پارلامەنت سەناتىندا كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى گەورگي كيمنىڭ توراعالىق ەتۋىمەن قازاقستان رەسپۋبليكاسىنىڭ ازاماتتىعىن زاڭنامالىق تۇرعىدان رەتتەۋ, ونىڭ ىشىندە كامەلەتكە تولماعاندار جونىندەگى جەكەلەگەن ماسەلەلەردى تالقىلاۋ بويىنشا وتىرىس بولدى.
كوميتەت وتىرىسىنا قازاقستان رەسپۋبليكاسىنداعى ادام قۇقىقتارى جونىندەگى ۋاكىل, پرەزيدەنت اكىمشىلىگى, باس پروكۋراتۋرا, ىشكى ىستەر, سىرتقى ىستەر, ادىلەت, ءبىلىم مەن عىلىم مينيسترلىكتەرىنىڭ, سونداي-اق حالىقارالىق ۇيىمداردىڭ باسشىلىعى مەن وكىلدەرى قاتىستى.
ازاماتتىققا يە بولۋ وسى تۇلعاعا زاڭدا بەلگىلەنگەن بارلىق قۇقىقتار مەن ەركىندىكتەردىڭ تولىق قامتىلۋىنىڭ, مەملەكەت ىشىندە جانە ودان تىس جەرلەردە تۇلعانى قورعاۋدىڭ العىشارتى بولىپ تابىلادى.
وتىرىس ازاماتتىق جانە تۇلعالاردى قۇجاتتاۋ ماسەلەلەرى بويىنشا قولدانىستاعى زاڭناماداعى قايشىلىقتار مەن كەمشىلىكتەردى انىقتاۋ مەن تالقىلاۋ ماقساتىندا وتكەن بولاتىن.
شاراعا قاتىسۋشىلار ازاماتتاردىڭ, ونىڭ ىشىندە كامەلەتكە تولماعانداردىڭ ازاماتتىقتى الۋى جانە ونى توقتاتۋ, سونداي-اق جەكە باسىن كۋالاندىراتىن قۇجاتتارى جوق تۇلعالاردى قۇجاتتاۋ جانە ولاردى تىركەۋ ماسەلەلەرىن قارادى.
كوميتەت ازاماتتىق ماسەلەلەرى جونىندەگى قولدانىستاعى زاڭناما بويىنشا قۇقىق قولدانۋ تاجىريبەسىنە تالداۋ جاساۋ جانە مونيتورينگ وتكىزۋ, سونداي-اق وتىرىسقا قاتىسۋشىلاردىڭ ۇسىنىستارىن ەسكەرە وتىرىپ, وسى زاڭنامانى جەتىلدىرۋ ماسەلەلەرىن پىسىقتاۋ قاجەتتىگى تۋرالى قورىتىندى قابىلدادى.
