كەلىسىمگە «روساتوم» مەملەكەتتىك كورپوراتسياسىنىڭ كۇردەلى جۇمسالىمدار, مەملەكەتتىك قۇرىلىستى قاداعالاۋ جانە مەملەكەتتىك ساراپتاما بويىنشا ديرەكتورى گەننادي ساحاروۆ, buildingSMART رەسەيلىك ءبولىمىنىڭ ۆيتسە-توراعاسى, قۇرىلىستاعى ينجەنەر-كەڭەسشىلەردىڭ ۇلتتىق قاۋىمداستىعىنىڭ (قيكۇق) اتقارۋشى ديرەكتورى ولگا كۋبانسكايا جانە قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى («قازقسعزي» اق) دامۋ جانە تسيفرلاندىرۋ جونىندەگى باسقارۋشى الەكساندر شاحنوۆيچ قول قويدى.
ۇشجاقتى كەلىسىم بىرلەسكەن ماقساتتىق باعدارلامالار مەن جوبالاردى ىسكە اسىرۋدى, ۇلتتىق جانە حالىقارالىق ءبىلىم بەرۋ, عىلىمي جانە پراكتيكالىق جوبالارعا قاتىسۋدى ۇيعارادى. «حالىقارالىق فورۋمنىڭ اياسىندا ءبىز تۇراقتى دامۋدىڭ ماقساتتارىنا جەتۋ, كوممۋنيكاتسيالاردىڭ تيىمدىلىگىن ارتتىرۋ جانە ىنتىماقتاستىقتىڭ جاڭا نىساندارى تۋرالى كوپ ايتامىز. بۇل كەلىسىم ەكى ەلگە بىرىڭعاي ستاندارتتار بويىنشا جۇمىس ىستەۋگە جانە تسيفرلىق تەحنولوگيالار سالاسىندا تاجىريبە الماسۋ جىلدامدىعىن وسىرۋگە مۇمكىندىك بەرەدى», - دەدى گەننادي ساحاروۆ.
كەلىسىم اياسىندا «رەسەي فەدەراتسياسىنىڭ تسيفرلىق ەكونوميكاسى» ۇلتتىق باعدارلاماسىن ىسكە اسىرۋدىڭ جانە قازاقستان رەسپۋبليكاسىنىڭ قۇرىلىسىن تسيفرلاندىرۋ سالاسىندا جاڭارتۋلار ەنگىزۋدە بىرلەسىپ جۇمىس ىستەۋ جوسپارلانىپ وتىر. «building SMART رەسەيلىك ءبولىمىنىڭ اياسىندا جوسپارلانىپ وتىرعان «روساتوم» مەملەكەتتىك كورپوراتسياسى مەن «قازقسعزي» اراسىنداعى ىنتىماقتاستىق تمد اۋماعىندا Open BIM پراكتيكالىق ءتاسىلىن دامىتۋعا تۇرتكى بولماق. الدىمىزدا ءبىزدىڭ ەلىمىزدە تۋىنداعان تاجىريبەلەردى قۇرىلىس جوبالارىندا اتالاتىن دەرەكتەردى باسقارۋ سالاسىنداعى قابىلدانعان حالىقارالىق بەيىندىك اليانستىڭ ستاندارتتارىنا كەلتىرۋ بويىنشا كوپتەگەن ماسەلەلەر مەن مىندەتتەر كۇتىپ تۇر. سوندىقتان, سالالىق تسيفرلاندىرۋ سالاسىندا وزىندىك ادىستەمەلىك اتقارىمدارى بار ءبىزدىڭ كومپانيامىزدىڭ زەرتتەۋ توپتارىنىڭ كۇشتەرىن بىرىكتىرۋ ەلىمىزدەگى قۇرىلىس وبەكتىلەرىن اقپاراتتىق مودەلدەۋ تەحنولوگيالارىن ۇدەمەلى دامىتۋ ءۇشىن قاجەت» - دەدى «قازقسعزي» اق دامۋ جانە تسيفرلاندىرۋ جونىندەگى باسقارۋشى ديرەكتورى الەكساندر شاحنوۆيچ.
كەلىسىمنىڭ جەكەلەگەن تارماعىندا ءوزارا بايلانىستى دەرەكتەر كاتالوگتارىن ازىرلەۋ سالاسىندا ءوزارا ارەكەتتەسۋ جازىلعان. «قيكۇق بازاسىندا ورىس ءتىلدى كەڭىستىكتە building SMART ادىستەمەسىن ءىس جۇزىندە ەنگىزۋ ماسەلەلەرىن پىسىقتاۋ بويىنشا الاڭ قۇرا الدى. تالقىلاۋ ءجۇرىپ جاتىر جانە قالىپتاستىرىلاتىن حالىقارالىق اليانستىڭ ونتولوگياسىنا بايلانىستىرا وتىرىپ ورىس تىلىندە تەرميندەر سوزدىگى جاساللىپ جاتىر. ءبىز ءۇشىن اقپاراتتىق مودەلدەۋ ۇدەرىستەرىن ستاندارتتاۋدا تاجىريبەسى بار قازاقستاندىق ارىپتەستەرىمىز وسى جۇمىسقا قوسىلاتىنى ماڭىزدى» -دەپ اتاپ ءوتتى ولگا كۋبينسكايا.
تاراپتار سونداي-اق مامانداردى دايارلاۋ دەڭگەيىن جەتىلدىرۋگە باعىتتالعان جوبالاردى ىسكە اسىرۋ كەزىندە ءوزارا كەڭەس بەرۋ قىزمەتتەرىن كورسەتۋ مۇمكىندىگى تۋرالى كەلىستى.