ليتۆاداعى «قازاقستاندىق كينو كۇندەرى» شەڭبەرىندە قويىلعان ءفيلمدى رەسمي تۇلعالار, پارلامەنت دەپۋتاتتارى, ىسكەرلىك جانە اكادەميالىق توپتار وكىلدەرى, مادەنيەت قايراتكەرلەرى, سونداي-اق ليتۆادا تىركەلگەن ديپلوماتيالىق كورپۋس باسشىلارى تاماشالادى.
فەستيۆالدىڭ اشىلۋ سالتاناتىندا سويلەگەن سوزىندە ليتۆاداعى قازاقستان ەلشىسى ۆيكتور تەمىرباەۆ ناتيجەلى ىسكە اسۋداعى «رۋحاني جاڭعىرۋ» باعدارلاماسى مەن ەلباسىنىڭ « ۇلى دالانىڭ جەتى قىرى» اتتى ماقالاسىنىڭ ارقاسىندا ەلدىڭ مادەني-تاريحي الەۋەتى دامۋىنىڭ ءديناميزمىن اتاپ ءوتتى.
بۇدان باسقا, قازاقستاندىق ديپلومات قازاقستان مەن ليتۆا, اسىرەسە جاڭا بۋىن وكىلدەرىنىڭ اراسىنداعى مادەني ديالوگتى تەرەڭدەتۋدىڭ قاجەتتىلىگىن العا تارتتى.
«اناعا جول» كورىنىسى قازاقستان حالقىنىڭ تاريح بەتىندەگى قيىن كەزەڭدەردەگى تاباندىلىعىمەن جانە بيىك رۋحىمەن ليتۆالىق كورەرمەندەردى تاڭقالدىردى.
«قازاقستاندىق كينو كۇندەرى» اياسىندا ليتۆانىڭ ەڭ ۇلكەن ءۇش قالاسىندا (ۆيلنيۋس, كاۋناس, كلايپەدا) بارىمىزگە سۇيىكتى بولعان جانە الەم ساحنالارىن مويىنداتقان, سونداي-اق قازاقستاندىق كينوماتوگرافيانىڭ جاڭا تۋىندىلارى «اناعا جول», «شال», «تالان», «الماس قىلىش», «جاۋجۇرەك مىڭ بالا», «كۇلتەگىن» انيماتسيالىق ءفيلمى جانە ت.ب. كينولار كورسەتىلەدى.
«ليتۆاداعى قازاقستاندىق كوكتەمنىڭ» شارالارى اراسىندا قازاقستاندىق-كانادالىق «Equus: جىلقى تاريحى» دەرەكتى ءفيلمىنىڭ كورسەتىلىمىن, ۆيلنيۋس ۋنيۆەرسيتەتىندەگى «ارقايىم» نەو-ەتنو-فولك توبىنىڭ كونتسەرتىن, ليتۆانىڭ ءۇش قالاسىندا جانە لاتۆيا استاناسىندا وتەتىن قازاقستاندىق سۋرەتشى راۋزا ەراليەۆانىڭ كورمەسىن, سونىمەن قاتار قازاق ۇلتتىق ويىنى توعىزقۇمالاقتان ۆيلنيۋستە بولاتىن جارىستى اتاپ وتكەن ءجون.
