ باسقارمالارىنا باسشىلىق ەتتى. وسى ۋاقىت ىشىندە الىشەر ابدىقادىروۆ يندۋستريالاندىرۋ باعدارلاماسىنىڭ ءبىرىنشى جانە ەكىنشى بەسجىلدىعىن ازىرلەۋگە, ينۆەستيتسيا تارتۋعا, ونەركاسىپ پەن يننوۆاتسيالاردى دامىتۋعا بەلسەندى قاتىستى. «ەرەن ەڭبەگى ءۇشىن» مەرەيتويلىق مەدالىمەن ماراپاتتالعان. مينيستر جاڭا تاعايىندالعان توراعا قويىلعان مىندەتتەرگە قول جەتكىزۋ ءۇشىن جيناقتاعان تاجىريبەسى, ءبىلىمى مەن كاسىبي داعدىلارىن قولداناتىنىنا سەنىم ءبىلدىردى. سونداي-اق مينيستر ۇيىمنىڭ بۇرىنعى باسشىسى دانا بەيسەنقىزى جۇنىسوۆاعا بىرلەسكەن جۇمىسى ءۇشىن العىسىن ءبىلدىردى.
سونداي-اق مينيستر «قيدي» اق باسقارما توراعاسىنىڭ ورىنباسارى بەكماعامبەتوۆ مۇرات مارات ۇلىن تانىستىردى.
مۇرات بەكماعامبەتوۆ ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ تۇلەگى, س. سەيفۋلين اتىنداعى قازاق اگروتەحنيكالىق ۋنيۆەرسيتەتىن «قارجى جانە نەسيە» ماماندىعى بويىنشا, سونداي-اق Geneva Business School تامامداعان.
ءار جىلدارى Duke University, University of California Berkeley, KUHNE Logistics University, E&Y, International Communication of school, DB International تاعىلىمدامادان ءوتتى.
15 جىلدان استام «قازاقستان تەمىر جولى» ۇلتتىق كومپانياسىنىڭ قۇرىلىمىندا جۇمىس ىستەدى. تاعايىندالعانعا دەيىن «قازاقستان تەمىر جولى» ۇق» اق ستراتەگيالار, GR جانە كورپوراتيۆتىك دامۋ دەپارتامەنتىنىڭ ديرەكتورى قىزمەتىن اتقارعان. «قازاقستان تەمىر جولى» ۇق» اق دامۋ ستراتەگياسىن ازىرلەۋگە جانە ىسكە اسىرۋ ماسەلەلەرىن, سونداي-اق كولىك جانە لوگيستيكا سالاسىنداعى زاڭنامالىق قىزمەتكە جەتەكشىلىك ەتكەن.
