كۇدىكتىلەردى قۇرىقتاعان قىز
بەيسەنبى, 8 ناۋرىز 2012 8:37
اقتوبە وبلىسىنىڭ ءىىد ەسىرتكى بيزنەسىنە قارسى كۇرەس باسقارماسىنىڭ قىزمەتكەرى, پوليتسيا كاپيتانى جانات تايشەكەنوۆادان جۇمىسىنىڭ قيىندىعى مەن قىزىعى جايلى ايتىپ بەرۋىن سۇراعانبىز.
– ءسىز نەلىكتەن ىشكى ىستەر ورگانىندا قىزمەت ەتكىڭىز كەلدى؟
بەيسەنبى, 8 ناۋرىز 2012 8:37
اقتوبە وبلىسىنىڭ ءىىد ەسىرتكى بيزنەسىنە قارسى كۇرەس باسقارماسىنىڭ قىزمەتكەرى, پوليتسيا كاپيتانى جانات تايشەكەنوۆادان جۇمىسىنىڭ قيىندىعى مەن قىزىعى جايلى ايتىپ بەرۋىن سۇراعانبىز.
– ءسىز نەلىكتەن ىشكى ىستەر ورگانىندا قىزمەت ەتكىڭىز كەلدى؟
– ماعان قىم-قۋىت تىرشىلىككە تولى ءتارتىپ ساقشىسىنىڭ قىزمەتى ۇنايدى. ءارى ءوز وتانىما, ەلىمە, جۇرتىما كومەگىم ءتيسىن دەگەن نيەتپەن قولىمنان كەلگەنىنشە ىشكى ىستەر سالاسىندا ەڭبەك ەتۋدەمىن.
– وسى سالادا جۇرگەن سوڭ قىلمىسكەرلەرمەن بەتپە-بەت كەلگەن ساتتەر بولعان شىعار؟
– ءبىز, ياعني قىزدار, كوبىنە قىلمىسكەرلەر قۇرىقتالعاننان كەيىن, ەگەر كۇدىكتى ايەل بولعان جاعدايدا تەكسەرۋ جۇمىستارىن جاساۋعا بارامىز. بىراق 2006 جىلى ءبىر قىزىق جايت ورىن الدى. بىردە كەشقۇرىم جۇمىستان كەش شىعىپ, ۇيگە كەلە جاتقانمىن. كەنەتتەن تۋ سىرتىمنان بىرەۋدىڭ كەلە جاتقان دىبىسى ەستىلدى. مەن قورعانۋ ءۇشىن ءسومكەمنەن ۇيالى تەلەفونىمدى الىپ, قوڭىراۋ شالماق بولعانمىن. سول ساتتە باسىما جانە ارقاما اۋىر ەكى سوققى ءتيدى. قولىمداعى تەلەفون جەرگە تۇسكەن كەزدە ءبىر جىگىت سومكەمە جابىسىپ, ەكىنشىسى تەلەفونىمدى الىپ قاشا جونەلدى. مەن ەسىمدى جيىپ, كۇدىكتىلەردىڭ سوڭىنا ءتۇستىم. سوڭدارىنان قالماي قۋىپ جەتىپ, سومكەم مەن تەلەفونىمدى قايتارۋدى تالاپ ەتتىم. ءتىپتى ءبىر جىگىتپەن جاعالاسىپ ءجۇرىپ, سامبو كۇرەسىنىڭ ادىسىمەن ونى جەرگە قۇلاتىپ, قولىنداعى ۇيالى تەلەفونىمنان 112 نومەرىنە حابارلاسىپ, پوليتسيا شاقىردىم. ال ەكىنشى جىگىت قاشىپ كەتتى. بىرەر مينۋتتان كەيىن پاترۋلدىك پوليتسيا قىزمەتكەرلەرى كەلىپ, كۇدىكتىنى بولىمگە الىپ كەتتى. كەيىن ەكىنشى جىگىت تە قولعا ءتۇستى. مەن ەرتەڭىنە جۇمىسقا كەلسەم, ارىپتەستەرىم مەنىڭ تۇندەگى ءىس-ارەكەتىمدى اڭگىمە ەتىپ ك ۇلىپ ءجۇر. مەنىڭشە, كەز كەلگەن ءتارتىپ ساقشىسى وسىلاي جاسار ەدى دەپ ويلايمىن.
– كۇدىكتىنى تىرپ ەتكىزبەگەنىڭىزگە قاراعاندا سپورتتان حابارىڭىز بار سياقتى؟
– مەكتەپتە جۇرگەندە ۆولەيبول, باسكەتبول, كاراتە, سامبو كۇرەسىمەن اۋەستەنگەنىم راس. سول ءادىس-تاسىلدەر قازىر ماعان پايداسىن تيگىزىپ جاتىر. ءارى ىشكى ىستەر سالاسىندا جۇرگەن سوڭ سپورتتان دا الشاق بولۋ مۇمكىن ەمەس.
– ەسىرتكىگە قارسى كۇرەس باسقارماسىندا قىزمەت ەتكەندىكتەن كۇدىكتىلەردى تەكسەرۋ كەزىندە قىزىق جايتتار بولىپ تۇراتىن شىعار؟
– بىردە ءبىزدىڭ باسقارماعا كەلىپ تۇسكەن جەدەل اقپارات بويىنشا 20 جاستاعى قىزدى تەكسەردىك. كۇدىكتى قىز بالا بولعاندىقتان جەدەل ۋاكىلدەر مەنىڭ جۇمىس جاساۋىما نيەتتى بولدى. بىراق ىزدەگەن ەسىرتكى زاتتارى تابىلمادى. الايدا قىزدىڭ اياق كيىمىنە قاراي بەرەتىنىن اڭعاردىم. اياق كيىمىن تەكسەرۋ بارىسىندا ۇلتاراعىنىڭ استىنان 2 گرامم گەروين تاركىلەندى. وبلىس ورتالىعىنداعى تۇرعىندار قالاشىعىندا 50 جاستان اسقان ايەلدىڭ قىلمىسىن اشكەرەلەۋگە قاتىستىم. الگى اككى ايەل ەسىرتكى ساتۋعا ءوزىنىڭ كامەلەتكە تولماعان قىزىن جۇمسايتىن بولىپتى. الدىن الا تەرگەۋ بارىسىندا كۇدىكتى ايەلدىڭ ءوزى دە ەسىرتكى قولداناتىنى انىقتالدى. 50 جاستاعى ايەلدىڭ ەسىرتكى ساتاتىندىعىن دالەلدەپ, ءىستى سوتقا جولداعان ۋاقىتتا ناشاقور ازاماتشا اۋرۋدان قايتىس بولدى. مەديتسينالىق ساراپتاما ناتيجەسى ايەلدىڭ ەسىرتكىنى شامادان تىس كوپ مولشەردە قولدانۋ سالدارىنان كوز جۇمعاندىعىن دالەلدەدى.
ءمادي قۋانىش ۇلى.
اقتوبە وبلىسى.
