16 ءساۋىر، 2019

بيىل ەكسپورت كولەمى 1،27 ملرد دوللارعا جەتەدى - اۋىل شارۋاشىلىعى ءمينيسترى

730 رەت كورسەتىلدى

بۇل تۋرالى اۋىل شارۋاشىلىعى ءمينيسترى س. وماروۆ «شيكىزاتتىق ەمەس ەكسپورتتى ىلگەرىلەتۋ جانە ۇلتتىق ەكسپورتتىق ستراتەگيانى ىسكە اسىرۋ بارىسى تۋرالى» بايانداماسىندا ايتتى.

«ەلباسى 2022 جىلعا قاراي وڭدەلگەن اۋىل شارۋاشىلىعى ونىمدەرىنىڭ ەكسپورتىن 2،5 ەسە ۇلعايتۋ مىندەتىن قويعان بولاتىن. وسىعان بايلانىستى اوك-ءنى دامىتۋدىڭ مەملەكەتتىك باعدارلاماسىندا وڭدەلگەن اۋىل شارۋاشىلىعى ونىمدەرىنىڭ ەكسپورتىن 2021 جىلى 2،4 ملرد اقش دوللارىنا دەيىن جەتكىزۋ جوسپارلانۋدا. بۇل رەتتە بيىل ەكسپورت كولەمى 1،27 ملرد اقش دوللارىنا دەيىن جەتەتىن بولادى»، دەدى مينيستر.

 سونداي-اق مينيستر 2018 جىلدىڭ قورىتىندىسى بويىنشا وڭدەلگەن ءونىم ەكسپورتى ناقتى ماندە 6،4%-عا جانە اقشالاي ماندە 3،5%-عا ۇلعايعانىن ايتىپ ءوتتى.

«وتكەن جىلدىڭ قورىتىندىسى بويىنشا 1،125 ملرد اقش دوللارى سوماسىنا (3،0 ملرد اقش دوللارى سوماسىنداعى جالپى اوك ونىمدەرىنىڭ ەكسپورتى كولەمىندەگى ۇلەسى اقشالاي ماندە 37،2%) 3،5 ملن توننا (13،4 ملن توننا جالپى اوك ونىمدەرىنىڭ ەكسپورتى كولەمىندەگى ۇلەسى ناقتى ماندە 26،3%) وڭدەلگەن اۋىل شارۋاشىلىعى ءونىمى ەكسپورتتالدى. اوك ونىمدەرىنىڭ بارلىق 533 ەكسپورتتىق تاۋار توبىنان 275 وڭدەلگەن اۋىل شارۋاشىلىعى ءونىمىنىڭ ءتۇرى ەكسپورتتالادى. بۇل رەتتە، وتكەن جىلى ءبىرىنشى رەت وڭدەلگەن ونىمدەردىڭ 17 جاڭا ءتۇرى ەكسپورتتالدى» دەدى اۋىل شارۋاشىلىعى ءمينيسترى.



سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار