ءباسپاسوز-كونفەرەنتسياسىنا قر قارجى مينيسترلىگى مەملەكەتتىك كىرىستەر كوميتەتىنىڭ توراعاسى ورىنباسارىنىڭ مىندەتىن اتقارۋشى قۋات راحيموۆ قاتىستى.
اعىمداعى جىلدىڭ 30 ناۋرىزىندا ۆەدومستۆاارالىق ءوزارا ءىس-قيمىل شەڭبەرىندە قازاقستان مەن قىرعىز كەدەن قىزمەتتەرى باسشىلارىنىڭ جۇمىس كەزدەسۋى ءوتىپ, تاراپتار ەكى ەلدىڭ كەدەندىك اكىمشىلەندىرۋ جاي-كۇيىن, سونداي-اق پروبلەمالىق ماسەلەلەردى جانە الداعى ىنتىماقتاستىق تۋرالى تالقىلادى.
اتاپ ايتقاندا, تاراپتار ەۋرازيا ەكونوميكالىق وداعى ەلدەرىنىڭ بيۋدجەتىنە شىعىن كەلتىرەتىن, قىتايدان قىرعىزستانعا يمپورتتالاتىن تاۋارلاردىڭ كەدەندىك قۇنىن تومەندەتىپ كورسەتۋ فاكتىلەرىن ات اپ ايتتى.
وسىعان وراي, سونداي-اق مەملەكەتتىك كىرىستەر ورگاندارىنا جانە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە مەملەكەتتىك شەكارادا ەكونوميكالىق مۇددەلەردى قورعاۋ فۋنكتسياسى بەكىتىلگەنىن نازارعا الا وتىرىپ, جامبىل وبلىسىندا ورنالاسقان وتكىزۋ پۋنكتتەرىندە, قحر-دا شىعارىلعان جانە قازاقستان رەسپۋبليكاسى اۋماعىنا اكەلىنەتىن جانە قازاقستان رەسپۋبليكاسىنىڭ اۋماعى ارقىلى رەسەي فەدەراتسياسىنا باراتىن تاۋارلارعا قاتىستى تەكسەرۋ شارالارى وتكىزىلۋدە.مۇنداي تاۋارلارعا قاتىستى تاۋارعا ىلەسپە قۇجاتتاردا كورسەتىلگەن اقپاراتتىڭ, كولىك قۇرالدارىندا تاۋارلاردىڭ ناقتى بولۋى سايكەستىگىنە تەكسەرۋ جۇرگىزىلەدى.
سونىمەن قاتار, قىرعىزستاننىڭ تاۋارلارى قازاقستان رەسپۋبليكاسىنىڭ مەملەكەتتىك شەكاراسى ارقىلى كەدەرگىسىز وتكىزىلەدى.
كەزدەسۋ قورىتىندىسى بويىنشا تاراپتار جالعان دەكلاراتسيانى انىقتاۋ, قۇنىنىڭ دۇرىس بولۋىن قامتاماسىز ەتۋ جانە يمپورتتالاتىن تاۋارلار تۋرالى اقپارات الماسۋ جونىندە شارالار قابىلداۋعا ۋاعدالاستى.
بۇگىنگى كۇنى قىرعىزستان رەسپۋبليكاسى مەملەكەتتىك كەدەن كوميتەتىنىڭ قىزمەتكەرلەرى قازاقستان رەسپۋبليكاسىنىڭ اۋماعىنداعى باقىلۋشى رەتىندە قىرعىز بيزنەس-قوعامداستىعىمەن ءتۇسىندىرۋ جۇمىستارىن جۇرگىزۋدە.
قازاقستان رەسپۋبليكاسىنا يمپورتتالاتىن, سونداي-اق رەسەي فەدەراتسياسىنا ترانزيتپەن وتەتىن قىرعىز رەسپۋبليكاسىنىڭ تاۋارلارى شەكارادان ەركىن وتەدى.
وسىلايشا, اعىمداعى جىلدىڭ 27 ناۋرىزىنان 4 ساۋىرىنە دەيىن قازاقستان رەسپۋبليكاسىنا 265 اۆتوكولىكتە قىرعىز تاۋارلارى يمپورتتالدى جانە قازاقستان رەسپۋبليكاسىنىڭ اۋماعى ارقىلى ترانزيتپەن 455 اۆتوموماشينا وتكىزىلدى.
تاۋارعا ىلەسپە قۇجاتتارى تاۋارلاردىڭ ناقتى سانىمەن جانە تاۋارلاردىڭ بولۋىنا سايكەس كەلمەيتىن تاسىمالداۋشىلاردىڭ قازاقستان رەسپۋبليكاسىنىڭ اۋماعىنا اكەلۋىنە جول بەرىلمەيدى. مۇنداي كولىك قۇرالدارى تاۋارعا ىلەسپە قۇجاتتارىن سايكەستىككە كەلتىرۋ ءۇشىن كەرى قايتارىلادى.
جوعارىدا كورسەتىلگەن كەزەڭدە 18 جەتە تەكسەرۋ جۇرگىزىلدى, ولاردىڭ سايكەسسىزدىكتى كورسەتتى جانە 1 كولىك قۇرالىندا تاسىمالداناتىن تاۋارلاردىڭ قۇجاتتارى جوق بولدى. سونىمەن قاتار, 102 كولىك قۇرالى ەرىكتى تۇردە تاۋارعا ىلەسپە قۇجاتتارىن ۇسىنباستان كەرى قايتارىلىپ, قىرعىز رەسپۋبليكاسىنىڭ اۋماعىنا كەتتى.
قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرىندە اۆتوكولىك قۇرالارىنىڭ جينالىپ قالۋى بايقالمايدى.
