بۇل شەشىم - بۇگىنگى تاڭدا ماڭىزدى ءارى قاجەتتى. ء بىز وزگەرىسى قىم-قۋىت ءارى جىلدام الەمدە ءومىر ءسۇرىپ جاتىرمىز. بۇل رەتتە كەز كەلگەن مەملەكەتتىڭ ساياسي جۇيەنىڭ ەۆوليۋتسياسى - زاڭدى پروتسەسس. ترانزيتتىك كەزەڭ تۇراقتىلىق پەن قوعامدىق كەلىسىم كەزەڭىنە جالعاسادى دەپ ۇمىتتەنەمىن.
«الداعى ۋاقىتتا قالاي داميمىز» دەگەن ساۋالدار تولعاندىرا باستادى. سوندىقتان حالىقتىڭ بەلسەندىلىگىن كورىپ وتىرمىز. پرەزيدەنتتىڭ قازاقتىڭ اراسىنان سايدىڭ تاسىنداي بولىپ ىرىكتەلىپ شىققان ازاماتتارىن اقورداعا شاقىرۋى كوپتىڭ كوڭىلىنەن شىقتى. كوڭىلگە سەنىم ۇيالاتتى. ونىڭ ۇستىنە, بيلىكتى تاپسىرۋدا ترانزيتتىك ءرولدى اتقارعان قاسىم-جومارت توقاەۆ حالىققا ەتەنە جاقىن ەكەنىن كورسەتتى. ەندى جاڭا پرەزيدەنتىمىزدى تاڭداپ الساق, قازاقستان قالىپتى دامۋ پروتسەسىنەن اينىمايدى دەپ ويلايمىن.
سەنات توراعاسى بولا ءجۇرىپ تۆيتتەردەگى پاراقشاسىندا, شەتەلدىك جانە وتاندىق مەدياعا بەرگەن سۇxباتتارىندا ۇنەمى باتىل پىكىر ايتتى. ادىلەتكە جاق بولىپ, الەۋمەتتىڭ پىكىرىنە دەن قوياتىنىن بايقادىق. الداعى ۋاقىتتا دا اقيقات جاعىندا بولىپ, قازاق ەلىن العا سۇيرەيدى دەگەن سەنىمىم كامىل.
