ءۇندىستان رەسپۋبليكاسى قارۋلى كۇشتەرىنىڭ ءموبيلدى-جاتتىقتىرۋ توبى ەكىجاقتى اسكەري ىنتىماقتاستىق شەڭبەرىندە ليۆانعا اتتاناتىن ەكىنشى قازاقستاندىق بىتىمگەرشىلىك روتانىڭ جەكە قۇرامىمەن ساباقتار وتكىزۋدە.
ساباقتار باعدارلاماسى بىتىمگەرشىلىك ميسسيالاردىڭ نەگىزگى تۇرلەرى بويىنشا اۋقىمدى تەوريالىق بلوكتى, سونداي-اق اسكەري-ازاماتىق قاتىناستىڭ قۇقىقتىق اسپەكتىلەرى مەن قاقتىعىس ايماعىندا بەيبىت حالىقتىڭ قورعالۋىن قامتيدى.
ساباقتار بارىسىندا قازاقستاندىق بىتىمگەرشىلەر بۇۇ-نىڭ ميسسيالارىندا قاجەت قۇجاتتاردى, كۇشتەردى قولدانۋ قاعيدالارى مەن ديرەكتيۆالاردى, وپەراتسيالاردىڭ تۇجىرىمداماسىن, جاۋىنگەرلىك بۇيرىقتار مەن ت.ب. زەردەلەيدى. تەوريالىق بلوكتى مۇقيات زەردەلەپ, اسكەري قىزمەتشىلەر پراكتيكالىق ساباقتاردا گۋمانيتارلىق جۇككە ىلەسىپ ءجۇرۋ, ءارتۇرلى شيەلەنىستەردى شەشۋ جونىندەگى تاپسىرمالاردى پىسىقتايدى, جەدەل بازانى ۇيىمداستىرۋ مەن كۇزەتۋ, بلوك بەكەتتەردى ورىستەتۋ مەن بۇۇ-نىڭ بىتىمگەرشىلىك ميسسياسى شەڭبەرىندەگى وزگە دە تاپسىرمالاردى بىلەتىندەرىن پاش ەتەدى. قازاقستاندىق بىتىمگەرشىلەر ءۇشىن ترەنينگتىڭ شارىقتاۋ شەگى وقۋ-جاتتىعۋ پوليگوندارىنىڭ بىرىندە وتەتىن «كوگىلدىر دۋلىعالار» وقۋ-جاتتىعۋى بولادى. قازاقستاندىق بىتىمگەرشىلىك پولكتىڭ العاشقى قۇراما روتاسىنىڭ اسكەري قىزمەتشىلەرى 2018 جىلعى قازاننان باستاپ ليۆان رەسپۋبليكاسىندا بىتىمگەرشىلىك ميسسيانى ويداعىداي ورىنداپ جاتقاندارىن ايتا كەتۋ قاجەت. 120 اسكەري قىزمەتشى بۇۇ-نىڭ «بەيبىتشىلىك ءۇشىن قىزمەت» مەدالدارىمەن ماراپاتتالدى. قازاقستاندىق بىتىمگەرشىلەردىڭ روتاتسياسى 2019 جىلعى مامىردا وتەدى.
