بىرىككەن اراب امىرلىگىندە قازاقستان ەلشىسى بولعان قايرات لاما شاريف سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى قىزمەتىنە تاعايىندالدى.
"سىرتقى ىستەر مينيسترلىگىندە جاڭا قىزمەتكە تاعايىندالدىم. مينيستر بەيبىت اتامقۇلوۆتىڭ ۇكىمىمەن قر سىم ەرەكشە تاپسىرمالار جونىندەگى ەلشىسى قىزمەتىنە تاعايىندالدىم", دەپ جازدى قايرات لاما شاريف Instagram جەلىسىندەگى پاراقشاسىندا.
بيىل اقپاندا مەملەكەت باسشىسىنىڭ جارلىعىمەن قايرات لاما شاريف ءباا-دەگى ەلشى قىزمەتىنەن بوساتىلدى. ول بۇل قىزمەتتى 2013 جىلدىڭ قازان ايىنان باستاپ اتقاردى.
ديپلومات 2017 جىلعى 20 ماۋسىمدا قازاقستان پرەزيدەنتى توتەنشە جانە وكىلەتتى ەلشىلەر ءۇشىن شەتەلدىك مەكەمەلەردە ۇزدىكسىز ديپلوماتيالىق جۇمىستىڭ بەس جىلدىق مەرزىمى بەلگىلەنگەن تۇزەتۋلەرگە قول قويعانىن اتاپ ءوتتى. 26 اقپاندا نۇرسۇلتان نازارباەۆتىڭ جارلىعىمەن ماديار ءسمادىل ۇلى مەڭىلبەكوۆ قازاقستاننىڭ ءباا-دەگى جاڭا ەلشىسى بولىپ تاعايىندالدى. ءار جىلدارى قايرات لاما شاريف ساۋد ارابياسىند, كۋۆەيت, ومان, باحرەيندە ەلشى قىزمەتىن اتقارعان.
