ءىس-شارا باعدارلاماسى اراب الەمىندەگى ءتورتىنشى ونەركاسىپتىك رەۆوليۋتسيا, ەكونوميكانىڭ جاڭا ۇلگىسىن قالىپتاستىرۋ, ءوڭىردىڭ الدىندا تۇرعان ورتاق سىن-قاتەرلەردى شەشۋ ءۇشىن نۇسقاۋلىق, كوپتۇجىرىمدامالىق الەمدە ورتاق ءتۇيىسۋ نۇكتەلەرىن ىزدەستىرۋ جانە سالالىق ديالوگتاردىڭ بولاشاعى سياقتى ماسەلەلەردى قامتىدى.
فورۋم يوردانيا كورولى II ابداللانىڭ قولداۋى جانە قاتىسۋىمەن ۇيىمداستىرىلدى. ءىس-شارا مىڭداعان مەملەكەتتىك, ىسكەرلىك جانە قوعامدىق كوشباسشىلاردى وڭىردەگى جانە بۇكىل الەمدەگى تەرەڭ ەكونوميكالىق, الەۋمەتتىك جانە گەوساياسي وزگەرىستەردىڭ كەزەڭىندە ديالوگ پەن ورتاق ءىس-قيمىلدار ءۇشىن جاڭا جولداردى قالىپتاستىرۋ ماقساتىندا جينادى. دەف مەملەكەتتىك-جەكەمەنشىك ارىپتەستىك جونىندەگى حالىقارالىق ۇيىم بولا تۇرا, الەمنىڭ ءىرى كومپانيالارىنىڭ, ۇكىمەتتەردىڭ جانە ازاماتتىق قوعامنىڭ وكىلدەرىن مەملەكەتتىك جانە جەكەمەنشىك سەكتورلاردىڭ اراسىنداعى ىنتىماقتاستىقتى ءوڭىردىڭ بولعاشاعىنا قاتىستى ماڭىزدى ماسەلەلەر بويىنشا دامىتۋ ءۇشىن بىرىكتىردى.
فورۋمنىڭ اياسىندا قازاقستان سىرتقى ساياسات ۆەدومستۆوسىنىڭ باسشىسى شەت مەملەكەتتەردىڭ جانە حالىقارالىق بيزنەستىڭ وكىلدەرمەن بىرقاتار كەزدەسۋلەر وتكىزىپ, ىنتىماقتاستىقتىڭ وزەكتى ماسەلەلەرىن تالقىلادى.
دەف نەگىزىن قالاۋشىسى جانە اتقارۋشى توراعاسى كلاۋس شۆابپەن ەلىمىزدىڭ وسى جاھاندىق ساراپتاۋ ۇيىمىمەن ون بەس جىلدىق ارىپتەستىگىنىڭ قورىتىندىلارىن تالقىلاندى. دەف-ءتىڭ تالقىلاۋ الاڭدارىندا تۋىنداعان يدەيالار حالىقارالىق سيپاتتاعى ماڭىزدى شەشىمدەردىڭ نەگىزىنە ءجيى اينالاتىنىن اتاپ ءوتۋ قاجەت. كەزدەسۋ بارىسىندا قازاقستان مەن دەف اراسىنداعى ءوزارا ىقپالداستىقتى كەڭەيتۋ جوسپارىنا باسا نازار اۋدارىلدى.
مينيستر ب.اتامقۇلوۆ پەن ەۋروپالىق قايتا قۇرۋ جانە دامۋ بانكىنىڭ (ەقدب) پرەزيدەنتى سۋما چاكرابارتي اراسىندا وتكەن كەزدەسۋ بارىسىندا تاراپتار بانكتىڭ قاتىسۋىمەن الدا قازاقستاندا وتەتىن ءىرى ءىس-شارالار بويىنشا, ونىڭ ىشىندە قر پرەزيدەنتى جانىنداعى شەتەلدىك ينۆەستورلار كەڭەسىنىڭ (شيك) وتىرىسى مەن استانالىق ەكونوميكالىق فورۋم بويىنشا ساعاتتارىن سالىستىرىپ تەكسەردى.
قازاقستانمەن ءوزارا ءىس-قيمىلدى تالداي وتىرىپ, تاراپتار ەقدب تابىستى ىنتىماقتاستىقتىڭ ۇلگىسى بولىپ تابىلادى دەگەن ورتاق ويعا كەلدى. قازىرگى تاڭدا قازاقستان ەكنوميكاسىنىڭ ءار ءتۇرلى سالالارىندا بانكتىڭ قاتىسۋىمەن ىسكە اسىرىلىپ جاتقان جالپى كولەمى 8 ملرد. دولل. استام سومانى قۇرايتىن شامامەن 250 جوبا ىسكە اسىرىلۋدا.
يوردانيا كورولى II ابداللانىڭ قابىلداۋىندا قر سىرتقى ساياسات ۆەدومستۆوسىنىڭ باسشىسى قر تۇڭعىش پرەزيدەنتى – ەلباسى نۇرسۇلتان نازارباەۆتىڭ ساياساتىنا سايكەس ەلدىڭ سىرتقى ساياسي باعىتىنىڭ ساباقتاستىعىن جانە وزگەرمەيتىندىگىن ەرەكشە اتاي وتىرىپ, قازاقستاننىڭ ىشكى ساياسي ومىرىندە بولعان ماڭىزدى وزگەرىستەر تۋرالى ايتىپ بەردى.
كەزدەسۋ بارىسىندا ەلباسى مەن كورول ابداللانىڭ اراسىندا قالىپتاسقان جىلى قارىم-قاتىناستار ءار ءتۇرلى سالالارداعى ىنتىماقتاستىقتى كەڭەيتۋگە سەبەپ بولعانى ەرەكشە اتالدى. عارىش سالاسى مەن كيبەر قاۋىپسىزدىك سياقتى ەكى ەل ءۇشىن جاڭا سالالاردا ەكىجاقتى ديالوگتى ودان ءارى كەڭەيتۋ تۋرالى ۋاعدالاستىققا قول جەتكىزدى.
قازاقستاندىق باستامالارعا, اتاپ ايتقاندا دىنارالىق ديالوگ پەن ەتنوكونفەسسيالىق تولەرانتتىلىق بويىنشا باستامالارعا, سونداي-اق كورولدىڭ الەمدىك جانە ءداستۇرلى دىندەر كوشباسشىلارىنىڭ سەزدەرى جۇمىسىنا بەلسەندى قاتىسقانى ءۇشىن يوردان تاراپىنا العىس ءبىلىدىرىلدى.
يوردانيالىق مونارح يوردانيا بايقاۋشى رەتىندە قاتىساتىن, وسى ەلدەگى زورلىق-زومبىلىق دەڭگەيىن ەداۋىر تومەندەتىپ, بەيبىتشىلىك ۇدەرىسىن قۇرۋدىڭ العىشارتتارىن جاساعان سيريا جونىندەگى استانالىق كەلىسسوزدەردى وتكىزۋ بويىنشا باستامانى قولداعانى ءۇشىن ەلباسىنا العىس ءبىلدىردى.
سونىمەن قاتار, فورۋمنىڭ اياسىندا ارمەنيا پرەزيدەنتى ارمەن ساركيسيانمەن, لاتۆيا سىرتقى ىستەر ءمينيسترى ەدگارس رينكەۆيچسپەن, يوردانيا سىرتقى ىستەر ءمينيسترى ايمان ءال-سافاديمەن كەزدەسۋلەر وتكىزىلدى. وندا قازاقستان مەن وسى ەلدەر اراسىنداعى ىنتىماقتاستىقتىڭ اعىمداعى جاعدايى مەن ونى كەڭەيتۋ ماسەلەلەرى تالقىلاندى.
بۇدان باسقا, فورۋمنىڭ اياسىندا ريتەيل, قارجى, اگروونەركاسىپتىك كەشەن, IT, تاۋ-كەن جانە مەتاللۋرگيا سەكتورى, لوگيستيكا جانە جاڭارتىلاتىن ەنەرگيا كوزدەرى سياقتى سالالاردا جۇمىس ىستەيتىن تاياۋ شىعىس وڭىرىندەگى (يوردانيا, ساۋد ارابياسى, بىرىككەن اراب امىرلىكتەرى جانە كۋۆەيت) ءىرى حالىقارالىق كومپانيالاردىڭ وكىلدەرىمەن كەزدەسۋلەر وتكىزىلدى. كەزدەسۋلەردىڭ قورىتىندىسى بويىنشا كومپانيالار بىرلەسكەن جوبالاردى جۇزەگە اسىرۋعا قىزىعۋشىلىق تانىتتى جانە ناقتى جوسپارلاردى تالقىلاۋ ءۇشىن جاقىن ارادا قازاقستانعا كەلۋدى جوسپارلاپ وتىر.
