كوميسسيا وتىرىسىندا ول قر پرەزيدەنتىنىڭ كەزەكتەن تىس سايلاۋى جونىندەگى نەگىزگى ءىس-شارالاردىڭ كۇنتىزبەلىك جوسپارى سايلاۋ تۋرالى قولدانىستاعى زاڭناماعا سايكەس ازىرلەنگەنىن ايتتى.
«ناۋقاننىڭ جەكەلەگەن كەزەڭدەرىنىڭ ۇزاقتىعىن ايقىنداۋ ءۇشىن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 66-1-بابى نەگىزگە الىندى. قر پرەزيدەنتىنىڭ كەزەكتەن تىس سايلاۋى جونىندەگى ءىس-شارالاردى وتكىزۋ مەرزىمدەرىن ورتالىق سايلاۋ كوميسسياسى بەلگىلەيدى. وسى جوسپارعا سايكەس, قر پرەزيدەنتىنىڭ لاۋازىمىنا كانديداتتاردى ۇسىنۋ سايلاۋ تاعايىندالعاننان كەلەسى كۇنى, ياعني 2019 جىلعى 10 ساۋىردە باستالىپ, اعىمداعى جىلدىڭ 28 ساۋىرىندە ساعات 18-00-دە اياقتالادى», دەدى ول.
