اتالعان ۋنيۆەرسيتەتتە «يننوۆاتسيالىق مەنەدجمەنت» ماماندىعى بويىنشا ماگيستر دارەجەسىن دە مەڭگەرگەن. ەڭبەك جولىن ءال-فارابي اتىنداعى قازاق ۇلتتىق ۋنيۆەرسيتەتىنەن باستاعان جاس مامان الماتى مەنەدجمەنت ۋنيۆەرسيتەتىندە, نارحوزدا اعا وقىتۋشى, ودان كەيىن حالىقارالىق بيزنەس اكادەمياسىندا ارنايى پاندەر وقىتۋشى بولىپ جالعاستىرعان ءسابيت تاسجارعان اتالعان وقۋ ورنىندا كاسىپكەرلىك جانە بيزنەس مەكتەبىنىڭ جەتەكشىسى رەتىندە دە ءاردايىم بىلىكتىلىگىن ارتتىرىپ وتىرۋدى ءوزىنىڭ باستىنى ۇستانىمى سانايدى. ستۋدەنتتەر اراسىندا وتكىزىلگەن V جانە VI رەسپۋبليكالىق پاندىك وليمپيدالارىنا ستۋدەنتتەردى دايىنداپ, ەكى مارتە جەڭىمپاز اتاندى. «ەnactus Kazakhstan» ستۋدەنتتىك كاسىپكەرلىك رەسپۋبليكالىق بايقاۋىنان ءىىى ورىن, «جاستار innovation» بايقاۋىنىڭ جۇلدەگەرى, ت.ب. جەتىستىكتەرى جاس ماماندى جاڭا ءبىر بەلەستەرگە شىعۋعا باستاپ كەلەدى.
«بالانى ءوز كۇشىنە سەندىرىپ وقىتۋ كەرەكتىگىن» ءوز كاسىبىنىڭ ۇستانىمىنا اينالدىرعان ول ءاردايىم وقۋشىلاردى ىزدەنىستەر مەن تىڭ ويلارعا جەتەلەپ, پىكىرلەر الماسىپ وتىرۋعا باعىتتايدى جانە الەۋەتتەرىن اشۋعا بار ىنتا-جىگەرىن سالۋدا. وسى باعىتتا ءوزىنىڭ دە كاسىبي بىلىكتىلىگىن ارتتىرۋعا بايلانىستى ارنايى جوسپارلارى بار.
تاجىريبەلى جاس مامان الماتى قالاسىندا جاس پەداگوگتار اراسىندا وتكەن جارىستا وزىق شىقتى. بايقاۋدىڭ ءبىرىنشى كەزەڭىندە ەكونوميكالىق پاندەر وقىتۋشىلارىنىڭ اراسىندا ءى ورىندى يەلەنسە, ەكىنشى كەزەڭدە اعىلشىن, ماتەماتيكا, فيزيكا,ت.ب. وقىتۋشىلارى اراسىنان ۇزدىك شىقتى.
وسىلايشا, حالىقارالىق بيزنەس اكادەمياسى ارنايى پاندەر وقىتۋشىسى, كاسىپكەرلىك جانە بيزنەس مەكتەبىنىڭ جەتەكشىسى ءسابيت تاسجارعان, «جىلدىڭ ۇزدىك پەداگوگى – 2019» قالالىق بايقۋىنىڭ جەڭىمپازى بولىپ تانىلدى. ەندىگى باستى جوسپارى – رەسپۋبليكالىق بايقاۋعا قاتىسىپ, جەڭىمپاز اتانۋ. بۇل قادام ءوز كاسىبىنە بەرىلگەن, زامان جاڭالىعىن جىلدام يگەرۋگە ماشىقتانعان جاس پەداگوگ ءۇشىن جاڭا ءبىر بەلەستەردىڭ باستاۋى ىسپەتتى.
