«قازگەولوگيا» اق ءداستۇرلى تۇردە گەولوگ كۇنىنەن كەيىن باستالاتىن دالا جۇمىستارىنىڭ ماۋسىمىن اشتى.
بيىل ءساۋىر ايىندا قارعاندى وبلىسىنىڭ ءۇش شوقى ۋچاسكەسىندە 2018 جىلى باستالعان بۇرعىلاۋ جۇمىستارى جالعاستىرىلادى.
ۋچاسكەدە توپوگرافيالىق-ماركشەيدەر جۇمىستارى ورىندالىپ, رەكوگنوستسيروۆكالىق ءارى تەكسەرۋ ىزدەۋ مارشرۋتتارى جاسالدى, سونداي-اق ZTEM ءادىسى قولدانىلعان اەروگەوفيزيكالىق جۇمىستار جۇرگىزىلدى. وسىنىڭ ناتيجەسىندە تاريحي ماتەريالدارمەن بىرگە گەوفيزيكالىق دەرەكتەردى ەگجەي-تەگجەيلى زەرتتەۋ ءارى ولارعا كەشەندى تالداۋ جاساۋ ناتيجەسىندە كەن مولشەرىن باعالاۋعا ۇسىنىم بەرىلگەن 7 پەرسپەكتيۆالى ۋچاسكە بەلگىلەندى.
جارساي جانە قويىس ۋچاسكەلەرى ەرەكشە قىزىعۋشىلىق تۋدىرۋدا.
قويىس ۋچاسكەسىندە التىننىڭ مينەرالدانۋى قايتالاما كۆارتسيتتەردىڭ كۆارتس-سەريتسيتتى جانە مونوكۆارتستى قۇرامىمەن, ولار كەيىنگى دەۆون جاسىنداعى ۆۋلكانوگەندى قاتپاردىڭ جوعارعى قاباتىندا ورىستەگەن قىشقىل ۆۋلكانيتتەرمەن بايلانىستى.
جارساي ۋچاسكەسىندە التىننىڭ مينەرالدانۋى كوك قۇدىق توبەسى كەشەنىنىڭ كەيىنگى دەۆون داۋىرىندەگى ءمونتسوديوريتتى پورفيريتتەر انىقتالعان جانە ۇزاقتىعى 250 - 650م, قۋاتى 250م دەيىن كۆارتستەلگەن ايماقتارمەن بايلانىستى.
انىقتالعان انوماليالاردى باعالاۋ ءارى كونتۋرلارىن جاساۋ ءۇشىن 200-600 مەترگە دەيىن ۇڭعىمالار بۇرعىلاناتىن بولادى.
2019 جىلى جالپى كولەمى 5000 ق.م 16 ۇڭعىما بۇرعىلانادى. قازىرگى ۋاقىتتا, 2 ۇڭعىمانى بۇرعىلاۋ اياقتالۋدا.
