مۇنىڭ الدىندا «پەتروپاۆل–شارم-ەل-شەيح–پەتروپاۆل» باعىتى بويىنشا رەيس اشىلعان بولاتىن. ەندى رەسەيدىڭ استاناسىنا تىكەلەي جەتە الادى
پەتروپاۆل حالىقارالىق اۋەجايىنىڭ ديرەكتورى مارات قاسەنوۆتىڭ ايتۋىنشا, قازاقستاننىڭ ازاماتتىق اۆياتسيا كوميتەتى كورشى ەلدىڭ «يراەرو» اۋە كومپانياسىمەن ۋاعدالاستىققا كەلىپ, سولتۇستىكقازاقستاندىقتاردىڭ حالىقارالىق باعىتتارعا ۇشۋىنا جاعداي تۋدىرىپ وتىر.
ماۋسىم ايىنان باستاپ اپتاسىنا ءبىر رەت - ءار سارسەنبى كۇنى «Sukhoi SuperJet-100» ۇشاقتارىمەن جولاۋشىلار قاتىناي باستايدى. ەكى ارالىقتى ءۇش ساعاتتا ۇشىپ وتەدى. بيلەت باعاسى - 47 مىڭ تەڭگە.
«وسىدان ەكى جىل بۇرىن ۇكىمەت رەزەرۆىنەن بولىنگەن 7 ميلليارد تەڭگەگە اۋەجايدا كۇردەلى جوندەۋ جۇمىستارى جۇرگىزىلىپ, زامانعا ساي اۋە كەمەلەرىنىڭ بارلىق ءتۇرىن قابىلداۋعا جابدىقتالعان بولاتى. الداعى ۋاقىتتا وزگە دە ەلدەرمەن ترانزيت اۋەلەتى مەن تۋريستىك سالانى دامىتۋعا باسىمدىق بەرەتىن بولامىز», دەيدى م. قاسەنوۆ.
سولتۇستىك قازاقستان وبلىسى
