«كۇلتەگىن» ءمۋلتفيلمنىڭ 2 سەانسىنا 5 مىڭعا جۋىق بالا, ونىڭ ىشىندە كوپ بالالى جانە الەۋمەتتىك تۇرعىدان از قامتىلعان وتباسىلاردان شىققان بالالار, جەتىمدەر ءۇيىنىڭ تاربيەلەنۋشىلەرى, مۇگەدەك بالالار دا قاتىستى.
بۇل قايىرىمدىلىق شارا وتاندىق مۋلتفيلمدەر ارقىلى جاس كورەرمەننىڭ ەل تاريحىنا دەگەن قىزىعۋشىلىعىن ارتتىرادى. وتاندىق انيماتسيالىق تۋىندىلاردى كورسەتۋدەگى ماقسات – داڭقتى باتىرلاردىڭ ەرلىگىن, قازاق حالقىنىڭ مادەنيەتىن انيماتسيا ارقىلى تانىتۋ, سونداي-اق جاس ۇرپاقتى وتانسۇيگىشتىككە باۋلۋ. ۇيىمداستىرۋشىلار اتاپ وتكەندەي, الداعى ۋاقىتتا «قازاقكونتسەرت» پەن «قازاقفيلم» ۇيىمدارىنىڭ بىرلەسكەن باستاماسى ءوز جالعاسىن تاۋىپ, «قازاقستان» وكز كينوزالىندا مۋلتفيلمدەر جانە قازاق كينو ونەرىنىڭ باسقا دا وزىق تۋىندىلارى بالدىرعاندارعا تەگىن كورسەتىلمەك.
وسى ورايدا, «ايالا» قايىرىمدىلىق قورىنىڭ نۇر-سۇلتان قالاسىنداعى وكىلى سالتانات اسكەربەكقىزى ءوزىنىڭ لەبىزىن ءبىلدىردى:
– «ايالا» قايىرىمدىلىق قورى مادەنيەت جانە سپورت مينيسترلىگى ۇيىمداستىراتىن كوپتەگەن مادەني ءىس-شارالارعا قاتىسادى. «كۇلتەگىن» ءمۋلتفيلمىنىڭ قايىرىمدىلىق كورسەتىلىمىن نۇر-سۇلتان قالاسىنىڭ «بالالار ءۇيى» مكم تاربيەلەنۋشىلەرى تاماشالادى. بۇعان دەيىن كورسەتىلگەن «مۇزبالاق» مۋلتفيلمىنە ارنايى مەكتەپ-ينتەرناتتاردىڭ 200-گە جۋىق وقۋشىسى قاتىستى. وسىنداي باستامالاردى ءبىز ءاردايىم قولداۋعا دايىنبىز.
