ازاماتتىق اۆياتسيا كوميتەتى "يراەرو" اۆياكومپانياسىنا قازاقستان رەسپۋبليكاسىندا اككرەديتتەۋ تۋرالى كۋالىگىن بەردى.
كوكتەمگى-جازعى ناۆيگاتسيا كەزەڭىندە "يراەرو" كەلەسى باعىتتار بويىنشا تۇراقتى اۋە تاسىمالىن ورىنداۋدى جوسپارلاپ وتىر:
- جۋكوۆسكي - قاراعاندى - جۋكوۆسكي اپتاسىنا 7 رەت;
- جۋكوۆسكي - كوكشەتاۋ - جۋكوۆسكي اپتاسىنا 2 رەت;
- جۋكوۆسكي - پەتروپاۆل - جۋكوۆسكي اپتاسىنا 2 رەت;
ۇشۋلار RRJ (Sukhoi SuperJet-100) اۋە كەمەلەرىنىڭ تيپىندە ورىندالادى.
قازاقستاننىڭ بارلىق حالىقارالىق رەيستەرىنىڭ 1/3 بولىگى رەسەيمەن بايلانىساتىندىعىن اتاپ وتكەن ءجون.
ازاماتتىق اۆياتسيا كوميتەتىنىڭ قازاقستان رەسپۋبليكاسىنىڭ ايماقتارىن مەن رەسەي فەدەراتسياسىمەن اۋە قاتىناسى ارقىلى بايلانىستىرۋ جۇمىسى جالعاسادى.
انىقتاما: "يراەرو" اۆياكومپانياسى 1999 جىلى قۇرىلعان. ۇزاق ۋاقىت بويى نەگىزگى قىزمەت ءتۇرى - قيىر شىعىستىڭ جانە رەسەيدىڭ سولتۇستىك-شىعىس وبلىستارىنىڭ اۋە تاسىمالى قىزمەتىندە قاجەتتىلىكتەرىن قاناعاتتاندىرۋ بولدى. 2006 جىلدان باستاپ "يراەرو" جولاۋشىلار تاسىمالىمەن اينالىسادى جانە قازىرگى ۋاقىتتا ايماقتاعى ەڭ ءىرى تاسىمالداۋشى بولىپ تابىلادى.
