قوعام • 11 ءساۋىر، 2019

بۇگىن دۇنيەجۇزىلىك پاركينسون اۋرۋىنا قارسى كۇرەس كۇنى

799 رەتكورسەتىلدى

ءساۋىردىڭ 11-ءى ددسۇ-نىڭ باستاماسىمەن جىل سايىن پاركينسون اۋرۋىمەن كۇرەس كۇنى دەپ اتالىپ وتەدى. وسى رەتتە «ۇلتتىق نەيروحيرۋگيا ورتالىعىنىڭ» جوعارى بىلىكتى نەۆرولوگتارى 10-11 كۇندەرى پاركينسون دەرتىنىڭ تىرناعىنا ىلىنگەن جانە قيمىل-قوزعالىستارىندا كىناراتى بار جاندارعا تەگىن كونسۋلتاتسيا بەرىپ جاتىر.

ولاردىڭ قاتارىندا باقىتكۇل تاۋكەنقىزى دا بار. 2006 جىلى العاشىندا  وڭ قولىندا بايقالعان ءدىرىل، بىرتە-بىرتە كۇشەيىپ، قيمىلى باياۋلاي باستايدى، ال ارادا وتكەن 4-5 جىل ىشىندە وعان سول جاعى دا قوسىلىپ، دارىگەرلەر باقىلاۋىمەن قانشا پاركينسون اۋرۋىنا قارسى پرەپاراتتاردى قولدانعانىمەن وڭ ناتيجەگە قول جەتپەي، اقىرىندا وزدىگىنەن ءجۇرىپ-تۇرا المايتىن جاعدايعا دۋشار بولادى.

2014 جىلى پاتسيەنتكە ورتالىقتا ميعا تەرەڭ ستيمۋلياتسيا جاسايتىن وپەراتسيا ءوتۋىنىڭ ناتيجەسىندە مىنە، بەسىنشى جىل باقىتكۇل تاۋكەنقىزى قاسىنان تاستامايتىن جانتورسىعىنداي قالتا تەلەفونىنىڭ كولەمىندەگى قۇرىلعىنى قولدانىپ، ونداعى باعدارلامالاردى الماستىرىپ پايدالانۋ ارقاسىندا ءوز بەتىمەن ءجۇرىپ-تۇراتىن جاعدايعا جەتتى. بۇگىن باقىتكۇل حانىم ورتالىقتاعى تەگىن كونسۋلتاتسياعا كەلىپ، ءارى قۇرىلعىنىڭ باتارەياسىن اۋىستىرىپ الماقشى.

ايتا كەتكەن ءجون، ەلىمىز بويىنشا بۇل دەرتكە شالدىققاندار سانى 20 مىڭداي.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار