ايماقتار • 04 ءساۋىر، 2019

قاراعاندى وبلىسىندا تاۋارى تەگىن دۇكەن اشىلدى

497 رەت كورسەتىلدى

قاراعاندى وبلىسىنداعى شەت اۋدانىنىڭ ورتالىعى اقسۋ-ايۋلى كەنتىندە كوپبالالى جانە از قامتىلعان وتباسىلارعا ارنالعان الەۋمەتتىك دۇكەن اشىلدى. مۇقتاج جانداردى تەگىن تاۋارلارمەن قامتاماسىز ەتەتىن بۇل يگى جوبانىڭ ىسكە اسۋى اۋدان اكىمىنىڭ باستاماسى جانە «اقتىلەۋ» قايىرىمدىلىق قورىنىڭ قولداۋى ارقاسىندا مۇمكىن بولدى.

قازىرگى تاڭدا اۋدان ورتالىعىندا اتالعان ساناتقا جاتاتىن 30 وتباسى بار. ءاربىر مۇقتاج وتباسى بۇل دۇكەننەن 40 كيلوعا دەيىن ازىق-ت ۇلىك تۇرلەرىن الا الادى. ولار ايىنا ءبىر رەت دۇكەنگە كەلىپ، وزدەرىنە قاجەتتى زاتتاردى الۋعا قۇقىلى. سونداي-اق، اتالعان وتباسىلار الەۋمەتتىك دۇكەنگە بارىپ، ءبىرىنشى كەزەكتەگى قاجەتتى تاۋارلاردى الۋعا ءوتىنىم دە قالدىرا الادى.

نەگىزى، الەۋمەتتىك دۇكەن اۋداندىق جۇمىسپەن قامتۋ ءبولىمى بەكىتكەن تىزىمگە سايكەس تۇتىنۋشىلارعا قىزمەت كورسەتەدى. ءتىزىم ءار سايىن جاڭارتىلىپ، تولىقتىرىلىپ وتىرادى.

الەۋمەتتىك دۇكەنگە تاۋارلار دەمەۋشىلەر ارقىلى تۇسەدى. مىسالى، «شەرۋباي-سۋ» جشس كارتوپپەن قامتاماسىز ەتسە، «اقتىلەۋ» قايىرىمدىلىق قورى مەن باسقا دا جاناشىر ازاماتتار ءوز قاراجاتتارىنا ساتىپ العان ازىق-ت ۇلىك ونىمدەرى مەن كيىم-كەشەك ۇسىنادى. بۇگىنگى كۇندە دۇكەندە 5 ايعا جەتەتىندەي قور بار. ايتا كەتۋ كەرەك، الەۋمەتتىك دۇكەنگە ارنالعان ورىندى  كاسىپكەر راحمەتقالي مۋساحانوۆ «باق» ساۋدا ورتالىعى ىشىنەن تەگىن ۇسىنعان.

– دۇكەندە بالالاردىڭ اياق كيىمى مەن كيىمى، سونداي-اق ازىق-ت ۇلىك بار. مىسالى ءوزىم 4 جاسار قىزىم ءۇشىن كۇرتەشە مەن اياق كيىمدى تەگىن الدىم. ءبىز كەنتىمىزدە وسىنداي دۇكەننىڭ اشىلعانىنا وتە قۋانىشتىمىز، – دەيدى كوپ بالالى انانىڭ ءبىرى ينديرا بەرىكبوسىنوۆا. 

شەت اۋدانىنىڭ اكىمى مارات جانداۋلەتوۆتىڭ ايتۋىنشا، الداعى ۋاقىتتا مۇنداي تەگىن دۇكەندەر اقادىر، اقجال، مويىنتى اۋىلدارىندا جانە س. سەيفۋللين اتىنداعى كەنتتە پايدا بولماقشى. 


قاراعاندى وبلىسى



سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار