كەزدەسۋ بارىسىندا ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى دامىتۋدىڭ وزەكتى ماسەلەلەرى مەن پەرسپەكتيۆالارى تالقىلاندى.
ا. دانكان اتاپ وتكەندەي, قازاقستاندا بيزنەستى جۇرگىزۋ ءۇشىن بارلىق مۇمكىندىكتەر بار جانە شەتەلدىك ينۆەستيتسيالاردى تارتۋ ءۇشىن بارلىق قاجەتتى جاعدايلار جاسالعان. ۇلىبريتانيانىڭ ەۋروپالىق وداقتان شىعۋى اياسىندا ا. دانكان قازاقستان مەن ۇلىبريتانيا اراسىنداعى ساۋدا-ەكونوميكالىق قارىم-قاتىناستاردا نەگىزگى ەرەجەلەردىڭ ساباقتاستىعى قامتاماسىز ەتىلەتىنىنە سەندىردى.
«قازاقستان مەن ۇلىبريتانيانىڭ ەكىجاقتى ىنتىماقتاستىقتى ارتتىرۋ ءۇشىن زور الەۋەتى بار, ونى ءتيىمدى پايدالانۋ قاجەت», — دەدى قر پرەمەر-ءمينيسترى ا. مامين.
قر-دا بريتاندىقتاردىڭ قاتىسۋىمەن 850-دەن اسا زاڭدى تۇلعا, فيليالدار مەن وكىلدىكتەر تىركەلگەن, ولاردىڭ ىشىندە Royal Dutch Shell, Ernst&Young جانە باسقالارى بار. بيزنەس قۇرىلىمداردىڭ ءوزارا ءىس-قيمىلىن ودان ءارى ۇلعايتۋ ءۇشىن بيىل قازان ايىندا لوندوندا كەزەكتى قازاقستاندىق-بريتاندىق ينۆەستيتسيالىق فورۋم وتەدى, بۇل شارا ءىرى بريتاندىق بيزنەستىڭ قىزىعۋشىلىق تانىتقان جاڭا وكىلدەرىن تارتۋعا مۇمكىندىك بەرەدى.
