سۆەتلانا باعىتقىزى يسپۋسينوۆا زياتكەرلىك مەكتەپتەر جۇيەسىندە 2009 جىلدان بەرى قىزمەت ەتىپ كەلەدى. ول ادامي رەسۋرستاردى باسقارۋ دەپارتامەنتىنىڭ ديرەكتورى, اتقارۋشى ديرەكتور لاۋازىمدارىندا ىستەپ, 2012 جىلدىڭ قىركۇيەك ايىنان باستاپ - باسقارما ءتورايىمىنىڭ ورىنباسارى قىزمەتىن اتقارىپ كەلەدى.
ول بارلىق كاسىبي بىلىكتىلىگىن ءبىلىم بەرۋ جۇيەسىنە ارنالعان. 1978 جىلى گۋرەۆ پەداگوگيكالىق ۋنيۆەرسيتەتىن «تاريح جانە قوعامتانۋ» ءپانىنىڭ مۇعالىمى ماماندىعى بويىنشا بىتىرگەن. تاريح, مەملەكەت نەگىزى مەن قۇقىعى پاندەرىنىڭ مۇعالىمى, سىنىپتان جانە مەكتەپتەن تىس ءىس-شارالاردى ۇيىمداستىرۋشى, اتىراۋ جانە تاراز قالالارىندا مەكتەپ ديرەكتورى قىزمەتتەرىن اتقارعان. 1999 - 2002 جىلدارى اتىراۋ وبلىسى ءبىلىم باسقارماسىنىڭ باسشىسى, 2003 -2007 جىلدارى قر ءبىلىم جانە عىلىم مينيسترلىگىندە ءبولىم باسشىسى, مەكتەپكە دەيىنگى جانە ورتا ءبىلىم بەرۋ دەپارتامەنتىنىڭ ديرەكتورى, 2007 - 2008 جىلدارى «سيت» اق يننوۆاتسيالىق تەحنولوگيالار دەپارتامەنتىنىڭ ديرەكتورى, «Kazsatnet» اق پايدالانۋ دەپارتامەنتى ديرەكتورىنىڭ ورىنباسارى قىزمەتتەرىن اتقارعان.
«قازاقستان رەسپۋبليكاسى ءبىلىم سالاسىنىڭ ۇزدىگى» جانە «قازاقستان رەسپۋبليكاسى ءبىلىم بەرۋدىڭ قۇرمەتتى قىزمەتكەرى» توسبەلگىسىمەن, «قازاقستان رەسپۋبليكاسىنىڭ تاۋەلسىزدىگىنە 10 جىل», «قازاقستان كونستيتۋتسياسىنا 20 جىل», «ەرەن ەڭبەگى ءۇشىن» مەدالدارىمەن ماراپاتتالعان.
