پروكۋرورلار دا تارازىلانادى
بەيسەنبى, 10 مامىر 2012 7:28
مەملەكەت باسشىسى قۇقىق قورعاۋ ورگاندارىنىڭ كادرلىق ساپاسىن جاقسارتۋعا, سونىمەن ءبىرگە قوعام الدىندا ولاردىڭ قىزمەتىنىڭ اشىق بولۋىنا ۇنەمى نازار اۋدارىپ كەلەدى. وسى ماقساتتا «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويىلدى.
بەيسەنبى, 10 مامىر 2012 7:28
مەملەكەت باسشىسى قۇقىق قورعاۋ ورگاندارىنىڭ كادرلىق ساپاسىن جاقسارتۋعا, سونىمەن ءبىرگە قوعام الدىندا ولاردىڭ قىزمەتىنىڭ اشىق بولۋىنا ۇنەمى نازار اۋدارىپ كەلەدى. وسى ماقساتتا «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويىلدى.
قوستاناي وبلىستىق پروكۋراتۋراسىنىڭ بۇقارالىق اقپارات قۇرالدارى وكىلدەرىمەن جۇرگىزگەن بريفينگى وسى تاقىرىپقا ارنالدى. قاداعالاۋ ورگاندارى قىزمەتكەرلەرى اتتەستاتتاۋدا پوليتسيا وكىلدەرى سياقتى دەنە-كۇش دايىندىعىنان تەست تاپسىرمايدى. ونىڭ ەسەسىنە قۇقىقتىق-زاڭناما تۋرالى ءبىلىمى تەكسەرىلەدى, لوگيكالىق ويلاۋ قابىلەتىن باعالايتىن تاپسىرمالار بەرىلەدى. تاپسىرمانى ورىنداي الماعاندار, سۇراقتارعا جاۋاپ بەرە الماعاندار قايتا تاپسىرمايدى, ولاردىڭ قىزمەتى تومەندەتىلەدى نەمەسە جۇمىستان بوساتىلادى.
– وبلىستىق پروكۋراتۋراعا 2600 سۇراق كەلدى, سول بويىنشا دايىندالىپ جاتىرمىز. كەزەكتەن تىس اتتەستاتتاۋ ءۇش ساتىدان تۇرادى. مامىر-ماۋسىم ايلارىندا وبلىستىق پروكۋراتۋرا باسشىلارى, ماۋسىم-تامىز ايلارىندا اۋدان, قالا پروكۋرورلارى, ال ماۋسىم-قاراشا ايلارىندا جەدەل قۇرام وتەدى, – دەدى وبلىس پروكۋرورىنىڭ ءبىرىنشى ورىنباسارى راشيد اپەكوۆ.
كەزەكتەن تىس اتتەستاتتاۋ كەزىندە پروكۋرورلاردىڭ مەملەكەتتىك ءتىلدى قاي دەڭگەيدە بىلەتىندىگى قاپەرگە الىنا ما دەگەن جۋرناليست ساۋالىنا وبلىس پروكۋرورىنىڭ ءبىرىنشى ورىنباسارى «جوق» دەپ جاۋاپ بەردى. ول مەملەكەتتىك ءتىلدى ۇيرەنۋ ءۇشىن وبلىستىق پروكۋراتۋرادا ارنايى قازاق ءتىلى كابينەتى جابدىقتالعانىن ايتتى.
ءنازيرا جارىمبەتوۆا.
قوستاناي.
