ايماقتار • 16 ءساۋىر، 2019

پاۆلودار وبلىسىندا بيىل قانت قىزىلشاسى وسىرىلەدى

720 رەتكورسەتىلدى

وبلىستىق اۋىل شارۋاشىلىعى باسقارماسىنىڭ مالىمەتىنشە، وڭىردە الداعى ۋاقىتتا قانت زاۋىتىنىڭ قۇرىلىسى دا جوسپارلانۋدا.

الدىمەن وبلىس ورتالىعىنىڭ  ىرگەسىندەگى كەمەڭگەر  اۋىلىندا ورنالاسقان «اۋىل شارۋاشىلىعى تاجىريبەلىك ستانساسىندا» قانت قىزىلشاسىنىڭ تۇقىمى ەگىلىپ، سىناقتان وتەدى. كەيىن سۋارمالى القاپتارعا  ەگىلەدى.

جوبانى جۇزەگە اسىرۋ ءۇشىن قانت قىزىلشاسىن وسىرۋگە توپىراعى مەن اۋا رايى قاجەتتىگىن ەسكەرىپ، ءار اۋدانىنان كارتوپ وسىرۋمەن اينالىساتىن 11 شارۋاشىلىق تاڭداپ الىنىپتى. شارۋاشىلىقتار ءبىر گەكتار القاپقا قىزىلشا وتىرعىزۋى ءتيىس. قازىر جەتى ءتۇرلى ءتۇرى تاڭدالىپ، تۇقىم ساتىپ الىنعان. عالىمدار قانت قىزىلشاسىنىڭ سولتۇستىك ءوڭىردىڭ اۋا رايىنا لايىقتالعان جەرگىلىكتى سورتى مەن تۇقىم ءتۇرىن ەگۋدى ويلاستىرۋدا.

ينستيتۋت ماماندارىنىڭ ايتۋىنشا، وڭىرىمىزدەگى اۋداندار جەرى قارا توپىراقتى جانە قوڭىر توپىراقتى بولىپ بولىنەدى. سوندىقتان،  توپىراققا تۇسەتىن ىلعال مولشەرىنە بايلانىستى ەگىلەتىن وسىمدىكتەر دە سول جاعدايعا بەيىم بولۋى كەرەك. قىزىلشا جىلۋدى  جاقسى كورەدى،  ىلعالدى قۇنارلى توپىراق كەرەك.

قارا توپىراقتى جەردە بيداي، ارپا، س ۇلى جارما داقىلدارىنان قاراقۇمىق، مايلى داقىلداردان كۇنباعىس، راپس، زىعىر، كوپجىلدىق شوپتەردەن جوڭىشقا، ەسپارتسەت، ارپاباس جاقسى وسەدى.

ال، قوڭىر توپىراقتى جەردە قارا بيداي، جارما داقىلدارى تارى مەن قاراقۇمىق، مايلى داقىلدار،  ەركەكشوپ، ەسپارتسەت، كوپجىلدىق قارا بيداي ەگۋ ءتيىمدى.

ينستيتۋتتا جىل سايىن سىناقتان 14 مىڭنان استام ءتۇرلى داقىلداردىڭ سۇرىپ ۇلگىلەرى وتكىزىلەدى. قازىرگى كەزدە جازدىق جۇمساق بيدايدىڭ 5 سۇرىبى سەلەكتسيالىق جەتىستىكتەردىڭ مەملەكەتتىك تىزبەسىنە ەنگىزىلگەن.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار