ۇكىمەت ۇيىندە وتكەن ءباسپاسوز ءماسليxاتىندا جۋرناليستەر وقىرمانداردىڭ تاراپىنان تۇسكەن ءبىر ۇسىنىستى وقىپ بەردى. «بۇگىندە مەكتەپ ديرەكتورلارىنىڭ بەس جىلدان ارتىق ۋاقىت وتىراتىن جاعدايلارى وتە كوپ. سونى بەس جىلدا ءبىر رەت وقىتۋشىلاردىڭ سايلاۋى ارقىلى جۇرگىزۋگە بولماي ما؟», دەگەن ساۋالعا وراي مينيستر ءوز پىكىرىن ءبىلدىرىدى.
ءبىلىم جانە عىلىم ءمينيسترى كۇلاش ءشامشيدينوۆانىڭ ايتۋىنشا, بۇگىندە تسيفرلىق تەxنولوگيالاردىڭ ارقاسىندا ءبىراز پروتسەستەردى اشىق جۇرگىزۋگە مۇمكىندىك بار. «مىسالى, تۇركىستان وبلىسى مەن شىمكەنت قالاسى بويىنشا مۇعالىمنىڭ ءبارىن «بلاتپەن» الادى دەپ ايتادى. قازىر ءبارىن ەلەكتروندى تۇردە جاسايدى. سول جەردە تەستتەن وتەدى. سودان كەيىن كىم قابىلداندى, كىم قابىلدانعان جوق. ءبارى تۇر. ءبىز سوعان ءبارىبىر كەلەمىز. ال ديرەكتورلاردىڭ بەس جىلدا اۋىسىپ تۇرۋىنا بايلانىستى ۇسىنىس, شىنىن ايتۋ كەرەك, ماعان قاتتى ۇنايدى. بىراق قوعامدى بىلەسىزدەر. ءبىز قوعاممەن اقىلداسىپ, ءبارىن زاڭداستىرۋىمىز قاجەت. قازىر مەكتەپ ديرەكتورلارىنىڭ بوساعان ورىندارى كونكۋرس ارقىلى وتەدى. وسىنى تولىقتىرۋىمىز كەرەك. ءبىر اقىلداسىپ الايىق. شىن مانىندە, بۇل دۇرىس بولار ەدى دەپ ەسەپتەيمىن», - دەدى ك.ءشامشيدينوۆا.
