قالالىق قوعامدىق دەنساۋلىق ساقتاۋ باسقارماسى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ, مەديتسينالىق ۇيىمداردا مەديتسينالىق كىتاپشالاردى بەرۋدىڭ تۇپنۇسقالىعىن تەكسەرۋگە مۇمكىندىك بەرەتىن جاڭا اقپاراتتىق قىزمەتتى ۇسىندى.
ەندى جۇمىس بەرۋشى Smart Astana موبيلدىك قوسىمشاسى ارقىلى مەديتسينا كىتاپشاسىن شىنىمەن مەديتسينالىق مەكەمەنىڭ ءوزى بەرگەنىن-بەرمەگىنىن ءوز بەتىنشە تەكسەرە الادى. ءاربىر شىعارىلعان مەديتسينالىق كىتاپشا مەديتسينا اقپارات جۇيەسىندە تىركەلەدى. قىزمەتكەردىڭ جسن تەرۋ ارقىلى ءسىز قايدا, قاي كەزدە جانە مەديتسينالىق كىتاپشانىڭ قاشان بەرىلگەنىن بىلە الاسىز », – دەدى قوعامدىق دەنساۋلىق ساقتاۋ باسقارماسى باستىعىنىڭ مىندەتىن اتقارۋشى ءاليا رۇستەموۆا.
جىل باسىندا ەلوردادا اۋرۋحانا پاراقتارى مەن 083, 086, 094, 095
فورمالى انىقتامالارعا QR-كود ەنگىزىلگەن بولاتىن. ەندى جۇمىس بەرۋشى كلينيكاعا وسى
قۇجاتتاردىڭ تۇپنۇسقالىعىن انىقتاپ بەرۋ ءۇشىن ءوتىنىش جاسامايتىن بولدى. بۇنى Smart
Astana قوسىمشاسىندا سمارتفونمەن QR كودتى سكانەرلەۋ ارقىلى قىسقا ۋاقىت ىشىندە
جاساۋعا بولادى.
بۇل قىزمەتتەر رەسپۋبليكادا العاش رەت استانادا قولعا الىندى. ول
دەنساۋلىق ساقتاۋ باعدارلاماسىن تسيفرلاندىرۋ جانە «استانا – ادالدىق الاڭى»
سىبايلاس جەمقورلىققا قارسى جوبانىڭ بولىگى رەتىندە ىسكە استى.
ءبىز سىبايلاس جەمقورلىققا قاۋىپ توندىرەتىن بارلىق سالالارعا تالداۋ جاسادىق: ءبىلىم بەرۋ, دەنساۋلىق ساقتاۋ جانە الەۋمەتتىك قورعاۋ. اتاپ ايتقاندا, ءبىز جارنامالىق سايتتاردى زەردەلەدىك, وندا كوبىنەسە سەرتيفيكاتتار, سانيتارلىق كىتاپشالار, اۋرۋلار انىقتاماسىن ساتۋ تۋرالى حابارلاندىرۋلار كوپ كەزدەستى. ماتەريالدار ءبىزدىڭ اگەنتتىگىمىزدىڭ قۇقىق قورعاۋ بولىمىنە بەرىلدى. وتكەن جىلدىڭ تامىز ايىندا قالادا جالعان مەديتسينالىق كۋالىكتەر مەن باسقا دا مەديتسينالىق قۇجاتتار شىعارۋمەن اينالىسقان توپ ۇستالدى. 80 جالعان ءمور, جالعان فليۋوروگرافيالار تابىلدى. ءبىزدىڭ ەسەپتەۋلەرىمىز بويىنشا, وسى توپتىڭ ءىس-ارەكەتتەرىنىڭ ناتيجەسىندە كلينيكالار كەمىندە 25 ميلليون تەڭگەنى جوعالتتى. بۇدان باسقا, مەديتسينالىق تەكسەرۋدەن وتپەگەن, بىراق بالالارمەن قوعامدىق تاماقتاندىرۋ سالاسىندا جۇمىس ىستەيتىن ادامدار باسقا ادامداردىڭ دەنساۋلىعى مەن قاۋىپسىزدىگىنە قاۋىپ توندىرەدى», – دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ مەملەكەتتىك قىزمەت ءبولىمىنىڭ باسشىسى جازيرا جىلقىشيەۆا.
ءاليا رۇستەموۆانىڭ ايتۋىنشا, مەديتسينالىق انىقتامالاردى تەكسەرۋ قىزمەتى قازىردىڭ وزىندە قالانىڭ بارلىق اۋماعىندا جۇمىس ىستەيدى, ياعني كەز-كەلگەن مەديتسينالىق ۇيىمدا زاڭدى تۇردە بەرىلگەن مەديتسينالىق كىتاپشا نەمەسە انىقتاما اقپاراتتىق جۇيەدە تىركەلگەن.
وسىنداي قىزمەت ءتۇرى ءۇشىن ليتسەنزيا العان مەملەكەتتىك مەديتسينالىق ۇيىمدار مەن مەملەكەتتىك ەمەس ۇيىمدار مەديتسينالىق كىتاپشالار شىعارۋعا قۇقىلى. مەديتسينالىق كiتاپشالاردى, سونداي-اق 083 جانە 086 انىقتامالاردى تىركەۋ تەگىن مەديتسينالىق كومەكتىڭ كەپىلدىك تۇرىنە جاتپايدى. بۇل قىزمەتتەر باعا تىزىمىنە سايكەس تولەنەدى. مەملەكەتتىك مەديتسينالىق ۇيىمداردىڭ بارلىعىندا ءبىر باعا كورسەتىلگەن.
