حالىقپەن كەرى بايلانىستى ورناتۋ بويىنشا پوليتسيا بولىنىستەرى باسشىلارىنىڭ تۇرعىندارمەن جەكە كەزدەسۋىن قامتاماسىز ەتۋ ماقساتىندا جۇرگىزىلىپ جاتقان اكتسيا وبلىستىڭ بارلىق اۋداندارىندا جانە وبلىس ورتالىعىندا وتكىزىلۋدە.
وبلىس ورتالىعىندا دەپارتامەنت باستىعى مۇحيتوۆ قايرات بولات ۇلى باستاعان قىزمەتكەرلەر توبى ازاماتتاردى موبيلدىك قابىلداۋ جۇرگىزىپ جاتىر. ازاماتتاردىڭ كوپ جينالاتىن ورىندارىنا ارنايى «جولدا قابىلداۋ» دەپ جازىلعان اقپاراتتىق پلاكاتپەن راسىمدەلگەن اۆتوبۋستار باردى. وسى موبيلدىك قابىلداۋ كەزىندە تۇرعىندارعا ەلەكتروندىق ۇكىمەت پورتالى ارقىلى مەملەكەتتىك قىزمەتتەردىڭ قولجەتىمدىگى, ونلاين رەجيمدە ايىپپۇلدى تولەۋ, ءتارتىپ ساقشىلارىنىڭ زاڭسىز ارەكەتتەرى مەن شەشىمدەرىنە شاعىمدانۋ ءتارتىبى تۋرالى قۇقىقتىق كەڭەستەر بەرىلىپ جاتىر.
سونىمەن قاتار, ەكى كۇن بويى حالىققا قىزمەت كورسەتۋ ورتالىعى, تىركەۋ-ەمتيحان بولىنىستەرى, جول-تەحنيكالىق باقىلاۋ جانە اكىمشىلىك پراكتيكا ماماندارى دا جۇمىس ىستەۋدە. ولاردىڭ بارلىعى وز سالالارى بويىنشا قانداي دا ءبىر ماسەلەمەن كەلگەن ازاماتتاردىڭ سۇراقتارىنا جان-جاقتى جاۋاپ بەرۋدە.
اكتسيا بارىسىندا وسى ۋاقىتقا دەيىن 400-گە جۋىق تۇرعىن ءتۇرلى ماسەلەلەر بويىنشا مامانداردان كەڭەس الدى.
سونىمەن قاتار, وبلىس جانە قالا تۇرعىندارى دەپارتامەنتتىڭ الەۋمەتتىك پاراقشالارى جانە دە «جەدەل جەلى» ارقىلى تولعاندىرعان ساۋالدارىن جولداي الادى.
