وزبەكستاننىڭ ۇلتتىق اقپاراتتىق اگەنتتىگى - رەسمي مەملەكەتتىك اقپارات كوزى ءارى ەلدەگى جەتەكشى اقپارات اگەنتتىك. ۋزا اگەنتتىگى وزبەك, ورىس, اعىلشىن, فرانتسۋز, نەمىس, يسپان, اراب, قىتاي تىلدەرىندە - 8 تىلدە اقپارات تاراتادى.
«وزبەكستاندا قازاقستان جىلى جاريالانۋىنا بايلانىستى تۇڭعىش رەت ەلدىڭ رەسمي اقپاراتتىق اگەنتتىگىندە قازاق ءتىلدى نۇسقا ىسكە قوسىلدى. اگەنتتىكتىڭ ۆەب-سايتى وزبەكستان مەن قازاقستانداعى وزگەرىستەر جونىندەگى جاڭالىقتار بويىنشا جەدەل جانە وبەكتيۆتى اقپارات تاراتۋعا مۇمكىندىك بەرەدى», - دەلىنگەن حابارلامادا.
اگەنتتىكتىڭ حابارلاۋىنشا, ۆەب-سايتتىڭ باستى مىندەتى - ەكى ەلدەگى ماڭىزدى قوعامدىق-ساياسي وقيعالاردى بارىنشا تولىققاندى بەرۋ, دوستىق پەن كەلىسىمنىڭ نىعايا ءتۇسۋىن جانە باۋىرلاستىقتى ناسيحاتتايدى.
«بۇل پاراقشا باۋىرلاستىق پەن جاقىن قارىم-قاتىناستى نىعايتۋعا, بارلىق سالاداعى مۇددەلەردى قامتۋعا ىقپال ەتەدى», - دەلىنگەن حابارلامادا.
