«جوبانى قايتا قاراپ تولىقتىرۋدى ۇسىنامىن», - دەدى باۋىرجان بايبەك قوعامدىق كەڭەس وتىرىسىندا. قالا باسشىسى بۇل تاقىرىپقا كەلگەندە ەكونوميكا, سوتسيۋم, ەكولوگيا ماسەلەلەرىنىڭ تەڭگەرىمىن ساقتاۋ قاجەتتىگىن ايتتى.
«ساراپشىلاردىڭ ايتۋىنشا, قازىرگى كۋرورتتاردىڭ دامۋىنىڭ ءوزى 3-5 جىل ۋاقىت الادى. وسى ۋاقىت ارالىعىندا كوپ تاجىريبە جيناقتايمىز, مامانداردى ازىرلەپ, قالا تۇرعىندارى مەن قوناقتارىنىڭ پىكىرىن زەرتتەيمىز. تەك سودان سوڭ عانا كوكجايلاۋ تاۋ شاڭعىسى كۋرورتىنىڭ قۇرىلىسىنا كىرىسۋگە بولادى», - دەدى اكىم.
قالالىق تۋريزم باسقارماسىنىڭ جەتەكشىسى ماقسات قيقىموۆ نىسان قۇرىلىسىن جەڭىلدەتۋ ءۇشىن شاڭعى جولىن باسقا سىلەمگە سالۋدى ۇسىندى. «ماستەركونتسەپت» كومپانياسى كوكجايلاۋدا شاڭعى جولىن باسقا سىلەمگە اشۋدى, تۇرعىن ءۇي اۋدانىن ازايتۋ مۇمكىندىگىن قاراستىرۋدى, قوناق ءۇي قۇرىلىسىن تومەنگى ۇستىرتكە سالۋدى, «تسسكا» تاۋ شاڭعىسى بازاسى تۇسىنان اسپالى جول مەن بازالىق ستانسا سالۋدى ۇسىندى. بۇل كومپانيا باسشىلىعى جاڭادان كۋرورت سالماي-اق, بۇرىنعى كۋرورتتاردى دامىتۋ تۋرالى دا ايتتى.
ء بىرىنشى كەزەڭدە كۋرورت قۇرىلىسىنا ەمەس, اسپالى جولدارۋ سالۋعا باسىمدىق بەرىلمەك», - دەدى ماقسات قيقىموۆ. بۇعان دەيىن باۋىرجان بايبەك كوكجايلاۋ جوباسى قوعامدىق تالقىلاۋلدىڭ ۇدەسىنەن شىقپاسا, قايتا قاراۋعا جىبەرىلەتىنىن ايتقان.
