قازىرگى ۋاقىتتا باتىس-2 جانە باتىس-3 جالپى اۋدانى 312 مىڭ شارشى مەتردى قۇرايتىن 3000 پاتەرگە ارنالعان 32 ءۇيدىڭ قۇرىلىسى جۇرگىزىلۋدە.
وبلىس اكىمى جاۋاپتى مەملەكەتتىك ورگانداردىڭ باسشىلارىنا قۇرىلىس جۇمىستارىنىڭ قارقىنىن ۇنەمى قاتاڭ باقىلاۋدا ۇستاۋدى تاپسىرىپ, تۇرعىن اۋداندارىن جاقسارتۋ جونىندە ناقتى تاپسىرمالار بەردى.
«ساپا ەرەكشە نازارعا الىنادى. وكىنىشكە وراي, تۇرعىنداردىڭ تاراپىنان تۇرعىن ءۇيدىڭ ساپاسىنا بايلانىستى شاعىمدارى بار. بۇنداي ەندى بولماۋى كەرەك. ءتارتىپ بۇزۋشىلارعا قاتاڭ شارا قولدانىلاتىن بولادى. قالالىق بيلىككە ەڭ الدىمەن - مەكتەپتەر, بالاباقشالار, مەديتسينالىق مەكەمەلەرگە الەۋمەتتىك ينفراقۇرىلىمدى قامتاماسىز ەتۋدى قاداعالاۋدى تاپسىرامىن. پايدالانۋعا دايىن جاڭا ۇيلەردە العاشقى تۇرعىنداردىڭ ورنالاسۋى كەزىندە اۋلالار اباتتاندىرىلىپ, جولدار مەن تروتۋارلار توسەلىپ, بالالاردىڭ ويىن الاڭدارى ورناتىلۋى جانە اۆتوتۇراقتاردا ورىنداردىڭ سانى جەتكىلىكتى بولۋى قامتاماسىز ەتىلۋى كەرەك», - دەپ اتاپ كورسەتتى وبلىس باسشىسى.
بيىلدان باستاپ باتىس-2 جانە باتىس-3 تۇرعىن اۋداندارىندا ەكى دەڭگەيلى اۋلالاردى سالۋ جوسپارلانۋدا, جەرتولەسى پاركينگپەن جابدىقتالىپ, ۇستىڭگى قابات بالالار ويىن الاڭدارى بولادى.
وڭداسىن ورازالين باسقا دا جاڭالىقتاردى ەنگىزۋ قاجەتتىگىن اتاپ ءوتتى. وبلىس اكىمىنىڭ ويىنشا, شاعىن اۋداندارداعى جاڭا عيماراتتار كەسكىنسىز جانە بىرتەكتى ۇقساس. ول ۇيلەر مەن ايماقتى جوبالاۋدا زاماناۋي اقىلدى تەحنولوگيالاردى جانە ەرەكشە ارحيتەكتۋرالىق جاڭالىقتاردى ەنگىزۋدى, مۇمكىندىگىنشە كوبىرەك ساياباق اۋماقتارىن جابدىقتاۋعا شاقىردى.
ازىرلەۋشىلەرمەن كەزدەسۋ بارىسىندا وبلىس اكىمى ولاردىڭ وتىنىشتەرى مەن ۇسىنىستارىن تىڭداپ, از قامتىلعان جانە كوپبالالى وتباسىلارعا ارنالعان تۇرعىن ۇيمەن قامتاماسىز ەتۋ, مەملەكەتتىك تۇرعىن ءۇي باعدارلامالارىن جۇزەگە اسىرۋ ماسەلەلەرىن تالقىلادى.
