تيىمدىلىك كۇشەيتىلۋى ءتيىس
بەيسەنبى, 28 ماۋسىم 2012 7:36
باس پروكۋروردىڭ ءبىرىنشى ورىنباسارى يوگان مەركەلدىڭ ءتوراعالىعىمەن قىلمىستىق زاڭنامانى جاڭعىرتۋعا بايلانىستى وزەكتى ماسەلەلەردى تالقىلاۋ, باس پروكۋراتۋرا ازىرلەگەن قىلمىستىق ءىس-جۇرگىزۋ كودەكسىنىڭ جاڭا رەداكتسياسى شەڭبەرىندە مەملەكەتتىڭ قىلمىستىق ساياساتىن جەتىلدىرۋ ماسەلەلەرىنە بايلانىستى زاڭدىلىقتى قامتاماسىز ەتۋ ماسەلەلەرى جونىندەگى قوعامدىق كەڭەستىڭ كەزەكتى وتىرىسى ءوتتى.
بەيسەنبى, 28 ماۋسىم 2012 7:36
باس پروكۋروردىڭ ءبىرىنشى ورىنباسارى يوگان مەركەلدىڭ ءتوراعالىعىمەن قىلمىستىق زاڭنامانى جاڭعىرتۋعا بايلانىستى وزەكتى ماسەلەلەردى تالقىلاۋ, باس پروكۋراتۋرا ازىرلەگەن قىلمىستىق ءىس-جۇرگىزۋ كودەكسىنىڭ جاڭا رەداكتسياسى شەڭبەرىندە مەملەكەتتىڭ قىلمىستىق ساياساتىن جەتىلدىرۋ ماسەلەلەرىنە بايلانىستى زاڭدىلىقتى قامتاماسىز ەتۋ ماسەلەلەرى جونىندەگى قوعامدىق كەڭەستىڭ كەزەكتى وتىرىسى ءوتتى.
كەڭەس جۇمىسىنا پارلامەنت دەپۋتاتتارى, قۇقىقتانۋشى-عالىمدار, قوعامدىق ۇيىمدار وكىلدەرى قاتىستى.
ماجىلىستە تەرگەۋ مەرزىمى مەن نىسانىن, تەرگەۋگە دەيىنگى تەكسەرۋ ينستيتۋتىن وڭايلاتۋ, تۇلعالاردى ۇستاۋ جانە قاماۋعا الۋ ينستيتۋتتارىنا دەگەن جاڭا كوزقاراستى ەنگىزۋ, قىلمىستىق جازا جۇيەسىن قايتا قاراستىرۋ, قىلمىستان ءجابىر شەككەندەرگە زاردابىن وتەۋ قورىن قۇرۋ سياقتى قىلمىستىق ءۇردىس تيىمدىلىگىن جەتىلدىرۋگە باعىتتالعان ماسەلەلەر قارالدى. جازاسىن مويىنداۋ تۋرالى مامىلە جاساسۋ, تەرگەۋ سوتى ينستيتۋتتارىن جانە قىلمىستىق تەرىس قىلىق جونىندە قۇقىققا قارسى ارەكەتتەر ساناتىن ەنگىزۋ سياقتى نوۆەللالار بەلسەندى تالقىلاندى.
سونىمەن قاتار, تەرروريزم مەن ەكسترەميزمگە, مەملەكەت قاۋىپسىزدىگى مەن كونستيتۋتسيالىق قۇرىلىم نەگىزدەرىنە قارسى قىلمىستارمەن كۇرەستەگى قىلمىستىق-قۇقىقتىق ماسەلەلەر, ەكونوميكالىق قىزمەت اياسىنداعى قىلمىستار ءۇشىن جاۋاپتىلىق ءجونىندە پىكىر الماسۋ ءوتتى.
ماجىلىستە اتالىپ وتىلگەندەي, ۇسىنىلىپ وتىرعان جاڭالىقتار سوتقا دەيىنگى ءوندىرىس ۋاقىتىن قىسقارتۋعا, تەرگەۋ ورگاندارىنىڭ جۇمىسىن جەڭىلدەتىپ, ىڭعايلاندىرۋعا, قىلمىستىق پروتسەسكە تارتىلعان ازاماتتاردىڭ كونستيتۋتسيالىق قۇقىقتارىن بارىنشا قورعاۋعا ىقپالىن تيگىزبەك.
جينالىس قورىتىندىسى بويىنشا قىلمىستىلىقپەن كۇرەسۋدەگى ماسەلەلەردى شەشۋ بارىسىندا ازاماتتاردىڭ قۇقىقتارىن قورعاۋ تيىمدىلىگىن كۇشەيتۋگە باعىتتالعان شەشىم قابىلداندى, دەپ حابارلادى باس پروكۋراتۋرانىڭ ءباسپاسوز قىزمەتى.
